ବେପାର ପାଇଁ ଗାଡ଼ି ଡିକିରେ ଆଣିଥିଲା ବ୍ରାଉନ ସୁଗାର, ଖବର ପାଇ ଧରିଲା ପୋଲିସ

ପୁରୀ ୨୫।୧୨: ବ୍ରାଉନସୁଗାର ବ୍ୟବସାୟ ପାଇଁ ଯୋଜନା ଚାଲିଥିବା ବେଳେ ମାଡ଼ି ବସିଲା ପୁରୀ ଅବକାରୀ ବିଭାଗ । ୨୩ ଲକ୍ଷ ଟଙ୍କାର ବ୍ରାଉନ ସୁଗାର ସହିତ ବ୍ୟବସାୟୀକୁ ଗିରଫ କରି କୋର୍ଟ ଚାଲାଣ କରିଛି ଅବକାରୀ ବିଭାଗ । ସତ୍ୟବାଦୀ ଥାନା ଅନ୍ତର୍ଗତ ଜୟପୁର ଛକ ନିକଟରେ ପୁରୀ ଅବକାରୀ ବିଭାଗ ଚଢାଉ କରି ବ୍ରାଉନ ସୁଗାର ବେପାରୀ ଅବଦୁଲ ରହେମାନକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଠାରୁ ୨୨୭ ଗ୍ରାମ ବ୍ରାଉନ ସୁଗାର ଅବକାରୀ ବିଭାଗ ଜବତ କରିଛି । ଗିରଫ ଅବଦୁଲ୍ ଜଟଣୀ ରାଜାବଜାର ଅଞ୍ଚଳର ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।

ତେବେ ସୂଚନା ଅନୁଯାୟୀ, ବ୍ରାଉନ ସୁଗାର ବ୍ୟବସାୟ ଅବଦୁଲ ଅବଦୁଲ୍ ନିଜ ସ୍କୁଟି ଡିକିରେ ଏକ ପଲିଥିନ ଭିତରେ ୨୨୭ ଗ୍ରାମର ବ୍ରାଉନ ସୁଗାର ବ୍ୟବସାୟ ପାଇଁ ଆଣିଥିଲା । ବିଶେଷ ସୂତ୍ରରୁ ଖବର ପାଇ ଅବକାରୀ ବିଭାଗର ଟିମ୍ ଜୟପୁର ଛକରେ ଚଢ଼ାଉ କରି ତା ଠାରୁ ବ୍ରାଉନ ସୁଗାର ଜବତ କରିବା ସହ ଅଭିଯୁକ୍ତକୁ ଗିରଫ କରିବାରେ ସକ୍ଷମ ହୋଇଥିଲେ । ଆଗକୁ ଅବକାରୀ ବିଭାଗ ପକ୍ଷରୁ ମଧ୍ୟ ଏଭଳି ଚଢ଼ାଉ ଅଭିଯାନ ଜାରି ରହିବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।