LIVE TV
News7 Logo

ଦୀପାବଳି ଶୁଭେଚ୍ଛା ଜଣାଇଲେ ରାଷ୍ଟ୍ରପତି- ପ୍ରଧାନମନ୍ତ୍ରୀ, ପ୍ରଦୂଷଣ ମୁକ୍ତ ଉତ୍ସବ ପାଳନ ଲାଗି ସିଏମଙ୍କ ଆହ୍ୱାନ

Published By: Prameya-News Bureau - Prameya-News Bureau | October 20, 2025 07:58 AM
NEWS7
reliance-foundation-welcomed-nba

ଭୁବନେଶ୍ୱର ୨୦/୧୦: ଆଜି ଆଲୋକର ପର୍ବ ଦୀପାବଳି । ଦୀପାବଳି ଭାରତବର୍ଷରେ ଦିନ୍ଦୁମାନଙ୍କ ଦ୍ୱାରା ପାଳନ ହେଉଥିବା ଏକ ବଡ ପର୍ବ ଅଟେ । ଦୀପମାନଙ୍କର ସ୍ୱତନ୍ତ୍ର ପର୍ବ ହେବା କାରଣରୁ ଏହାକୁ ଦୀପାବଳି ବା ଦିଓ୍ୱାଲୀ ବୋଲି କୁହାଯାଇଥାଏ । ଦୀପାବଳିର କିଛି ଦିନ ପୂର୍ବରୁ ସଭିଏଁ ନିଜର ଘରକୁ ସଫାସୁତୁରା କରି ଥାଆନ୍ତି ।

କାର୍ତ୍ତିକ ମାସ ଅମାବାସ୍ୟା ତିଥିରେ ପାଳନ କରାଯାଉଥିବା ଏହି ପର୍ବରେ ଦୀପର ପ୍ରଜ୍ୱଳନ ଅନ୍ଧକାରକୁ ଦୂର କରିଥାଏ । ସମସ୍ତ ଧର୍ମ ସମ୍ପ୍ରଦାୟର ଲୋକେ ଏହାକୁ ଖୁବ ଧୁମଧାମର ସହ ପାଳନ କରିଥାଆନ୍ତି। ବିଭିନ୍ନ ଧର୍ମର ଲୋକେ ଏହାକୁ ପାଳନ କରିବା ସହ ସଭିଁଙ୍କ ମନରେ ଭଲପାଇବାର ଦୀପ ଅର୍ଥାତ ଲୋକେ ଖୁବ ଆନନ୍ଦ ଓ ଉଲ୍ଲାସର ସହ ଏହାକୁ ପାଳନ କରିଥାଆନ୍ତି।

 

ଏହି ଅବସରର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଦୀପାବଳିର ପବିତ୍ର ଅବସରରେ, ମୁଁ ଭାରତ ଏବଂ ବିଦେଶରେ ରହୁଥିବା ସମସ୍ତ ଭାରତୀୟଙ୍କୁ ମୋର ଶୁଭେଚ୍ଛା ଏବଂ ଶୁଭକାମନା ଜଣାଉଛି। ଏହା ସାରା ଦେଶବାସୀଙ୍କ ପ୍ରିୟ ପର୍ବ । ଏହା ଅନ୍ଧାର ଉପର ଆଲୋକ ଓ ଅଧର୍ମ ଉପରେ ଧର୍ମର ବିଜୟ । ଦେଶର ବିଭିନ୍ନ ସ୍ଥାନରେ ସ୍ଥାନରେ ଆନନ୍ଦ ଓ ହର୍ସ ଉଲ୍ଲାସର ସହ ପାଳନ କରାଯାଉଥିବା ଏହି ପର୍ବ ପ୍ରେମ ଓ ଭାଇଚାରର ବାର୍ତ୍ତା ବାଣ୍ଟୁଛି ।  

ଏହାସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବି ଦୀପାବଳି ଶୁଭେଚ୍ଛା ଜଣାଇଛନ୍ତି । ନମୋ କହିଛନ୍ତି ମୋର ସମସ୍ତ ନାଗରିକଙ୍କୁ ଦୀପାବଳିର ହାର୍ଦ୍ଦିକ ଶୁଭେଚ୍ଛା । ଆଲୋକର ଏହି ପବିତ୍ର ପର୍ବ ସମସ୍ତଙ୍କ ଜୀବନକୁ ସୁଖ, ସମୃଦ୍ଧି ଏବଂ ସଦ୍ଭାବରେ ଆଲୋକିତ କରୁ। 

 

ସେହିପରି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ବି ଦୀପାବଳି ଶୁଭେଚ୍ଛା ଜଣାଇଛନ୍ତି । ସୁରକ୍ଷିତ ଓ ସବୁଜ ଦୀପାବଳି ପାଳନ କରିବା ପାଇଁ ସେ ନିବେଦନ କରିଛନ୍ତି । ଏହାସହ ସେ କହିଛନ୍ତି 'ଜ୍ଞାନର ଆଲୋକ ମଣିଷଙ୍କୁ ଅଜ୍ଞାନର ଅନ୍ଧକାରରୁ ରକ୍ଷା କରେ । ପ୍ରଦୂଷଣମୁକ୍ତ ଓ ସବୁଜ ଦୀପାବଳି ପାଳନ ପାଇଁ ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତି ।