ଟ୍ରାଇ ରିପୋର୍ଟ : ଅକ୍ଟୋବରରେ ପ୍ରାୟ ୨୦ ଲକ୍ଷ ମୋବାଇଲ୍ ଗ୍ରାହକ ଯୋଡ଼ିଲା ରିଲାଏନ୍ସ ଜିଓ

ନୂଆଦିଲ୍ଲୀ ୨୯।୧୧: ଦେଶର ଦୂରସଂଚାର କ୍ଷେତ୍ରରେ ଏକ ନମ୍ବର ସ୍ଥାନ ସୁଦୃଢ଼ କରିଛି ଜିଓ । ଦୂରସଂଚାର ନିୟାମକ ଟ୍ରାଇର ଅକ୍ଟୋବର ୨୦୨୫ ରିପୋର୍ଟ ଅନୁଯାୟୀ, ରିଲାଏନ୍ସ ଜିଓ ଅନ୍ୟ ସମସ୍ତ ପ୍ରତିଦ୍ବନ୍ଦ୍ବୀ କମ୍ପାନୀଙ୍କୁ ପଛରେ ପକାଇ ଏହି ମାସରେ ଦେଶରେ ୧୯,୯୭,୮୪୩ ନୂଆ ଗ୍ରାହକ ଯୋଡ଼ି ହୋଇଛନ୍ତି । ଏହି ଅଭିବୃଦ୍ଧି ଏହାର ନିକଟତମ ପ୍ରତିଦ୍ୱନ୍ଦ୍ୱୀ ଏୟାରଟେଲ୍ ଅପେକ୍ଷା ଦେଢ଼ ଗୁଣ ଅଧିକ । ଜିଓର ବଜାର ଅଂଶ ମଧ୍ୟ ୪୧.୪ ପ୍ରତିଶତକୁ ବୃଦ୍ଧି ପାଇଛି, ଯାହା ଦୂରସଂଚାର ଶିଳ୍ପରେ ସର୍ବାଧିକ । ଏହି ସମାନ ସମୟରେ ଏୟାରଟେଲ୍ ଅକ୍ଟୋବର ମାସରେ ୧୨,୫୨,୮୭୪ ନୂତନ ଗ୍ରାହକ ଯୋଡ଼ିଥିଲା । ତଥାପି, ଜିଓର ଦ୍ରୁତ ଅଭିବୃଦ୍ଧି ତୁଳନାରେ ଏୟାରଟେଲର ଅଭିବୃଦ୍ଧି ତୁଳନାତ୍ମକ ଭାବ କମ୍ ରହିଛି ।

ଭୋଡାଫୋନ୍ ଆଇଡିଆ ଅକ୍ଟୋବର ମାସରେ ୨୦,୮୩,୬୧୮ ଗ୍ରାହକ ହରାଇଛି । ଏହାର ଉପଭୋକ୍ତା ଆଧାର ଆହୁରି ଦୁର୍ବଳ ହୋଇଛି । ଅକ୍ଟୋବରରେ ସରକାରୀ ଉଦ୍ୟୋଗ ବିଏସଏନଏଲ୍ ୨,୬୯,୨୧୫ ଗ୍ରାହକ ଯୋଡ଼ିଥିଲେ ମଧ୍ୟ, ବିଏସଏନଏଲ୍ ଏବଂ ଏମଟିଏନଏଲ ମିଳିତ ଭାବରେ କେବଳ ୭.୯୨ ପ୍ରତିଶତ ବଜାର ଅଂଶ ହାସଲ କରିଛନ୍ତି । ଯେତେବେଳେ ଘରୋଇ କମ୍ପାନୀଙ୍କ ବଜାର ଅଂଶ ୯୨.୦୮ ପ୍ରତିଶତ ରହିଛି ।

ଅକ୍ଟୋବରରେ ୩୯ ଲକ୍ଷ ସକ୍ରିୟ ଉପଭୋକ୍ତା ଯୋଡ଼ି, ଜିଓ ସକ୍ରିୟ ବେସ୍ ଏବଂ ୱାୟାରଲାଇନ୍ କ୍ଷେତ୍ରରେ ମଧ୍ୟ ଶୀର୍ଷରେ ରହିଛି । ଯାହା ପୂର୍ବ ତିନି ମାସ ମଧ୍ୟରେ ଏୟାରଟେଲର ମିଳିତ ଅଭିବୃଦ୍ଧିର ତିନି ଗୁଣ । ଏଥିସହିତ ଜିଓ ୱାୟାରଲାଇନ୍ ସେଗମେଣ୍ଟରେ ପ୍ରାୟ ୪ ଗୁଣ ଅଧିକ ନେଟ୍ ଗ୍ରାହକ ଯୋଡି ରେକର୍ଡ କରିଛି । ଜିଓ ଫାଇବରର ଦ୍ରୁତ ଲୋକପ୍ରିୟତା ଏଫଡବ୍ଲୁଏ ବର୍ଗରେ ମଧ୍ୟ କମ୍ପାନୀକୁ ଆଗରେ ରଖିଛି । ଅକ୍ଟୋବରରେ, ସାରା ଦେଶରେ ବ୍ରଡବ୍ୟାଣ୍ଡ ଗ୍ରାହକଙ୍କ ସଂଖ୍ୟା ସେପ୍ଟେମ୍ବରରେ ୯୯୫.୬୩ ନିୟୁତରୁ ୯୯୯.୮୧ ନିୟୁତକୁ ବୃଦ୍ଧି ପାଇଛି । ଏହି ଅଭିବୃଦ୍ଧିରେ ଜିଓର ୱାୟାରଲେସ ଏବଂ ୱାୟାରଲାଇନ୍ ନେଟୱାର୍କଗୁଡିକ ଗୁରୁତ୍ୱପୂର୍ଣ୍ଣ ଅବଦାନ ରଖିଛନ୍ତି ।