ସେପ୍ଟେମ୍ବରରେ ଏକାଧିକ ସରକାରୀ ଚାକିରି ଆବେଦନ କରିବାର ସୁଯୋଗ, ଜାଣନ୍ତୁ କେବେ ଶେଷ ତାରିଖ

ନୂଆଦିଲ୍ଲୀ: ସରକାରୀ ଚାକିରି ପାଇଁ ପ୍ରସ୍ତୁତି କରୁଥିବା ଆଶାୟୀଙ୍କ ପାଇଁ ଚଳିତ ମାସ ବେଶ୍‌ ଉତ୍ସାହକର ଥିଲା। କାରଣ ଚଳିତ ମାସରେ ଏକାଧିକ ସରକାରୀ ଚାକିରି ପାଇଁ ବିଜ୍ଞପ୍ତି ପ୍ରକାଶ ପାଇଛି। ତେଣୁ ଯେଉଁ ଯୋଗ୍ୟ ଆଶାୟୀ ଏପର୍ଯ୍ୟନ୍ତ  ଆପଣ ଏପର୍ଯ୍ୟନ୍ତ ଏସବୁ ନିଯୁକ୍ତି ପାଇଁ ଆବେଦନ କରିନାହାଁନ୍ତି, ତେବେ ଶେଷ ତାରିଖ ପୂର୍ବରୁ ଆବେଦନ କରିନିଅନ୍ତୁ।

ପ୍ରଥମ ଚାକିରି ହେଉଛି ପୂର୍ବ କେନ୍ଦ୍ରୀୟ ରେଳବାଇ ବା ଇସିଆର ସହ ଜଡ଼ିତ। ଇସିଆର ଆପ୍ରେଣ୍ଟିସ ପଦବୀ ପାଇଁ ଏକ ନିଯୁକ୍ତି ବିଜ୍ଞପ୍ତି ଘୋଷଣା କରିଛି। ଏଥିରେ ମୋଟ ୧,୧୪୯ ପଦବୀ ପୂରଣ କରାଯିବ। ଆଗ୍ରହୀ ଏବଂ ଯୋଗ୍ୟ ପ୍ରାର୍ଥୀମାନେ ନିର୍ଦ୍ଧାରିତ ଯୋଗ୍ୟତା ଏବଂ ଅନ୍ୟାନ୍ୟ ଆବଶ୍ୟକତା ପୂରଣ କରି ଆବେଦନ କରିପାରିବେ। ଆବେଦନର ଶେଷ ତାରିଖ ଆସନ୍ତା ଅକ୍ଟୋବର ୨୫ ତାରିଖ ରହିଛି।

ଏକଲବ୍ୟ ମଡେଲ ଆବାସିକ ବିଦ୍ୟାଳୟରେ ନିଯୁକ୍ତି

ଏକଲବ୍ୟ ମଡେଲ ଆବାସିକ ବିଦ୍ୟାଳୟ ପାଇଁ ୭ ହଜାରରୁ ଅଧିକ ଶିକ୍ଷକ ଏବଂ ଅଣଶିକ୍ଷକ ପଦବୀ ଘୋଷଣା କରାଯାଇଛି। ଏଥିରେ ଦଶମ ଶ୍ରେଣୀରୁ ମାଷ୍ଟର ଡିଗ୍ରୀ ପର୍ଯ୍ୟନ୍ତ ପ୍ରାର୍ଥୀମାନେ ଆବେଦନ କରିପାରିବେ। ପଦବୀ ଉପରେ ନିର୍ଭର କରି ବୟସ ସୀମା ୧୮ ରୁ ୫୫ ବର୍ଷ ମଧ୍ୟରେ ଭିନ୍ନ ଭିନ୍ନ ରହିଛି। ଆବେଦନର ଶେଷ ତାରିଖ ଆସନ୍ତା ଅକ୍ଟୋବର ୨୩ ତାରିଖ ରହିଛି। ତେଣୁ ଆଗ୍ରହୀ ପ୍ରାର୍ଥୀମାନେ ସମୟ ପୂର୍ବରୁ ଆବେଦନ କରିନିଅନ୍ତୁ।

ଏନଆଇଏ ନିଯୁକ୍ତି

ଭାରତୀୟ ଜାତୀୟ ତଦନ୍ତ ସଂସ୍ଥା ବା ଏନଆଇଏ ଡାଟା ଏଣ୍ଟ୍ରି ଅପରେଟର ଏବଂ ଲୋୟର ଡିଭିଜନ କ୍ଲର୍କ ପଦବୀ ପାଇଁ ଯୋଗ୍ୟ ପ୍ରାର୍ଥୀଙ୍କୁ ନିଯୁକ୍ତି ଦେବା ଆରମ୍ଭ କରିଛି। ଏହି ପଦବୀରେ ଆବେଦନ କରିବା ପାଇଁ ଗୃହ ମନ୍ତ୍ରଣାଳୟର ସରକାରୀ ୱେବସାଇଟ୍, www.mha.gov.in/en/national-investigation-agency-nia ମାଧ୍ୟମରେ ଅନଲାଇନ୍ ଆବେଦନ କରାଯାଇପାରିବ। ପ୍ରାର୍ଥୀମାନେ ଅକ୍ଟୋବର ୨୫ ତାରିଖ ସୁଦ୍ଧା NIA ମୁଖ୍ୟାଳୟରେ ଅଫଲାଇନ ମାଧ୍ୟମରେ ସେମାନଙ୍କର ଆବେଦନ ଦାଖଲ କରିପାରିବେ।