ବିନା ନିମନ୍ତ୍ରଣରେ ଏହି ଫିଲ୍ମର ଲଞ୍ଚରେ ପହଞ୍ଚି ଯାଇଥିଲେ ସଲମାନ ଖାନ , ମାଇକ୍‌ ନେଇ କହିଥିଲେ –ମୁଁ ଏଠାରେ କେବଳ ...

ମୁମ୍ୱାଇ – ୨୦୧୬ ମସିହାର କଥା। ସାଉଥ୍‌ ସିନେମା ୫୭୦ କୋଟି ଟଙ୍କା ବଜେଟ୍‌ରେ ଏକ ଫିଲ୍ମ ନିର୍ମାଣ କରିଥିଲା। ମେକର୍ସ ଓ ଆକ୍ଟର୍ସ ସେହି ଦିନ ସେହି ଫିଲ୍ମକୁ ଲଞ୍ଚ କରୁଥିଲେ। ସମସ୍ତଙ୍କ ନଜର ଷ୍ଟେଜ୍‌ ଉପରେ ଥିଲା ଏବଂ ସେତେବେଳେ ହଠାତ୍‌ ଭିଡ଼ ଭିତରେ ଆଉ ଏକ ମୁହଁ ନଜର ଆସିଲା। ସେହି ମୁହଁ ଆଉ କାହାର ନୁହେଁ ବରଂ ସଲମାନ ଖାନଙ୍କର ଥିଲା। ସଲମାନଙ୍କୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଗଲେ। ନା ମେକର୍ସମାନେ ବୁଝି ପାରିଲେ ନା ହିଁ ସେଠାରେ ଥିବା ଆକ୍ଟର୍ସଙ୍କୁ ଯେ ବଲିଉଡ୍‌ର ଭାଇଜାନ ତାଙ୍କ ଫିଲ୍ମର ଲଞ୍ଚରେ କେମିତି ଆସିଗଲେ।

ସଲମାନ ସିଧା ଷ୍ଟେଜ୍‌ ଉପରେ ପହଞ୍ଚି ଗଲେ। ପ୍ରଥମେ ତ ଲୋକଙ୍କର ମନେହେଲା ଯେ, ବୋଧ ହୁଏ ଏହା ପବ୍ଲିସିଟି ଷ୍ଟଣ୍ଟ, ବୋଧହୁଏ ଏହା କୌଣସି ନୂଆ କୋଲାବୋରେସନର ଘୋଷଣ କରିବାକୁ ଆସିଛନ୍ତି କିମ୍ୱା ବୋଧହୁଏ ସଲମାନ ଫିଲ୍ମର ସଦସ୍ୟ ଅଛନ୍ତି। କିନ୍ତୁ ଏମିତି କିଥି ନଥିଲା। ସଲମାନ ମାଇକ୍‌ ନେଇ କହିଲେ , ମୋତେ ଏଠାକୁ କେହି ଡାକି ନଥିଲେ ...ମୁଁ ନିଜେ ହିଁ ଆସିଛି। ପୁଣି ସେ ଷ୍ଟେଜ୍‌ରେ ଠିଆ ହୋଇଥିବା  ସୁପରଷ୍ଟାର ରଜନୀକାନ୍ତଙ୍କ ଆଡ଼କୁ ଇସାରା କଲେ ଏବଂ କହିଲେ , ମୁଁ ତାଙ୍କୁ ଭେଟିବାକୁ ଆସିଛି ଏବଂ ଏହାପରେ ପୂରା ହଲ୍‌ କରତାଳିରେ କମ୍ପି ଉଠିଥିଲା।

ଏହି ଇଭେଣ୍ଟ ଥିଲା ରଜନୀକାନ୍ତଙ୍କ ମେଗା ଫିଲ୍ମ ୨.୦ର ଲଞ୍ଚ ସମୟର। ସଲମାନଙ୍କ କଥା ଶୁଣି ରଜନୀକାନ୍ତ ଇମୋସନାଲ ହୋଇଗଲେ ଏବଂ ସେ ସଲମାନଙ୍କୁ ଆଲିଙ୍ଗନ କଲେ। ପୁଣି ସେ ନିଜ ଟିମ୍‌କୁ ଡାକି ସାଥିରେ ଫଟୋ କ୍ଲିକ୍ କରାଇଲେ। ଏହି ସମୟରେ ଅକ୍ଷୟ କୁମାର , ଏମି ଜ୍ୟାକସନ ଓ ଡାଇରେକ୍ଟର ଶଙ୍କର ମଧ୍ୟ ରଜନୀକାନ୍ତଙ୍କ ସହ ମଞ୍ଚରେ ଉପସ୍ଥିତ ଥିଲେ। ସେ ମଧ୍ୟ ସଲମାନଙ୍କ ଆକ୍ଟର ପ୍ରଶଂସା କରିଥିଲେ।