ବିଗ୍ ବସ୍‌ରେ ଟର୍ଚ୍ଚର ହେଲେ ମୃଦୁଲ ତିୱାରୀ, କାନ୍ଦିକି କହିଲେ-୩ ଦିନରେ ମୋତେ ଦୁର୍ବଳ କରିଦେଲେ...

ମୁମ୍ଵାଇ ୨୯।୧୦; ଏବେ ବିଗ୍ ବସ୍ ଘରେ ଚାଲିଛି ହଙ୍ଗାମା । ଅଭିଷେକ ଏବଂ ଅଶନୁରଙ୍କୁ ସପୋର୍ଟ କରିବା ପାଇଁ ଘର ଘରର ସମସ୍ତ ସଦସ୍ୟ କ୍ୟାପ୍ଟେନ୍ ମୃଦୁଲ୍ ତିୱାରୀଙ୍କ ବିରୁଦ୍ଧରେ ଅଛନ୍ତି। ଘରର ଅନେକ ଲୋକ ସେମାନଙ୍କ ଡ୍ୟୁଟି କରିବାକୁ ମନା କରିଦେଇଛନ୍ତି । ଯାହାଫଳରେ ମୃଦୁଲ୍ ଘରର ସଦସ୍ୟଙ୍କ ଟର୍ଚ୍ଚର ଦେଖି ଏତେ ବିରକ୍ତ ହୋଇ ଯାଇଥିଲେ ଯେ ତାଙ୍କ ଆଖିରୁ ଲୁହ ବାହାରି ଆସିଥିଲା ।

ମୃଦୁଲ୍ଙ୍କ ଉପରେ ରାଗିକି କୁନିକା, ନୀଲମ୍, ତାନ୍ୟା ଏବଂ ଫରହାନା ଘର କାମ କରିବାକୁ ମନା କରିଦେଇଥିଲେ। ମୃଦୁଲ୍ ଫରହାନାଙ୍କୁ କାମ କରିବାକୁ ଅନୁରୋଧ ମଧ୍ୟ କଲେ କିନ୍ତୁ ଫରହାନା ସିଧାସଳଖ ମନା କରିଦେଇଥିଲେ। କ୍ୟାପଟେନ ହେବା ସତ୍ତ୍ୱେ, ମୃଦୁଲ୍ ଘରର ସମସ୍ତ କାମ କରୁଛନ୍ତି। ପ୍ରୋମୋ ଭିଡିଓରେ ମୃଦୁଲ୍ ତାଙ୍କ ଯନ୍ତ୍ରଣା ପ୍ରକାଶ କରୁଥିବା ଦେଖାଯାଇଥିଲା। ସେ କାନ୍ଦି କାନ୍ଦି କହିଥିଲେ, "ଏହି ଲୋକମାନେ ୨-୩ ଦିନ ମଧ୍ୟରେ ମୋତେ ବହୁତ ଦୁର୍ବଳ କରି ଦେଇଛନ୍ତି। ମୁଁ ସକାଳେ ଉଠିବା ପରେ ସମସ୍ତ କାମ ଏକାକୀ କରୁଛି ।

ଯେତେବେଳେ ମୁଁ କ୍ୟାପଟେନ୍ସି ପାଇଲି ସେମାନେ କହିଲେ ଯେ 'ଦୁର୍ବଳ ବ୍ୟକ୍ତିଙ୍କୁ ଦିଆଯାଇଛି' । ଏହା କହି ମୃଦୁଲ କାନ୍ଦି ପକାଇଥିଲେ। ତା'ପରେ ଶେହବାଜ, ମାଳତୀ ଏବଂ ଗୌରବ ତାଙ୍କୁ ବୁଝାଇଥିଲେ। ମୃଦୁଲଙ୍କ କାନ୍ଦିବାର ଦେଖି, ଅଭିଷେକ ଏବଂ ପ୍ରଣିତ ମଧ୍ୟ ଫରହାନାଙ୍କୁ କାମ କରିବା ସହ ତାଙ୍କ କ୍ୟାପଟେନ୍ସି ଖରାପ ନକରିବାକୁ ଅନୁରୋଧ କରିଥିଲେ। କିନ୍ତୁ ଫରହାନା ସିଧାସଳଖ ମନା କରିଦେଲେ। ତେବେ ଦେଖିବାକୁ ବାକି ରହିଲା ଯେ ଆଗାମୀ ଏପିସୋଡରେ କଣ ହେବ ।