ମାଓ ନେତା ଚେତୁ ସହ ୧୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ, ୬୫ ଲକ୍ଷର ଥିଲା ପୁରସ୍କାର ରାଶି

ମାଲକାନଗିରି ୨୯।୧୧ :  ଛତିଶଗଡ ସୁକୁମା ଝିରାମ ଘାଟି ମାଓ ହିଂସାର ମାଷ୍ଟର ମାଇଣ୍ଡ ମାଓ ନେତା ଚେତୁ ଓରଫ ଶ୍ୟାମ ଦାଦା ସମେତ ୧୦ ଜଣ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ । ଜଗଦଲପୁର ଠାରେ ବସ୍ତର IG ପି ସୁନ୍ଦର ରାଜଙ୍କ ନିକଟ ଏହି ୧୦ ହାର୍ଡକୋର ମାଓବାଦୀ ଅସ୍ତ୍ରଶସ୍ତ୍ର ତ୍ୟାଗ କରି ଆତ୍ମସମର୍ପଣ କରିଛନ୍ତି ।

ତେବେ ଆତ୍ମସମର୍ପଣ କରିଥିବା ମାଓବାଦୀଙ୍କ ନାମରେ ପୂର୍ବରୁ ଛତିଶଗଡ ସରକାର ୬୫ ଲକ୍ଷ ଟଙ୍କାର ପୁରସ୍କାର ଘୋଷଣା କରିଥିଲେ । ମାଓ ନେତା ଚେତୁ ନାମରେ ୨୫ ଲକ୍ଷ ଟଙ୍କାର ପୁରସ୍କାର ଘୋଷଣା ହୋଇଥିବା ବେଳେ ଅନ୍ୟ ନକ୍ସଲଙ୍କ ନାମରେ ୪୦ ଲକ୍ଷ ଟଙ୍କାର ପୁରସ୍କାର ରହିଥିଲା । ୨୦୧୩ ମସିହାରେ ଝିରମ ଘାଟିରେ ହୋଇଥିବା ନକ୍ସଲ ଆକ୍ରମଣରେ ଚେତୁ ମୁଖ୍ୟ ନାୟକ ଥିବା ପୋଲିସ କହିଛି । ୩୩ ଜଣ କଂଗ୍ରେସ କର୍ମୀଙ୍କୁ ହତ୍ୟା ଘଟଣାରେ ଚେତୁ ମାଷ୍ଟର ମାଇଣ୍ଡ ଥିଲା । ଆତ୍ମସମର୍ପଣ ପରେ ଦରଭା ନକ୍ସଲ ଡିଭିଜନ ଏକ ପ୍ରକାର ଭାଙ୍ଗି ଯାଇଛି ।