ବେଆଇନ୍ ଖଣି କାରବାର ଉପରେ ଲାଗିବ ରୋକ, ବିଭାଗ ଆଣିଲା ନୂଆ ନିୟମ

ଭୁବନେଶ୍ୱର ୩୦।୧୧ : ଆସିଲା ନୂଆ ନିୟମ । ବେଆଇନ ଖଣି କାରବାରରେ ଲାଗି ରୋକ୍ । ଖଣି କାରବାର ସହ ଖଣିଜ ପରିବହନ ସଂରକ୍ଷଣ, ପରିବହନ ଉପରେ ନଜର ରଖାଯିବ। ଏପିରିକି ଖଣି ଉତ୍ତୋଳନ ଠାରୁ ପରିବହନ ପର୍ଯ୍ୟନ୍ତ ସମସ୍ତ କାର୍ଯ୍ୟ ପାଇଁ ଲାଇସେନ୍ସ ବାଧ୍ୟତାମୂଳକ କରାଯାଇଛି। ଖଣି ଓ ଇସ୍ପାତ ବିଭାଗ ପକ୍ଷରୁ ଏହି ନିର୍ଦ୍ଦେଶାନାମା ଜାରି କରାଯାଇଛି ।

ପ୍ରକାଶ ପାଇଥିବା ବିଜ୍ଞପ୍ତି ଅନୁସାରେ, ବେଆଇନ ଖଣି କାରବାର ସହ, ଖଣିଜ ପରିବହନ ସଂରକ୍ଷଣ, ପରିବହନ ଓ ବ୍ୟବସାୟ ପାଇଁ ଆସିଛି ନୂଆ ନିୟମ | ଏଆଇ କ୍ୟାମେରା, ଅନାଳାଇଜର, ଡିଜିଟାଲ ପ୍ଲାଟଫର୍ମ ଭଳି ଜ୍ଞନ କୌଶଳ ବ୍ୟବହାର କରାଯିବ | ବେଆଇନ କରବାର ଉପରେ ନଜର ରଖିବ ଡ୍ରୋନ | ଡିଜିଟାଲ ଏନ୍ଫୋର୍ସମେଣ୍ଟ ଜରିଆରେ ବିନା କର୍ମଚାରୀରେ କାରବାର ଉପରେ ନଜର ରଖାଯିବ | ରିଅଲ ଟାଇମ୍ ଡାଟା ସିଷ୍ଟମ ଜରିଆରେ ଗାଡ଼ିରେ ଥିବା ଖଣିଜ ହେବ ଦ୍ରବ୍ୟର ମାନ, ଓଜନ ଓ ଗାଡିର ବିବରଣୀ ନେଇ ଡିଜିଟାଲ ଡାଟା ବେଶ ତିଆରି କରାଯିବ। ଇ-ଟ୍ରାନଜିଟ୍ ପାସର ପ୍ରଚଳନ ହେବ। ବିନା ଲାଇସେନ୍ସରେ ଖଣି କାରବାର କଲେ ଜରିମାନା ସହିତ ଜେଲ ହୋଇପାରେ। ଖଣି ଖୋଲିବା ଠାରୁ ପରିବହନ ପର୍ଯ୍ୟନ୍ତ କରିବାକୁ ହେଲେ ଲାଇସେନ୍ସ ବାଧ୍ୟତାମୂଳକ ହେବ। ସମସ୍ତ କାର୍ଯ୍ୟ ସରକାରୀ ଡିଜିଟାଲ୍ ପ୍ଲାଟଫର୍ମ ବ୍ୟବହାର କରିବା ଆବଶ୍ୟକ। ଖଣିଜ ପରିବହନ ପାଇଁ ପ୍ରକୃତ ସମୟ ମନିଟରିଂ, ସମନ୍ୱିତ ଓଜନ ସେତୁ ଏବଂ ବାଧ୍ୟତାମୂଳକ ଇ-ଟ୍ରାନଜିଟ୍ ପାସ୍ । ଡିଜିଟାଲ୍ ସିଷ୍ଟମ ସହିତ ଯେକୌଣସି ପ୍ରକାରର ହେରଫେର ହେଲେ ଲାଇସେନସ ନିଲମ୍ବନ/ ବାତିଲ ହୋଇପାରେ।