କୋହଲି ଏବଂ ରୋହିତଙ୍କ ସହ ନାହିଁ ଗମ୍ଭୀରଙ୍କ ଉତ୍ତମ ସମ୍ପର୍କ ! ଟେନସନରେ ବିସିସିଆଇ, ହୋଇପାରେ ବୈଠକ

ନୂଆଦିଲ୍ଲୀ: ଏବେ କ୍ରିକେଟ୍କୁ ନେଇ ଯେତିକି ଉତ୍କଣ୍ଠା, ତାଠୁ ଅଧିକ ଚର୍ଚ୍ଚା ଗୌତମ ଗମ୍ଭୀରଙ୍କୁ ନେଇ। ଭାରତୀୟ କ୍ରିକେଟରେ ବରିଷ୍ଠ ଖେଳାଳି ଏବଂ ପ୍ରଶିକ୍ଷକଙ୍କ ମଧ୍ୟରେ ମତଭେଦ ଏକ ଦୀର୍ଘକାଳୀନ ପରମ୍ପରା। କିନ୍ତୁ ଏବେ ପୁଣିଥରେ ଏହି ଘଟଣାର ପୁନରାବୃତ୍ତି ଘଟିଛି। ପ୍ରଶିକ୍ଷକ ଏବଂ ବରିଷ୍ଠ ଖେଳାଳିଙ୍କ ମଧ୍ୟରେ ସମନ୍ୱୟର ଅଭାବ ଡ୍ରେସିଂ ରୁମରେ ଦେଖାଦେଇଛି। ଇଣ୍ଡିଆନ କ୍ରିକେଟ୍ ଟିମର ରୋକୋ। ରୋହିତ ଶର୍ମା ଏବଂ ବିରାଟ କୋହଲି। ଭାରତୀୟ କ୍ରିକେଟର ହୃଦୟ ଏବେ ବି ଖେଳର ଦୁଇ ମହାନ ତାରକା କୋହଲି ଏବଂ ରୋହିତଙ୍କ ପାଇଁ ଗର୍ବ ଅନୁଭବ କରେ । ତଥାପି ସେମାନଙ୍କ ଭବିଷ୍ୟତକୁ ନେଇ ସସପେନ୍ସ ଏବଂ ହେଡ୍ କୋଚ ଗୌତମ ଗମ୍ଭୀରଙ୍କ ସହ ସେମାନଙ୍କ ସମ୍ପର୍କକୁ ନେଇ ଚାଲିଥିବା ବିତର୍କକୁ ନେଇ ଟେନସନରେ BCCI।

ଏବେ ଏକ ରିପୋର୍ଟରେ ଦାବି କରାଯାଇଛି ଯେ ଗମ୍ଭୀର, କୋହଲି ଏବଂ ରୋହିତଙ୍କ ମଧ୍ୟରେ ସମ୍ପର୍କ ଆଦୌ ସୌହାର୍ଦ୍ଦ୍ୟପୂର୍ଣ୍ଣ ନୁହେଁ। ଯାହା ଟିମ୍ ପରିବେଶକୁ ପ୍ରଭାବିତ କରୁଛି। ଜାତୀୟ ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ହେଡ କୋଚ ଗୌତମ ଗମ୍ଭୀରଙ୍କ କୋହଲି ଏବଂ ରୋହିତଙ୍କ ସହ ସମ୍ପର୍କ ଆଉ ସେପରି ନାହିଁ। ଯେତେବେଳେ ରାହୁଲ ଦ୍ରାବିଡଙ୍କ ସ୍ଥାନରେ ଭାରତର ମୁଖ୍ୟ ପ୍ରଶିକ୍ଷକ ଭାବରେ ଦାୟିତ୍ୱ ଗ୍ରହଣ କରିଥିଲେ ସେତେବେଳେ ଯେପରି ସମ୍ପର୍କ ଥିଲା।

ରିପୋର୍ଟରେ ଦାବି କରାଯାଇଛି ଯେ ଦୁଇ ଅଭିଜ୍ଞ ଏବଂ ପ୍ରଶିକ୍ଷକଙ୍କ ମଧ୍ୟରେ ସମ୍ପର୍କ ତିକ୍ତ ହେବାରେ ଲାଗିଛି। ବିସିସିଆଇର ଏକ ସୂତ୍ରରୁ କୁହାଯାଇଛି ଯେ, "ଗୌତମ ଗମ୍ଭୀର ଏବଂ ବରିଷ୍ଠ ଖେଳାଳି ବିରାଟ କୋହଲି ଏବଂ ରୋହିତ ଶର୍ମାଙ୍କ ମଧ୍ୟରେ ସମ୍ପର୍କ ଯେତିକି ଭଲ ହେବା ଉଚିତ, ତାହା ନୁହେଁ, ଏବଂ ଉଭୟ ଖେଳାଳିଙ୍କ ଭବିଷ୍ୟତ ସମ୍ପର୍କରେ ଏକ ବୈଠକ ହୋଇପାରେ। ଏହା ଦ୍ୱିତୀୟ ଏବଂ ତୃତୀୟ ଦିନିକିଆ ପାଇଁ ରାୟପୁର କିମ୍ବା ବିଶାଖାପାଟଣାରେ ହୋଇପାରେ।"

ଦିନିକିଆ ଦଳ ଭିତରେ ଏଭଳି ଅପ୍ରୀତିକର ପରିବେଶ ବିଷୟରେ ରିପୋର୍ଟ ଦେଖି ବିସିସିଆଇ କ୍ଷୁବ୍ଧ। ଦକ୍ଷିଣ ଆଫ୍ରିକା ଦିନିକିଆ ଆରମ୍ଭ ହେବା ମାତ୍ରେ କୋହଲି ଏବଂ ଗମ୍ଭୀରଙ୍କ ସମ୍ପର୍କ ଆଲୋଚନାର ବିଷୟ ହୋଇଗଲା। ତଥାପି BCCI ଦୃଷ୍ଟିକୋଣରୁ, ବର୍ତ୍ତମାନର ପରିସ୍ଥିତି ଆଦୌ ଭଲ ନୁହେଁ। ସୋସିଆଲ ମିଡିଆରେ ମୁଖ୍ୟ ପ୍ରଶିକ୍ଷକ ଗମ୍ଭୀରଙ୍କ ପ୍ରତି ସାର୍ବଜନୀନ ଦୁର୍ବ୍ୟବହାର ଯୋଗୁଁ ବରିଷ୍ଠ ପରିଚାଳନା ବିରକ୍ତ ପ୍ରକାଶ କରିଛନ୍ତି।

ରିପୋର୍ଟରେ କୁହାଯାଇଛି, "ଅଷ୍ଟ୍ରେଲିଆ ସିରିଜ୍ ସମୟରେ, ରୋହିତ ଏବଂ ଅଗରକର ଆଦୌ ଯୋଗାଯୋଗ କରିନଥିଲେ। ସେବେଠାରୁ, କୋହଲି ଏବଂ ଗମ୍ଭୀର ମଧ୍ୟ ପରସ୍ପର ସହିତ ଅଧିକ କଥା ହୋଇନାହାଁନ୍ତି। ଏହା ବ୍ୟତୀତ କୋହଲି ଏବଂ ରୋହିତଙ୍କ ପ୍ରଶଂସକମାନେ ସାମାଜିକ ଗଣମାଧ୍ୟମରେ ଗମ୍ଭୀରଙ୍କୁ ଯେଉଁଭଳି ଆକ୍ରମଣ କରୁଛନ୍ତି ବିସିସିଆଇକୁ ଟେନସନରେ ପକାଇଛି।