‘ଆପଣଙ୍କ ମାଆ ଠିକ୍‌ କରିଛନ୍ତି…’ ଟ୍ରମ୍ପ-ପୁଟିନ ବୈଠକକୁ ନେଇ ସାମ୍ବାଦିକଙ୍କ ଉପରେ ବର୍ଷିଲେ ହ୍ୱାଇଟ୍ ହାଉସ୍ ପ୍ରେସ୍ ସଚିବ

ନୂଆଦିଲ୍ଲୀ: ପୁଟିନ-ଟ୍ରମ୍ପଙ୍କ ସାକ୍ଷାତକୁ ନେଇ ରିପୋର୍ଟରଙ୍କ ପ୍ରଶ୍ନ ଉପରେ ଭଡକିଲେ ହାଉସ୍ ପ୍ରେସ୍ ସଚିବ କାରୋଲିନ୍ ଲେଭିଟ୍। ଏପରିକି ତାଙ୍କୁ "ବାମପନ୍ଥୀ ହ୍ୟାକର" ବୋଲି କହିଥିଲେ। ୟୁକ୍ରେନରେ ଯୁଦ୍ଧ ସମାପ୍ତ କରିବା ବିଷୟରେ ଆଲୋଚନା ପାଇଁ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ଆଗାମୀ ସାକ୍ଷାତ ବିଷୟରେ ତାଙ୍କୁ ପ୍ରଶ୍ନ କରିଥିଲେ ରିପୋର୍ଟର।

ଟ୍ରମ୍ପଙ୍କ ଉପରେ ବିବାଦୀୟ ରିପୋର୍ଟିଂ କରିବାରେ ବେଶ ଜଣାଶୁଣା ଆମେରିକୀୟ ଜଣେ ବରିଷ୍ଠ ରାଜନୈତିକ ରିପୋର୍ଟର ଏସଭି ଡିଟିଇ। ହଫିଂଟନ୍ ପୋଷ୍ଟର ଡିଟିଇ ଲେଖା ଅନେକ ପ୍ରସଙ୍ଗକୁ ଫୋକସ୍‌ କରେ। ସେ ଲେଭିଟଙ୍କୁ ମେସେଜ କରି ପଚାରିଥିଲେ ଯେ ବୁଡାପେଷ୍ଟରେ ଗୁରୁତ୍ୱପୂର୍ଣ୍ଣ ଶିଖର ସମ୍ମିଳନୀ ପାଇଁ ସ୍ଥାନ ବାଛିଛନ୍ତି କିଏ ? ଏହାର ଉତ୍ତରରେ ଲେଭିଟ୍‌ ଲେଖିଥିଲେ ଯେ ‘ଆପଣଙ୍କ ମାଆ କରିଥିଲେ’

ସେ ସୋସିଆଲ ମିଡିଆରେ ତାଙ୍କ ପ୍ରତିକ୍ରିୟାର ଏକ ସ୍କ୍ରିନସଟ୍ ସେୟାର କରି ଲେଖିଛନ୍ତି, " ହଫିଂଟନ୍ ପୋଷ୍ଟର SV DTE ତଥ୍ୟ ଜଣେ ସାମ୍ବାଦିକ ନୁହଁନ୍ତି। ସେ ଜଣେ ବାମପନ୍ଥୀ ହ୍ୟାକର ଯିଏ ବର୍ଷ ବର୍ଷ ଧରି ରାଷ୍ଟ୍ରପତି ଟ୍ରମ୍ପଙ୍କୁ ବାରମ୍ବାର ଆକ୍ରମଣ କରିଆସୁଛନ୍ତି। ନିରନ୍ତର ମୋ ଫୋନକୁ ଗଣତାନ୍ତ୍ରିକ ସମର୍ଥକ ପ୍ରଚାର ସହିତ ବୋମା ମାରୁଛନ୍ତି।"

ସେ ଆହୁରି କହିଛନ୍ତି, "DTEର ଫିଡ୍ ଦେଖନ୍ତୁ; ଏହା ଟ୍ରମ୍ପ୍ ବିରୋଧୀ କର୍ମୀଙ୍କ ବ୍ୟକ୍ତିଗତ ଡାଏରୀ ପରି ଲାଗେ। ପ୍ରକୃତ ସାମ୍ବାଦିକ ଭାବରେ ନିଜକୁ ଉପସ୍ଥାପନ କରୁଥିବା କର୍ମୀମାନେ ବୃତ୍ତି ପାଇଁ ଅପମାନଜନକ।"

ହ୍ୱାଇଟ୍ ହାଉସ୍ ପୂର୍ବରୁ ନିର୍ଦ୍ଧାରିତ ଟ୍ରମ୍ପ-ପୁଟିନ୍ ଶିଖର ସମ୍ମିଳନୀର ସଠିକ୍ ତାରିଖ କିମ୍ବା ସ୍ଥାନ ସ୍ପଷ୍ଟ କରିନାହିଁ, କିନ୍ତୁ ଏହା ଆଗାମୀ ଦୁଇ ସପ୍ତାହ ମଧ୍ୟରେ ବୁଡାପେଷ୍ଟରେ ଅନୁଷ୍ଠିତ ହେବାର ସମ୍ଭାବନା ଅଛି। ଅଗଷ୍ଟ ୧୫ ତାରିଖରେ ଆଲାସ୍କାରେ ସେମାନଙ୍କର ପୂର୍ବ ବୈଠକ କୌଣସି ଅଗ୍ରଗତି ବିନା ଶେଷ ହୋଇଥିଲା, କାରଣ ପୁଟିନ୍ ଟ୍ରମ୍ପଙ୍କ ତୁରନ୍ତ ଯୁଦ୍ଧବିରତି ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିବା ଜଣାପଡ଼ିଛି।

ୟୁକ୍ରେନ୍ ରାଷ୍ଟ୍ରପତି ଜେଲେନ୍ସକି ସେମାନଙ୍କର ଆଲୋଚନାକୁ ସକାରାତ୍ମକ ବୋଲି ବର୍ଣ୍ଣନା କରିଥିଲେ। କହିଥିଲେ- ଗସ୍ତ ପରେ ୟୁକ୍ରେନ୍ ଏବେ 25ଟି ପାଟ୍ରିଅଟ୍ ବାୟୁ ପ୍ରତିରକ୍ଷା ପ୍ରଣାଳୀ ପାଇଁ ଏକ ଚୁକ୍ତି ପ୍ରସ୍ତୁତ କରୁଛନ୍ତି। ସେ ଗତ ସପ୍ତାହରେ ୱାଶିଂଟନରେ ଟ୍ରମ୍ପଙ୍କ ସହ ସାକ୍ଷାତ କରିଥିଲେ।