ପ୍ରଥମ ଦିନରେ ରେକର୍ଡ ଭାଙ୍ଗିଲା ‘ବର୍ଡର-୨’, ଫିଲ୍ମ ଦେଖିବାକୁ ଲୋକେ ପାଗଳ

ନୂଆଦିଲ୍ଲୀ ୨୪।୦୧; ଶେଷରେ ରିଲିଜ୍ ହୋଇଛି ମୋଷ୍ଟ ଅୱେଟେଡ୍ ଫିଲ୍ମ ‘ବର୍ଡର ୨’ । ରିଲିଜ୍ର ପ୍ରଥମ ଦିନରେ ହିଁ ଫିଲ୍ମଟି ଦମ୍ଦାର ପ୍ରଦର୍ଶନ କରିଛି । ପ୍ରଥମ ଦିନରେ ବକ୍ସ ଅଫିସରେ ଦର୍ଶକଙ୍କ ଠାରୁ ‘ବର୍ଡର ୨’କୁ ଜବରଦସ୍ତ ପ୍ରତିକ୍ରିୟା ମିଳିଛି । ଏହା ଏକ ବମ୍ଫର ଓପନିଂ ବି କରିଛି । ଯଦିଓ ଫିଲ୍ମଟି ଆଶାଠାରୁ କମ୍ ଆୟ କରିଛି, କିନ୍ତୁ ‘ଧୁରନ୍ଧର ୨’ ଓପନିଂ ରେକର୍ଡ ଭାଙ୍ଗିବାରେ ସଫଳ ହୋଇଛି ।

ପ୍ରଥମ ଦିନର ରୋଜଗାର:‘ବର୍ଡର ୨’ ସନ୍ନିଙ୍କ ଦ୍ୱିତୀୟ ସବୁଠାରୁ ବଡ଼ ଓପନିଂ ଫିଲ୍ମ ପାଲଟିଛି । ନିର୍ମାତାଙ୍କ ଅନୁଯାୟୀ, ‘ବର୍ଡର ୨’ ପ୍ରଥମ ଦିନରେ ଭାରତରେ ୩୨.୧୦ କୋଟି ଟଙ୍କା ରୋଜଗାର ସହ ଓପନିଂ କରିଛି । ସାକନିକ ଅନୁଯାୟୀ, ପ୍ରଥମ ଦିନରେ ହିନ୍ଦୀ ଭାଷାରେ ଫିଲ୍ମର ସାମଗ୍ରିକ ଅକୁପାନ୍ସି ହାର ୩୨.୧୦ ପ୍ରତିଶତ ଥିଲା । ଏଥିରେ ସକାଳ ଶୋ’ରେ ୧୯.୪୬ ପ୍ରତିଶତ, ଅପରାହ୍ନ ଶୋ’ରେ ୨୬.୩୩ ପ୍ରତିଶତ, ସନ୍ଧ୍ୟା ଶୋ’ରେ ୩୪.୫୫ ପ୍ରତିଶତ ଏବଂ ରାତି ଶୋ’ରେ ୪୮.୦୬ ପ୍ରତିଶତ ଅନ୍ତର୍ଭୁକ୍ତ। ତେବେ ‘ବର୍ଡର ୨’ ପ୍ରଥମ ଦିନର ଆୟ ସହ ସନ୍ନି ଦେଓଲ ତାଙ୍କର ମେଗା-ବ୍ଲକବଷ୍ଟର ଫିଲ୍ମ ‘ଗଦର ୨’ ରେକର୍ଡ ଭାଙ୍ଗିପାରିନାହିଁ ।

କହିବାକୁଗଲେ, ୨୦୨୩ ମସିହାରେ ମୁକ୍ତିଲାଭ କରିଥିବା ‘ଗଦର ୨’ ପ୍ରଥମ ଦିନରେ ୪୦ କୋଟିରୁ ଅଧିକ ଆୟ କରିଥିଲା । ତେବେ ୧୯୯୭ରେ ରିଲିଜ୍ ହୋଇଥିବା ବର୍ଡର୍ ପ୍ରଥମ ଦିନରେ ୧ କୋଟି ଟଙ୍କା ରୋଜଗାର କରିଥିଲା । ୧୨ କୋଟି ବଜେଟରେ ନିର୍ମିତ ଫିଲ୍ମ ବର୍ଡର ବକ୍ସ ଅଫିସରେ ମୋଟ୍ ୬୬.୭୦ କୋଟି ଟଙ୍କା ରୋଜଗାର କରିଥିଲା । ଚଳଚ୍ଚିତ୍ରଟି ମୁକ୍ତିଲାଭ କରିବା ପରଠାରୁ, ଜନସାଧାରଣଙ୍କ ପ୍ରତିକ୍ରିୟା ଅତୁଟ ରହିଛି। ଚଳଚ୍ଚିତ୍ରଟି ପୁରୁଣା ସ୍ମୃତିକୁ ଜାଗ୍ରତ କରେ, ଏବଂ ଏହାର ଗୀତଗୁଡ଼ିକ ମଧ୍ୟ ଉତ୍କୃଷ୍ଟ। ଚଳଚ୍ଚିତ୍ରଟି ଭଲ କଲେକ୍ସନ କରିବ ବୋଲି ଆଶା କରାଯାଉଛି। ୨୯ ବର୍ଷ ପରେ “ବର୍ଡର ୨”ର ମୁକ୍ତି ଦର୍ଶକଙ୍କ ପାଇଁ ଏକ ଶକ୍ତିଶାଳୀ ଅଭିଜ୍ଞତା, ଯାହା ସେମାନଙ୍କ ଦେଶପ୍ରେମକୁ ପ୍ରତିଫଳିତ କରେ।

ଲୋକଙ୍କ କ୍ରେଜ୍:“ବର୍ଡର ୨”କୁ ନେଇ ସୋସିଆଲ ମିଡିଆରେ ଏକ ଭିନ୍ନ ପ୍ରକାରର ଉତ୍ସାହ ମଧ୍ୟ ଦେଖିବାକୁ ମିଳିଛି। ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି ଲୋକମାନେ ଦେଶପ୍ରେମର ସ୍ଲୋଗାନ ଦେଉଛନ୍ତି, ତ୍ରିରଙ୍ଗା ଧରିଛନ୍ତି ଏବଂ ଉତ୍ସାହୀ ମୁହଁରେ ଥିଏଟର ଆଡକୁ ମାଡ଼ି ଯାଉଛନ୍ତି। କିଛି ସ୍ଥାନର ଏହି ଦୃଶ୍ୟ କୌଣସି ଉତ୍ସବ କିମ୍ବା ଶୋଭାଯାତ୍ରା ପରି ଦେଖାଯାଉଛି । “ବର୍ଡର ୨” ସେହି ଭାବନାକୁ ଆଗକୁ ବଢ଼ାଉଥିବା ପରି ମନେ ହେଉଛି, ଯାହା କାରଣରୁ ସବୁ ବୟସର ଦର୍ଶକ ଏହାକୁ ବଡ଼ ପରଦାରେ ଦେଖିବାକୁ ଆସୁଛନ୍ତି। ଆପଣଙ୍କୁ ବିଶ୍ଵାସ ନହୋଇପାରେ, କିନ୍ତୁ ଫିଲ୍ମର କ୍ରେଜ୍ ଏତେ ଅଧିକ ଯେ, ଲୋକେ ଜିପ୍ ଏବଂ ଟ୍ରାକ୍ଟରରେ ଭିଡ଼ ଲଗାଇ ଥିଏଟରରେ ପହଞ୍ଚୁଛନ୍ତି ।