ପୂର୍ବ ପତ୍ନୀ ଧନଶ୍ରୀଙ୍କୁ ପୁଣି ଟାର୍ଗେଟ୍ କଲେ ଚହଲ, ୪ କୋଟି ଟଙ୍କାର ଭରଣପୋଷଣକୁ ନେଇ କହିଲେ ଏମିତି

ନୂଆଦିଲ୍ଲୀ ୨୫।୧୦; ୟୁଜଭେନ୍ଦ୍ର ଚହଲ ଏବଂ ତାଙ୍କ ପୂର୍ବତନ ପତ୍ନୀ ଧନଶ୍ରୀ ବର୍ମାଙ୍କ ବ୍ୟକ୍ତିଗତ ଜୀବନ ଖୁବ୍‌ ଚର୍ଚ୍ଚାରେ ରହିଛି। ଦୁହିଁଙ୍କର ଛାଡପତ୍ର ବହୁତ ଖରାପ ସମୟରେ ହୋଇଥିଲା। ସେବେଠାରୁ ଏହି ସମ୍ପର୍କକୁ ନେଇ ନା ନା ଗୁଜବ ପ୍ରଚାରିତ ହୋଇଛି, କେତେବେଳେ ୟୁଜଭେନ୍ଦ୍ର ଛାଡପତ୍ର ଦାଖଲ କରିଥିବା ଅଭିଯୋଗ କରିଛନ୍ତି ତ ଆଉ କେତେବେଳେ ଧନଶ୍ରୀ ବର୍ମା ଛାଡପତ୍ର ଦାଖଲ କରିଛନ୍ତି। ଛାଡପତ୍ର ପରେ, ଅଭିନେତ୍ରୀଙ୍କୁ ୪ କୋଟି ଭରଣପୋଷଣ ମିଳିଛି ବୋଲି ଚର୍ଚ୍ଚା ହୋଇଥିଲା। ଏବେ ଭାରତୀୟ କ୍ରିକେଟର ଏହାର ଜବାବ ଦେଇଛନ୍ତି। ଯାହା ସୋସିଆଲ ମିଡିଆରେ ବେଶ୍‌ ଭାଇରାଲ ହେଉଛି।

ୟୁଜଭେନ୍ଦ୍ର ଚହଲ ଇନଷ୍ଟାଗ୍ରାମରେ ଦିଲ୍ଲୀ ହାଇକୋର୍ଟର ଏକ ରାୟର ସ୍କ୍ରିନସଟ୍ ସେୟାର କରିଛନ୍ତି। ଏହି ରାୟରେ କୁହାଯାଇଛି ଯେ ଆର୍ଥିକ ଭାବରେ ସ୍ୱାଧୀନ ମହିଳାମାନେ ସେମାନଙ୍କ ସ୍ୱାମୀଙ୍କ ଠାରୁ ଭରଣପୋଷଣ ଦାବି କରିପାରିବେ ନାହିଁ। ଏହି ପୋଷ୍ଟର ଏକ ସ୍କ୍ରିନସଟ୍ ସେୟାର କରି କ୍ରିକେଟର ଲେଖିଛନ୍ତି, "ମାଆଙ୍କ ରାଣ ପକାଅ  ଯେ ଆପଣ ଏହି ନିଷ୍ପତ୍ତିରୁ ପଛକୁ ଫେରିବେ ନାହିଁ।" ତାଙ୍କର ପୋଷ୍ଟ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଲୋକମାନେ ଏହି ପୋଷ୍ଟ ବିଷୟରେ ଅନୁମାନ କରୁଛନ୍ତି ଯେ ସେ ତାଙ୍କ ପୂର୍ବତନ ପତ୍ନୀ ଧନଶ୍ରୀ ବର୍ମାଙ୍କୁ ଟାର୍ଗେଟ୍‌ କରିଛନ୍ତି।

ଉଲ୍ଲେଖଯୋଗ୍ୟ ଯେ ଚହଲ ଏବଂ ଧନଶ୍ରୀ ବର୍ମା ଡିସେମ୍ବର ୨୦୨୦ରେ ବିବାହ କରିଥିଲେ। ବିବାହର ପାଞ୍ଚ ବର୍ଷ ପରେ ସେମାନଙ୍କ ଅଲଗା ହେବା ନେଇ ଗୁଜବ ଉଠିବା ଆରମ୍ଭ ହୋଇଥିଲା। ପରବର୍ତ୍ତୀ ସମୟରେ, ସେମାନେ ମାର୍ଚ୍ଚ ମାସରେ ଛାଡପତ୍ର ନେଇଥିଲେ। ଉଭୟ ଇଣ୍ଡଷ୍ଟ୍ରିର ଜଣାଶୁଣା କପଲ ଥିଲେ। ସେମାନଙ୍କୁ ତାଙ୍କ ଫ୍ୟାନ୍ସ ଭଲ ପାଉଥିଲେ ଏବଂ ସେମାନଙ୍କ ବିଚ୍ଛେଦର ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା। ଛାଡପତ୍ର ପରେ ଗୁଜବ ପ୍ରଚାରିତ ହୋଇଥିଲା ଯେ ଅଭିନେତ୍ରୀ ସମ୍ପର୍କ ଶେଷ କରିବା ପାଇଁ ୪ କୋଟି ଟଙ୍କାର ଭରଣପୋଷଣ ନେଇଛନ୍ତି।