ଉଡାଣ ଭରିବା ମାତ୍ରେ କ୍ରାସ୍ ହେଲା ପ୍ଲେନ୍; ଲାଗିଲା ଭୟଙ୍କର ନିଆଁ, ବିମାନରେ ଥିଲେ ୮ ଯାତ୍ରୀ

ନୂଆଦିଲ୍ଲୀ ୨୬।୦୧; ଆମେରିକାର ମେନ୍ ରାଜ୍ୟରେ ଏକ ବଡ଼ ବିମାନ ଦୁର୍ଘଟଣା ଘଟିଛି। ବାଙ୍ଗୋର ଅନ୍ତର୍ଜାତୀୟ ବିମାନବନ୍ଦରରୁ ଉଡ଼ାଣ ଭରିବା ପରେ ଏକ ଘରୋଇ ଜେଟ୍ ଦୁର୍ଘଟଣାଗ୍ରସ୍ତ ହୋଇଛି।ଯେଉଁଥିରେ ଆଠ ଜଣ ଲୋକ ଥିଲେ। କିନ୍ତୁ ସେମାନଙ୍କ ଅବସ୍ଥା କିମ୍ବା ପରିଚୟ ସମ୍ପର୍କରେ ଏପର୍ଯ୍ୟନ୍ତ କୌଣସି ସୂଚନା ପ୍ରକାଶ କରାଯାଇ ନାହିଁ।ବର୍ତ୍ତମାନଦୁର୍ଘଟଣାର ତଦନ୍ତ ଆରମ୍ଭ ହୋଇଛି।

ରବିବାର ସନ୍ଧ୍ୟାରେ ୭.୪୫ରେ ଆମେରିକାର ବାଙ୍ଗୋର ଅନ୍ତର୍ଜାତୀୟ ବିମାନବନ୍ଦରରେ ଏହି ଦୁର୍ଘଟଣା ଘଟିଥିଲା।  ଏକ ଘରୋଇ ଜେଟ୍ ଉଡ଼ାଣ ଭରିବା ମାତ୍ରେ ନିଆଁ ଲାଗିବା ପରେ ଦୁର୍ଘଟଣାଗ୍ରସ୍ତ ହୋଇଥିଲା। ଫେଡେରାଲ୍ ଏଭିଏସନ୍ ଆଡମିନିଷ୍ଟ୍ରେସନ୍ (FAA) ଏହି ଘଟଣାର ନିଶ୍ଚିତ କରିଛି ଏବଂ କହିଛି ଯେ ଦୁର୍ଘଟଣା ସମୟରେ ଆଠ ଜଣ ଲୋକ ଜେଟ୍‌ରେ ଥିଲେ। FAA ଅନୁଯାୟୀ, ବିମାନଟି ଟ୍ଵିନ-ଇଞ୍ଜିନ୍ ଟର୍ବୋ ଫ୍ୟାନ ଜେଟ୍ ବମ୍ବାର୍ଡିୟର ଚ୍ୟାଲେଞ୍ଜର ୬୦୦ ଥିଲା। ଦୁର୍ଘଟଣା ପରେ ତୁରନ୍ତ ବିମାନରେ ଭୟଙ୍କର ନିଆଁ ଲାଗିଯାଇଥିଲା। ଏହି ଘଟଣା ସହିତ ଜଡିତ ଜଣେ ସରକାରୀ ଅଧିକାରୀ କହିଛନ୍ତି ଯେ ଦୁର୍ଘଟଣା ପରେ ଘଟଣାସ୍ଥଳରେ ଦ୍ରୁତ ଗତିରେ ନିଆଁ ବ୍ୟାପିଯାଇଥିଲା। ଯାତ୍ରୀ ଏବଂ କ୍ରୁଙ୍କ ଅବସ୍ଥା ସମ୍ପର୍କରେ ଏପର୍ଯ୍ୟନ୍ତ କୌଣସି ବିବୃତ୍ତି ପ୍ରକାଶ କରାଯାଇ ନାହିଁ।

ବିବୃତ୍ତିରେ ଦୁର୍ଘଟଣା ବିଷୟରେ କୌଣସି ବିବରଣୀ ପ୍ରଦାନ କରାଯାଇ ନାହିଁ, କିନ୍ତୁ ବାସିନ୍ଦାମାନଙ୍କୁ ଅଞ୍ଚଳରୁ ଦୂରେଇ ରହିବାକୁ ପରାମର୍ଶ ଦିଆଯାଇଛି। "ଆମେ ଏହି ସମୟରେ କୌଣସି ଅତିରିକ୍ତ ସୂଚନା ଦେଇପାରିବୁ ନାହିଁ,"। ଏଫଏଏ କହିଛି ଯେ ଜାତୀୟ ପରିବହନ ସୁରକ୍ଷା ବୋର୍ଡ (ଏନଟିଏସବି) ସହିତ ମିଳିତ ଭାବରେ ଏକ ପୁଙ୍ଖାନୁପୁଙ୍ଖ ତଦନ୍ତ କରାଯିବ। ତଦନ୍ତରେ ବିମାନଟି ଉଡ଼ାଣ ସମୟରେ ଯାନ୍ତ୍ରିକ ତ୍ରୁଟିର ସମ୍ମୁଖୀନ ହୋଇଥିଲା କି ନାହିଁ କିମ୍ବା ଦୁର୍ଘଟଣା ଅନ୍ୟ କୌଣସି କାରଣ ଯୋଗୁଁ ହୋଇଥିଲା ତାହା ନିର୍ଣ୍ଣୟ କରିବାକୁ ଚେଷ୍ଟା କରାଯିବ।ରବିବାର ପୂର୍ବ ଯୁକ୍ତରାଷ୍ଟ୍ରରେ ଏକ ଶୀତକାଳୀନ ଝଡ଼ ତାଣ୍ଡବ ରଚାଇଥିଲା, ଯାହା ଫଳରେ ସାରା ଦେଶରେ ହଜାର ହଜାର ବିମାନ ବାତିଲ କରାଯାଇଥିଲା।