ଦୁର୍ଘଟଣା ବିଗାଡିଲା ମହିମାଙ୍କ ଚେହେରା; ଅଭିନେତ୍ରୀଙ୍କ ମୁହଁରେ ଫସିଥିଲା ୬୭ ଖଣ୍ଡ କାଚ, କହିଲେ- ବହୁତ କଷ୍ଟ ପାଇଛି

ମୁମ୍ଵାଇ ୧୫।୧୨; ୯୦ ଦଶକର ଲୋକପ୍ରିୟ ଅଭିନେତ୍ରୀ ମହିମା ଚୌଧୁରୀ । ଯେତେବେଳେ ବଲିଉଡରେ ଡେବ୍ୟୁ କଲେ, ସେତେବେଳେ ଧମାଲ କରିଥିଲେ। ତାଙ୍କ ଅଭିନୟ ଅପେକ୍ଷା ତାଙ୍କ ଲୁକକୁ ନେଇ ଅଧିକ ଚର୍ଚ୍ଚା ହୋଇଥିଲା। ଏହି ଅଭିନେତ୍ରୀ ଶାହରୁଖ ଖାନଙ୍କ ବିପକ୍ଷରେ "ପରଦେଶ" ଫିଲ୍ମରୁ ତାଙ୍କର ଚଳଚ୍ଚିତ୍ର କ୍ୟାରିଅର ଆରମ୍ଭ କରିଥିଲେ। ସେ ତାଙ୍କର ପ୍ରଥମ ଫିଲ୍ମ ସହିତ ଘରେ ଘରେ ଲୋକପ୍ରିୟ ହୋଇଯାଇଥିଲେ। ମହିମାଙ୍କୁ ତାଙ୍କ କ୍ୟାରିଅରରେ ବହୁତ ସଂଘର୍ଷ କରିବାକୁ ପଡିଥିଲା। ଏପରି ଏକ ସମୟର ଆସିଥିଲା ଯେତେବେଳେ ସେ ବହୁ ସମସ୍ୟାର ସମ୍ମୁଖୀନ ହୋଇଥିଲେ । ଫିଲ୍ମରେ କାମ ମିଳିନମିଳି ଠାରୁ ଭୟଙ୍କର ଦୁର୍ଘଟଣାରୁ ଶିକାର ହେବାସହ ଆଇନଗତ ମାମଲାରେ ଟାଣି ହେବା ଏବଂ ସ୍ତନ କର୍କଟ ସହ ତାଙ୍କ ବୈବାହିକ ଜୀବନ ପର୍ଯ୍ୟନ୍ତ, ସେ ବହୁତ କିଛି ସମସ୍ୟା ସହିଛନ୍ତି। ଏବେ ଅଭିନେତ୍ରୀ ତାଙ୍କ ଭୟଙ୍କର ଦୁର୍ଘଟଣାକୁ ମନେ ପକାଇଛନ୍ତି।

ମହିମା ଚୌଧୁରୀ ଏକ ପଡକାଷ୍ଟରେ ନଜର ଆସିଥିଲେ। କଥାବାର୍ତ୍ତା ସମୟରେ, ସେ ତାଙ୍କ କ୍ୟାରିଅର ଏବଂ ଜୀବନର ସଂଘର୍ଷ ବିଷୟରେ ଆଲୋଚନା କରିଥିଲେ। ଅଭିନେତ୍ରୀ ଅଜୟ ଦେବଗନଙ୍କ ଏକ ଫିଲ୍ମର ସୁଟିଂ ସମୟର ଏକ ଘଟଣା ବର୍ଣ୍ଣନା କରି କହିଥିଲେ, ସେ କିଭଳି ମୃତ୍ୟୁରୁ ବଞ୍ଚି ଯାଇଥିଲେ। ୧୯୯୯ ମସିହାରେ ଅଜୟଙ୍କ ସହିତ "ଦିଲ କ୍ୟା କରେ" ଚଳଚ୍ଚିତ୍ରରେ କାମ କରୁଥିଲେ । ସେହି ସମୟରେ ସେ ଏକ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଥିଲେ। ଯେଉଁଥିରେ ତାଙ୍କ ମୁହଁରେ ୬୭ଟି ଛୋଟ କାଚ ଖଣ୍ଡ ଲାଗି ରହିଥିଲା। ଯାହା ମାଇକ୍ରୋସ୍ପୋପ୍ ମାଧ୍ୟମରେ ଅସ୍ତ୍ରପୋଚାର କରାଯାଇଥିଲା ।

ଦୁର୍ଘଟଣା ଯୋଗୁଁ, ଗୋଟିଏ ବର୍ଷ ପାଇଁ ଘରୁ ବାହାରିନଥିଲେ । କାହିଁକି ନା ତାଙ୍କ ମୁହଁ ବହୁତ ଫୁଲି ଯାଇଥିଲା ଏବଂ ତାଙ୍କର ମୁହଁର ପୁର ଗଢଣ ଖରାପ ହୋଇଯାଇଥିଲା। ତାଙ୍କ ସାଙ୍ଗ ସାଥୀମାନେ ମଧ୍ୟ ସର୍ଜରୀ ଉପରେ ହସିଥିଲେ, ସେମାନେ ଭାବିଥିଲେ ଯେ ଅଭିନେତ୍ରୀଙ୍କର କୌଣସି କାରଣ ପାଇଁ ଝଗଡ଼ା ହୋଇଛି। ଯାହାଫଳରେ ଏସବୁ ଘଟିଛି । ଏହା ତାଙ୍କ ପାଇଁ ଏକ କଷ୍ଟକର ସମୟ ଥିଲା, କାରଣ ସେ ଜାଣି ନଥିଲେ ଯେ ସେ ପରବର୍ତ୍ତୀ ସମୟରେ କ'ଣ କରିବେ। ଏହା ସହ ମହିମା ପ୍ରକାଶ କରିଥିଲେ ଯେ ତାଙ୍କ ପ୍ରଥମ ଫିରେଲ୍ମ ଏକ ଆଇନଗତ ମାମଲାରେ ଫସି ରହିଥିଲେ ପରେ ତାଙ୍କ ଜୀବନରେ ଅନେକ ଚ୍ୟାଲେଞ୍ଜର ସାମ୍ନା କରିବାକୁ ପଡିଥିଲା।