ଧନୁ ରାଶି ବ୍ୟକ୍ତିଙ୍କ ପାଇଁ ଆର୍ଥିକ ଦିଗରୁ ଦିନଟି ଭଲ ରହିବ, ପୂର୍ବ ନିବେଶରୁ ଆଶାଜନକ ଲାଭ ମିଳିବ

ମେଷ- ଚନ୍ଦ୍ରଙ୍କ ପ୍ରଭାବରେ କର୍ମକ୍ଷେତ୍ରରେ ଆପଣଙ୍କର ଦକ୍ଷତା ପ୍ରତିପାଦିତ ହେବ ଏବଂ ନୂତନ ଦାୟିତ୍ୱ ମିଳିବ। ପରିଶ୍ରମ ଅନୁସାରେ ଉଚିତ ଫଳ ପାଇ ମନ ପ୍ରଫୁଲ୍ଲ ରହିବ। ବ୍ୟବସାୟରେ କୌଣସି ନୂତନ ନିବେଶ କରିବା ପାଇଁ ଦିନଟି ସମ୍ପୂର୍ଣ୍ଣ ଅନୁକୂଳ ଅଟେ।

ବୃଷ- ଭାଗ୍ୟର ପୂର୍ଣ୍ଣ ସହଯୋଗ ମିଳିବା ଦ୍ୱାରା ଅଟକି ରହିଥିବା ସମସ୍ତ କାର୍ଯ୍ୟ ସହଜରେ ପୂରଣ ହୋଇଯିବ। ଧାର୍ମିକ କାର୍ଯ୍ୟରେ ମନୋନିବେଶ କରିବା ସହ ଦୂର ଯାତ୍ରାର ଯୋଜନା ସଫଳ ହେବ। ପିତା କିମ୍ବା ଗୁରୁଜନଙ୍କଠାରୁ ଆଶୀର୍ବାଦ ଓ ସହାୟତା ପାଇ ଆର୍ଥିକ ଦିଗଟି ମଜଭୁତ ହେବ।

ମିଥୁନ- ଅଷ୍ଟମ ଚନ୍ଦ୍ର ଚଳନ ହେଉଥିବାରୁ ପ୍ରତ୍ୟେକ କାର୍ଯ୍ୟରେ ଅତି ସାବଧାନତା ଅବଲମ୍ବନ କରନ୍ତୁ ଏବଂ ଯାନବାହନ ଚଳାଚଳ ବେଳେ ସତର୍କ ରୁହନ୍ତୁ। ସ୍ୱାସ୍ଥ୍ୟଗତ ସମସ୍ୟା ଦେଖାଦେଇପାରେ ତେଣୁ ନିଜର ଯତ୍ନ ନିଅନ୍ତୁ। ଅପରିଚିତ ବ୍ୟକ୍ତିଙ୍କ ଉପରେ ଅଧିକ ବିଶ୍ୱାସ କଲେ ଆପଣ ପ୍ରତାରିତ ହୋଇପାରନ୍ତି।

କର୍କଟ- ଦାମ୍ପତ୍ୟ ଜୀବନରେ ମଧୁରତା ଆସିବ ଏବଂ ଜୀବନସାଥୀଙ୍କ ସହଯୋଗରେ ବଡ଼ କାର୍ଯ୍ୟ ସମ୍ପନ୍ନ କରିବାରେ ସଫଳ ହେବେ। ବ୍ୟବସାୟରେ ନୂତନ ଅଂଶୀଦାର ଯୋଗ ଦେଇପାରନ୍ତି ଯାହା ଆଗାମୀ ସମୟ ପାଇଁ ଲାଭଦାୟକ ହେବ। ସାମାଜିକ କ୍ଷେତ୍ରରେ ପ୍ରତିଷ୍ଠା ଓ ସମ୍ମାନ ବୃଦ୍ଧି ପାଇବ।

ସିଂହ- ନିଜର ଶତ୍ରୁମାନଙ୍କ ଉପରେ ବିଜୟ ପ୍ରାପ୍ତ କରିବେ ଏବଂ ପ୍ରତିଯୋଗିତାମୂଳକ କାର୍ଯ୍ୟରେ ସଫଳତା ମିଳିବ। ପୁରୁଣା ରୋଗରୁ ଉପଶମ ମିଳିବା ସହ ଶାରୀରିକ ଭାବେ ନିଜକୁ ଅଧିକ ଶକ୍ତିଶାଳୀ ଅନୁଭବ କରିବେ। କର୍ମକ୍ଷେତ୍ରରେ ସହକର୍ମୀଙ୍କ ସହଯୋଗ ପାଇ ଅଟକି ଥିବା ଫାଇଲ୍ କାମ ଶେଷ ହେବ।

କନ୍ୟା- ସନ୍ତାନମାନଙ୍କର ଶିକ୍ଷା ଓ କ୍ୟାରିୟରକୁ ନେଇ କୌଣସି ଶୁଭ ଖବର ପାଇ ମନ ଅତ୍ୟନ୍ତ ପ୍ରଫୁଲ୍ଲ ରହିବ। ନୂତନ ଯୋଜନା ପ୍ରସ୍ତୁତ କରିବା ପାଇଁ ଦିନଟି ଶ୍ରେଷ୍ଠ ଅଟେ ଏବଂ ସୃଜନଶୀଳ କାର୍ଯ୍ୟରେ ରୁଚି ବଢ଼ିବ। କୌଣସି ପୁରୁଣା ବନ୍ଧୁଙ୍କୁ ଭେଟି ଆନନ୍ଦିତ ହେବାର ସୁଯୋଗ ରହିଛି।

ତୁଳା- ପାରିବାରିକ ପରିବେଶ ଶାନ୍ତିପୂର୍ଣ୍ଣ ରହିବା ସହ ଘର ପାଇଁ ନୂତନ ସାମଗ୍ରୀ କ୍ରୟ କରିପାରନ୍ତି। ମାତାଙ୍କ ସ୍ୱାସ୍ଥ୍ୟରେ ସୁଧାର ଆସିବ ଏବଂ ଜମି କିମ୍ବା ଯାନବାହନ ସମ୍ବନ୍ଧୀୟ କାର୍ଯ୍ୟରେ ସଫଳତା ମିଳିବ। କର୍ମକ୍ଷେତ୍ରରେ ଧୈର୍ଯ୍ୟର ସହ ପରିସ୍ଥିତିର ସାମ୍ନା କରନ୍ତୁ ଯାହାଦ୍ୱାରା ସଫଳତା ନିଶ୍ଚିତ ମିଳିବ।

ବିଛା- ସାହସ ଓ ପରାକ୍ରମ ବୃଦ୍ଧି ପାଇବା ଯୋଗୁ ଜଟିଳ କାର୍ଯ୍ୟଗୁଡ଼ିକୁ ସହଜରେ ଶେଷ କରିବାରେ ସକ୍ଷମ ହେବେ। ଭ୍ରାତୃ ଓ ଭଗ୍ନୀଙ୍କଠାରୁ ସମ୍ପୂର୍ଣ୍ଣ ସହଯୋଗ ପାଇବେ ଏବଂ ସମ୍ପର୍କରେ ନିବିଡ଼ତା ଆସିବ। ନୂତନ ସାହସିକ ପଦକ୍ଷେପ ନେବା ପାଇଁ ଦିନଟି ସମ୍ପୂର୍ଣ୍ଣ ଶୁଭ ଅଟେ।

ଧନୁ- ଆର୍ଥିକ ଦିଗଟି ବହୁତ ମଜଭୁତ ହେବ ଏବଂ ବିଭିନ୍ନ ସୂତ୍ରରୁ ଧନ ପ୍ରାପ୍ତିର ଯୋଗ ରହିଛି। ନିଜର ମଧୁର ବାଣୀ ଦ୍ୱାରା ଅନ୍ୟମାନଙ୍କୁ ପ୍ରଭାବିତ କରିବେ ଏବଂ ପରିବାରରେ ସୁଖ ଶାନ୍ତି ବଜାୟ ରହିବ। ବ୍ୟବସାୟରେ ପୂର୍ବ ନିବେଶରୁ ଆଶାଜନକ ଲାଭ ପାଇ ଆତ୍ମସନ୍ତୋଷ ଲାଭ କରିବେ।

ମକର- ରାଶିରେ ଚନ୍ଦ୍ରଙ୍କ ଚଳନ ହେଉଥିବାରୁ ମନ ଅତ୍ୟନ୍ତ ପ୍ରସନ୍ନ ରହିବ ଏବଂ ବ୍ୟକ୍ତିତ୍ୱର ଚମକ ବୃଦ୍ଧି ପାଇବ। ସବୁ କାର୍ଯ୍ୟରେ ଆତ୍ମବିଶ୍ୱାସର ସହ ଆଗକୁ ବଢ଼ିବେ ଏବଂ ନୂତନ ସମ୍ପର୍କ ସ୍ଥାପନ ହେବ। ନିଜର ମନୋସ୍କାମନା ପୂରଣ ହେବା ଯୋଗୁ ଦିନଟି ସ୍ମରଣୀୟ ହୋଇ ରହିବ।

କୁମ୍ଭ- ଅଯଥା ଖର୍ଚ୍ଚ ବୃଦ୍ଧି ପାଇବା ଯୋଗୁ ଆର୍ଥିକ ସ୍ଥିତିରେ ସାମାନ୍ୟ ଚାପ ଅନୁଭବ କରିପାରନ୍ତି, ତେଣୁ ସତର୍କ ରୁହନ୍ତୁ। ଦୂର ଯାତ୍ରା କରୁଥିଲେ ସାବଧାନତା ଅବଲମ୍ବନ କରନ୍ତୁ ଏବଂ କୌଣସି ବଡ଼ ନିବେଶରୁ ନିଜକୁ ନିବୃତ୍ତ ରଖନ୍ତୁ। ମାନସିକ ଶାନ୍ତି ପାଇଁ ଆଧ୍ୟାତ୍ମିକ କାର୍ଯ୍ୟରେ ସମୟ ବିତାଇଲେ ସମସ୍ତ ଦୁଶ୍ଚିନ୍ତା ଦୂର ହେବ।

ମୀନ- ଆୟର ମାତ୍ରା ବୃଦ୍ଧି ପାଇବା ସହ ବିଭିନ୍ନ ସୂତ୍ରରୁ ଲାଭ ମିଳିବାର ଶୁଭ ଯୋଗ ରହିଛି। ବନ୍ଧୁମାନଙ୍କ ସହ ହସଖୁସିରେ ସମୟ କଟିବ ଏବଂ କ୍ୟାରିୟରରେ ଉନ୍ନତିର ନୂଆ ପନ୍ଥା ଫିଟିବ। ପ୍ରତ୍ୟେକ କାର୍ଯ୍ୟରେ ଭାଗ୍ୟର ସହଯୋଗ ମିଳିବା ଦ୍ୱାରା ମନ ଅତ୍ୟନ୍ତ ଉତ୍ସାହିତ ରହିବ।

ଜ୍ୟୋତିର୍ବିଦ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – 8249826682