ବିବାହରେ ବିଜୟ-ରଶ୍ମିକା ଡାକିଲେନି ବୋଲି ରାଗିଗଲେ କୁନି ପ୍ରଶଂସକ, କହିଲେ ଏମିତି....

ମୁମ୍ଵାଇ ୦୯।୦୩; ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଧନା ଫେବୃଆରୀ ୨୬ ତାରିଖରେ ବିବାହ ବନ୍ଧନରେ ଆବଦ୍ଧ ହୋଇଥିଲେ, ତା’ପରେ ମାର୍ଚ୍ଚ ୪ ତାରିଖରେ ହାଇଦ୍ରାବାଦରେ ଏକ ଭବ୍ୟ ବିବାହ ରିସେପ୍ସନ ହୋଇଥିଲା। ସାଉଥ୍ ଏବଂ ବଲିଉଡର ତାରକାମାନେ ଏହି ରିସେପ୍ସନରେ ଯୋଗ ଦେଇଥିଲେ । ବିଜୟ ଦେବରକୋଣ୍ଡାଙ୍କ ଜଣେ କୁନି ପ୍ରଶଂସକ ତାଙ୍କୁ ବିବାହକୁ ନିମନ୍ତ୍ରଣ ନକରିବାରୁ ଦୁଃଖ ପ୍ରକାଶ କରିଥିଲେ । ସୋସିଆଲ ମିଡିଆରେ ଫ୍ୟାନ ଜଣକ ତାଙ୍କ ଉପରେ ଅସନ୍ତୋଷ ପ୍ରକାଶ କରିଥିଲେ । ଏହା ଦେଖି ବିଜୟ ଦେବରକୋଣ୍ଡା ତାଙ୍କୁ ମଧ୍ୟାହ୍ନ ଭୋଜନ ପାଇଁ ଘରକୁ ନିମନ୍ତ୍ରଣ କରିଛନ୍ତି । ତାଙ୍କର ପ୍ରିୟ ଖାଦ୍ୟ ବିଷୟରେ ପଚାରିଛନ୍ତି । ବିଜୟଙ୍କର ଏହି କାମ ସୋସିଆଲ ମିଡିଆ ୟୁଜର୍ସଙ୍କ ହୃହୟକୁ ଛଇଁଛି।

ଜଣେ କୁନି ପ୍ରଶଂସକ ତାଙ୍କୁ ନିମନ୍ତ୍ରଣ ନ କରିବାରୁ ବିରକ୍ତ ପ୍ରକାଶ କରି ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଥିଲେ । ବିଜୟ ଦେବରକୋଣ୍ଡାଙ୍କ ନିକଟରେ ଅଭିଯୋଗ କରି ପଚାରିଥିଲେ ଯେ, ତାଙ୍କୁ କାହିଁକି ନିମନ୍ତ୍ରଣ କରାଯାଇ ନାହିଁ । ଭିଡିଓରେ, ସେ କହିଛନ୍ତି, "ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଧନା, ମୁଁ କ’ଣ ତୁମର ପ୍ରଶଂସକ ନୁହେଁ ? ଆମ ବିଷୟରେ କ’ଣ ?" ବିଜୟ ଦେବରକୋଣ୍ଡା ତାଙ୍କ କୁନି ଫ୍ୟାନଙ୍କୁ ମଧ୍ୟାହ୍ନ ଭୋଜନ ପାଇଁ ଘରକୁ ନିମନ୍ତ୍ରଣ କରିଛନ୍ତି ।

 

 

 

 

View this post on Instagram

 

 

 

 

 

 

 

 

 

 

 

A post shared by urs lucky thalli 😍 (@urs_luckythalli)

ରଶ୍ମିକା ଏବଂ ବିଜୟ ମାର୍ଚ୍ଚ ୧ ତାରିଖରେ ତାଙ୍କର ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି ଘୋଷଣା କରିଥିଲେ ଯେ, ସେମାନେ ସେମାନଙ୍କର ନୂଆ ଯାତ୍ରା ପାଇଁ ଦେଶସାରା ମିଠା ଟ୍ରକ୍ ପଠାଇବେ । ଦିଲ୍ଲୀରୁ ବିହାର, ତେଲେଙ୍ଗାନା, ଚଣ୍ଡିଗଡ଼, ଉତ୍ତର ପ୍ରଦେଶ, ଗୁଜରାଟ, ମଧ୍ୟପ୍ରଦେଶ, ମହାରାଷ୍ଟ୍ର, ରାଜସ୍ଥାନ, ଆନ୍ଧ୍ର ପ୍ରଦେଶ, କେରଳ, କର୍ଣ୍ଣାଟକ, ତାମିଲନାଡୁ ଏବଂ ପୁଡୁଚେରୀକୁ ମିଠା ବଣ୍ଟନ କରାଯାଇଥିଲା । ଏହା ବ୍ୟତୀତ, ଏହି ଦମ୍ପତି କର୍ଣ୍ଣାଟକ, ଆସାମ, ଉତ୍ତର ପ୍ରଦେଶ, ଗୁଜରାଟ, ଛତିଶଗଡ଼, ରାଜସ୍ଥାନ, ତାମିଲନାଡୁ, ତେଲେଙ୍ଗାନା ଏବଂ ଆନ୍ଧ୍ର ପ୍ରଦେଶର ମନ୍ଦିରଗୁଡ଼ିକୁ ଅନ୍ନ ଦାନ କରିଥିଲେ ।

କହି ରଖିଛୁ କି, ରଶ୍ମିକା ଏବଂ ବିଜୟ ଡେଟିଂ କରିବା ପରେ ଫେବୃଆରୀ ୨୬ ତାରିଖରେ ଉଦୟପୁରରେ ବିବାହ କରିଥିଲେ । ଏହା ଏକ ବ୍ୟକ୍ତିଗତ ସମାରୋହ ଥିଲା ଯେଉଁଥିରେ କେବଳ ପରିବାର ଏବଂ ନିକଟତର ବନ୍ଧୁମାନେ ଯୋଗ ଦେଇଥିଲେ । ମାର୍ଚ୍ଚ ୪ ତାରିଖରେ ହାଇଦ୍ରାବାଦରେ ଏକ ଭବ୍ୟ ରିସେପ୍ସନ ଅନୁଷ୍ଠିତ ହୋଇଥିଲା, ଯେଉଁଥିରେ ବଲିଉଡ ଏବଂ ସାଉଥ ସେଲିବ୍ରିଟିଙ୍କ ସହିତ ଅନେକ ରାଜନୈତିକ ବ୍ୟକ୍ତି ମଧ୍ୟ ଯୋଗ ଦେଇଥିଲେ ।

ଅଧିକ ପଢନ୍ତୁ- ଇନଷ୍ଟାଗ୍ରାମରେ ଲାଇଭ୍ ଭିଡିଓରେ ଆତ୍ମହତ୍ୟା ଉଦ୍ୟମ, ଦ୍ରୁତଗାମୀ କାର ସହ ଡିଭାଇଡରକୁ ଧକ୍କା ଦେଲେ ୟୁଟ୍ୟୁବର ଅନୁରାଗ ଡୋଭାଲ୍