ସପ୍ତମ ଶ୍ରେଣୀ ଛାତ୍ରୀ ଗଣଦୁଷ୍କର୍ମ ମାମଲା, ୫ ଜଣଙ୍କୁ ବାନ୍ଧିଲା ପୋଲିସ

କେନ୍ଦ୍ରାପଡ଼ା ୨୨।୦୨ : କେନ୍ଦ୍ରାପଡ଼ା ରାଜକନିକାର ଏକ ଘରୋଇ ସ୍କୁଲରେ ଜଣେ ସପ୍ତମ ଶ୍ରେଣୀ ଛାତ୍ରୀଙ୍କୁ ଗଣ ଦୁଷ୍କର୍ମ ମାମଲାରେ ୫ ଜଣଙ୍କୁ ଗିରଫ କରିଛି ପୋଲିସ l ସେମାନଙ୍କ ମଧ୍ୟରେ ୩ ଜଣ ଶିକ୍ଷକ, ଜଣେ ଶିକ୍ଷୟିତ୍ରୀ ଓ ଜଣେ ପିଅନ ରହିଛନ୍ତି l ଗିରଫ ଶିକ୍ଷକ ହେଲେ ଚନ୍ଦନ କୁମାର ପୃଷ୍ଟି, ବିଶ୍ୱରଞ୍ଜନ ସାହୁ, ରଶ୍ମି କାନ୍ତ ବିଶ୍ଵାଳ ଓ ପିଅନ ରଶ୍ମିରଞ୍ଜନ ରଣା l ଘଟଣାରେ ପୋଲିସ ତଦନ୍ତ ଜାରି ରଖିଛି l

ଏ ଖବର ବି ପଢନ୍ତୁ:- ଶିଶୁପାଳ ହେଲେ ବର, ନବ ବିବାହିତାକୁ ଧରି ଫେରାର୍ ମାରିଲା ପ୍ରେମିକ

ଦିନେ କି ମାସେ ନୁହେଁ ଗତ ୪ ବର୍ଷ ଧରି ଛାତ୍ରୀଙ୍କ ସହ ନିୟମିତ ଦୁଷ୍କର୍ମ କରି ଆସୁଥିଲେ ଅଭିଯୁକ୍ତମାନେ l ଭାଇକୁ ମାରିଦେବାର ଧମକ ଦେଇ ଛାତ୍ରୀଙ୍କ ସହ ଦୁଷ୍କର୍ମ କରିଥିବା ଅଭିଯୋଗ ହୋଇଛି l ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି l କେନ୍ଦ୍ରାପଡା ଏସ୍ପି ଏକ ସ୍ଵତନ୍ତ୍ର ଟିମ୍ ଗଠନ କରିଛନ୍ତି l ଯାହାର ନେତୃତ୍ବ ସେ ନିଜେ ନେଉଛନ୍ତି । ଟିମରେ ଅଛନ୍ତି ଜଣେ ମହିଳା ଡିଏସପି ଓ ଜଣେ ଆଡିସନାଲ ଏସପି। ଅନ୍ୟପକ୍ଷରେ ଛାତ୍ରୀଙ୍କ ପରିବାରକୁ ସୁରକ୍ଷା ଦେବାପାଇଁ ପୋଲିସ ବନ୍ଦୋବସ୍ତ କରିଛି । ପୀଡିତାଙ୍କୁ ତ୍ଵରିତ ଓ ଉଚିତ୍ ନ୍ୟାୟ ପ୍ରଦାନ ପାଇଁ ପୋଲିସ ଉଦ୍ୟମ କରୁଥିବା କହିଛନ୍ତି ଏସ୍ପି ।

ଏ ଖବର ବି ପଢନ୍ତୁ:- 'ମ୍ୟାରେଜ କେବେ'... ପ୍ରଶ୍ନ ଶୁଣି ବିରକ୍ତ ହୋଇଗଲେଣି ଅଭିନେତ୍ରୀ ଅଦା ଖାନ, କହିଲେ-ଚାପ ବିବାହ ହୁଏ ନାହିଁ