ପ୍ରେମ ପାଇଁ ଧର୍ମ ଛାଡିଲେ ଜ୍ୟାକିଙ୍କ ଝିଅ, ଆଫଗାନୀ MMA ଫାଇଟର ପ୍ରେମରେ ଉବୁଟୁବୁ କୃଷ୍ଣା ଶ୍ରଫ୍

ମୁମ୍ଵାଇ ୨୬।୦୨; ଜ୍ୟାକି ଶ୍ରଫଙ୍କ ଝିଅ କୃଷ୍ଣା ଶ୍ରଫ ବର୍ତ୍ତମାନ ରିଆଲିଟି ଶୋ "ଦି ୫୦" ରେ ନଜର ଆସିଛନ୍ତି । ତାଙ୍କର ଦୃଢ଼ ବ୍ୟକ୍ତିତ୍ୱ ପାଇଁ ସେ ଚର୍ଚ୍ଚାରେ ଅଛନ୍ତି।  ନିକଟରେ ଏକ ଏପିସୋଡରେ, ସେ ତାଙ୍କ ବ୍ୟକ୍ତିଗତ ଜୀବନ ବିଷୟରେ ପ୍ରକାଶ କରିଥିଲେ। ସେ ତାଙ୍କ ପ୍ରେମିକଙ୍କ ବିଷୟରେ ଏବଂ ସେମାନଙ୍କ ପ୍ରଥମ ସାକ୍ଷାତର କାହାଣୀ ସେୟାର କରିଥିଲେ। କୃଷ୍ଣା ଶ୍ରଫ ପ୍ରକାଶ କରିଥିଲେ ଯେ ସେ ଆଫଗାନ ଏମଏମଏ ଖେଳାଳି ଏବଂ ଇନଫ୍ଳୁଏନ୍ସର ଅବଦୁଲ ଅଜିମ ବାଦାଖସିଙ୍କୁ ଡେଟ୍ କରୁଛନ୍ତି। କୃଷ୍ଣା ଶ୍ରଫ ଖୋଲାଖୋଲି ଭାବେ ତାଙ୍କ ପ୍ରେମ ବିଷୟରେ ପ୍ରକାଶ କରିବା ପରେ, ସମସ୍ତେ ଜାଣିବାକୁ ଆଗ୍ରହୀ ଯେ ଅବଦୁଲ ଅଜିମ ବାଦାଖସ କିଏ ? ଆସନ୍ତୁ ଜାଣିବା...

୨୦୨୦ ମସିହାରୁ ଏକାଠି ଅଛନ୍ତି ଉଭୟ କୃଷ୍ଣା-ବାଦାଖ୍ସି:

"ଦି ୫୦"ର ପୂର୍ବ ଏପିସୋଡରେ, କୃଷ୍ଣା ଶ୍ରଫ୍ ସହ-ପ୍ରତିଯୋଗୀ ନାତାଲିଆଙ୍କ ସହ କଥା ହେଉଥିଲେ। ସେହି ସମୟରେ, ସେ ତାଙ୍କ ପ୍ରେମିକଙ୍କ ବିଷୟରେ କଥା ହୋଇଥିଲେ। କୃଷ୍ଣା କହିଥିଲେ, "ସେ ଆଫଗାନିସ୍ତାନର ଜଣେ ବୃତ୍ତିଗତ ଏମଏମଏ (ମିକ୍ସଡ୍ ମାର୍ଶାଲ ଆର୍ଟସ) ଫାଇଟର ଅଟନ୍ତି। ମତେ ସୁଦୃଢ଼ ପୁରୁଷ ପସନ୍ଦ। ମୁଁ ଆଲଫା ପୁରୁଷମାନଙ୍କୁ ପସନ୍ଦ କରେ। ଆମେ ୨୦୨୦ ମସିହାରୁ ଏକାଠି ଅଛୁ। ନଭେମ୍ବର ୨୦୨୦ ରେ କଥାବାର୍ତ୍ତା ଆରମ୍ଭ କରିଥିଲୁ ଏବଂ ତା'ପରେ ମେ ୨୦୨୧ ରେ ପରସ୍ପରକୁ ଭେଟ ହୋଇଥିଲୁ।"

କୃଷ୍ଣା ଶ୍ରଫ ଏବଂ ଅବଦୁଲ ଅଜିମଙ୍କ ପ୍ରେମ କାହାଣୀ:

କୃଷ୍ଣା ଶ୍ରଫ୍ ତା’ପରେ ଅବଦୁଲଙ୍କ ସହିତ ତାଙ୍କର ପ୍ରେମ କାହାଣୀ ସେୟାର କରିଥିଲେ। ସେ କହିଥିଲେ, "ଆମେ ଭେଟିବା ପୂର୍ବରୁ ଆଠ ମାସ କଥା ହୋଇଥିଲୁ। ସେ ଆଫଗାନିସ୍ତାନରେ ଥିଲେ। କିନ୍ତୁ ସେ ପ୍ରକୃତରେ ବହରିନରେ ଥିଲେ। ଆମେ ଇନଷ୍ଟାଗ୍ରାମରେ ଭେଟିଥିଲୁ, କିନ୍ତୁ ଯେତେବେଳେ ସେ ମୋତେ ମେସେଜ କରିଥିଲେ, ମୁଁ ତାଙ୍କୁ ପୂର୍ବରୁ ଜାଣିଥିଲି କାରଣ ମୁଁ ତାଙ୍କୁ ବକ୍ସିଙ୍ଗରେ ଦେଖିଥିଲି। ସେ ମୋ ପାଇଁ ମୁମ୍ବାଇ ଆସିଥିଲେ। ଆଠ ମାସ କଥାବାର୍ତ୍ତା ପରେ, ଗୋଟିଏ ଦିନ ସେ କହିଲେ, 'ମୁଁ ତୁମକୁ ଭେଟିବାକୁ  ଚାହେଁ।' ତେଣୁ ମୁଁ କହିଲି, 'ଠିକ୍ ଅଛି, ଆସ ଦେଖା କରିବା।'"

ଅବଦୁଲ ପାରସି କହନ୍ତି ଏବଂ କୃଷ୍ଣା ଶ୍ରଫ୍ ହିନ୍ଦୀ :

ସେମାନଙ୍କ ପ୍ରଥମ ସାକ୍ଷାତକୁ ମନେ ପକାଇ କୃଷ୍ଣା ଶ୍ରଫ୍ କହିଥିଲେ, "ମୁଁ ତାଙ୍କୁ କହିଥିଲି, 'ଚାଲ ଗୋଆ ଯିବା, କାରଣ ମୁମ୍ବାଇ ବହୁତ ବ୍ୟସ୍ତ।' ତା’ପରେ ଆମେ ଗୋଆ ଗଲୁ।ଆମ ଭିତରେ ସେପର୍ଯ୍ୟନ୍ତ କୌଣସି ସମ୍ପର୍କ ନଥିଲା କିନ୍ତୁ ଆମେ ତୁରନ୍ତ ସମ୍ପର୍କ ସ୍ଥାପନ କଲୁ। ଆମର ଭାଷା ସମ୍ପୂର୍ଣ୍ଣ ଭିନ୍ନ। ସେ ପାର୍ସୀ କୁହନ୍ତି, ମୁଁ ଇଂରାଜୀ କହେ, ଏବଂ ତାଙ୍କର ହିନ୍ଦୀ ମୋ ପରି। ତେଣୁ ଏହା ଆଶ୍ଚର୍ଯ୍ୟଜନକ ଯେ ଆମ ମଧ୍ୟରେ ଏତେ ଦୂରତା ସତ୍ତ୍ୱେ, ଆମେ ସମ୍ପର୍କ ସ୍ଥାପନ କଲୁ। ସତ କହିବାକୁ ଗଲେ, ସେ ଯିବା ପରେ ମୁଁ କେବେ ଭାବି ନଥିଲି ଯେ ମୁଁ ତାଙ୍କୁ ଏତେ ମିସ୍ କରିବି, ଏବଂ ସେ ମଧ୍ୟ କରିଥିଲେ। କିନ୍ତୁ ଆମେ ଦୁହେଁ ପରସ୍ପରକୁ ବହୁତ ମିସ୍ କରୁଥିଲୁ।"

ଅବଦୁଲ ଆଜିମ ବାଦାଖ୍ସିି କିଏ? 

ଅବଦୁଲ ଅଜିମ ବାଦାଖସି ଜଣେ ଏମଏମଏ ଫାଇଟର ହେବା ସହିତ, ଜଣେ ଫିଟନେସ୍ ଫ ମଧ୍ୟ। ସୋସିଆଲ ମିଡିଆରେ ତାଙ୍କର ଏକ ବଡ଼ ଫ୍ୟାନ୍ ଫଲୋଇଂ ଅଛି। ବର୍ତ୍ତମାନ ଇନଷ୍ଟାଗ୍ରାମରେ ତାଙ୍କର ପ୍ରାୟ ୮ ଲକ୍ଷ ଫଲୋଅର୍ସ ଅଛନ୍ତି। ସେ ଜଣେ ଫିଟନେସ୍ ଇନଫ୍ଳୁଏନ୍ସର ମଧ୍ୟ। ଅବଦୁଲ ଏବଂ କ୍ରିଷ୍ଣା ପ୍ରାୟତଃ ସୋସିଆଲ ମିଡିଆରେ ସେମାନଙ୍କର ମଜାଦାର ମୁହୂର୍ତ୍ତର ଫଟୋ ଏବଂ ଭିଡିଓ ସେୟାର କରନ୍ତି। ଅବଦୁଲ ଅଜିମ ବାଦାଖସି ଅଗଷ୍ଟ ୨୦, ୧୯୯୫ ରେ ଆଫଗାନିସ୍ତାନର ବାଦାଖଶାନର କିଶିମ ଜିଲ୍ଲାର ମାଶାଦ ଗାଁରେ ଜନ୍ମଗ୍ରହଣ କରିଥିଲେ। ସେ ଏକ ତାଜିକ୍ ପରିବାରର ଅଟନ୍ତି। ତାଙ୍କ ଭାଇ ଅବଦୁଲ କରିମ୍ ମଧ୍ୟ ଜଣେ ଏମଏମଏ ଫାଇଟର। ବାଦାଖସି ପିଲାଦିନରୁ କ୍ରୀଡାରେ ଅଂଶଗ୍ରହଣ କରିବା ଆରମ୍ଭ କରିଥିଲେ ଏବଂ ଶୀଘ୍ର ଆଫଗାନିସ୍ତାନର ଶ୍ରେଷ୍ଠ ଖେଳାଳିମାନଙ୍କ ମଧ୍ୟରୁ ପରିଚୟ ପାଇଲେ।