ପୂର୍ବଶତ୍ରୁତାରୁ ବୋମାମାଡ଼, ୨ ମହିଳା ମେଡିକାଲରେ ଭର୍ତ୍ତି

ସାଲେପୁର ୦୬।୧୨ : ପୂର୍ବଶତ୍ରୁତାକୁ କେନ୍ଦ୍ର କରି ବୋମାମାଡ଼ । ଦୁଇ ଜଣ ମହିଳା ଆହତ । ଆହତ ଦୁଇ ମହିଳାଙ୍କ ନାମ ସୁମିତା ସେଠୀ ଓ ସୁଲୋଚନା ସେଠୀ ବୋଲି ଜଣାପଡିଛି । ବୋମାମାଡ଼ ନେଇ ଥାନାରେ ମାମଲା ରୁଜୁ ହୋଇଛି। କଟକ ଜିଲ୍ଲା ଜଗତପୁର ଥାନା ଆତୋଡ଼ା ଗାଁରେ ଘଟିଛି ଏଭଳି ଅଭାବନୀୟ ଘଟଣା ।

ଖବର ଅନୁଯାୟୀ, ପୂର୍ବତନ ସାଲେପୁର ପଞ୍ଚାୟତ ସମିତି ଅଧ୍ୟକ୍ଷା ମମତା ରାଉତଙ୍କ ଘରେ ୩୦ରୁ ଅଧିକ ଦୁଇ ଦିନ ତଳେ ପଶି ମାରଣାସ୍ତ୍ର ଦେଖାଇ ଭୟଭୀତ କରି ବାରମ୍ବାର ମମତା ରାଉତଙ୍କ ପୁଅକୁ ଖୋଜିଖୋଜି ମାରିବାକୁ ଧମକ ଦେଇଥିଲେ । ଯାହାର ସିସିଟିଭି ଫୁଟେଜ ଥିବାର ଭିଡିଓ ମଧ୍ୟ ପୋଲିସକୁ ମିଳିଥିଲା । ଜଗତପୁର ଥାନାରେ ଏନେଇ ଅଭିଯୋଗ ମଧ୍ୟ ହୋଇଥିଲା । ହେଲେ ପୋଲିସ କାର୍ଯ୍ୟାନୁଷ୍ଠାନ ନେବାରେ ବିଳମ୍ବ ହେବାରୁ ଦୁର୍ବୃତମାନେ ବୋମାମାଡ଼ କରିଥିବାର ଅଭିଯୋଗ କରିଛନ୍ତି ମମତା । ଶୁକ୍ରବାର ସଂଧ୍ୟାରେ ୬ ଜଣ ଯୁବକ ଦୁଇଟି ବାଇକ୍ରେ ଆସି ସ୍ଥାନୀୟ ଲୋକଙ୍କୁ ଭୟଭୀତ କରିବା ସହ ୨ଟି ବୋମା ଫିଙ୍ଗି ଘଟଣାସ୍ଥଳରୁ ଫେରାର ହୋଇଯାଇଥିଲେ । ଏହି ବୋମାମାଡ଼ରେ ଆତୋଡ଼ା ଗାଁର ସୁମିତା ସେଠୀ ଓ ସୁଲୋଚନା ସେଠୀ ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ଜଗତପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।