ସେପ୍ଟେମ୍ବରରେ ଓଡ଼ିଶାରେ ଜିଓ ସହ ଯୋଡ଼ି ହେଲେ ୧.୯୬ ଲକ୍ଷ ଗ୍ରାହକ, ଅନ୍ୟ ଅପରେଟରଙ୍କଠାରୁ ୨୪ ଗୁଣ ଅଧିକ

ଭୁବନେଶ୍ୱର: ଗ୍ରାହକଙ୍କ ଅତୁଳନୀୟ ବିଶ୍ୱାସ ଏବଂ ଏହାର ଅତ୍ୟାଧୁନିକ ପ୍ରଯୁକ୍ତି ସମ୍ପନ୍ନ ୪ଜି ଓ ଟ୍ରୁ ୫ଜି ନେଟୱାର୍କକୁ ସୁଦୃଢ଼​​କରି, ଜିଓ ଓଡ଼ିଶାରେ ଏକ ନମ୍ବର ତଥା ସର୍ବାଧିକ ପସନ୍ଦର ଡିଜିଟାଲ୍ ସେବା ପ୍ରଦାନକାରୀ ଭାବରେ ଚମତ୍କାର ଅଭିବୃଦ୍ଧି ଜାରି ରଖିଛି।

ନିକଟରେ ଭାରତୀୟ ଟେଲିକମ୍ ନିୟାମକ ପ୍ରାଧିକରଣ (ଟ୍ରାଇ) ଦ୍ୱାରା ପ୍ରକାଶିତ ସଦ୍ୟତମ ଟେଲିକମ୍ ଉପଭୋକ୍ତା ତଥ୍ୟ ଅନୁଯାୟୀ, ରିଲାଏନ୍ସ ଜିଓ ସେପ୍ଟେମ୍ବର ୨୦୨୫ରେ ଓଡ଼ିଶାରେ ଏକ ଲକ୍ଷ ୯୬ ହଜାରରୁ ଅଧିକ ନୂତନ ମୋବାଇଲ୍ ଗ୍ରାହକ ଯୋଡ଼ିଥିବାବେଳେ, ଏହା ପଛକୁ ଦ୍ଵିତୀୟ ସ୍ଥାନରେ ରହିଥିବା ଭୋଡାଫୋନ ଆଇଡ଼ିଆ ମାତ୍ର ୭,୯୮୦ ଜଣ ଗ୍ରାହକ ଯୋଡିଛି। ଉଭୟ ଏୟାରଟେଲ୍ ଏବଂ ବିଏସଏନଏଲ ଏହି ସମୟରେ ହଜାର ହଜାର ଗ୍ରାହକ ହରାଇଛନ୍ତି।

ଉଲ୍ଲେଖଯୋଗ୍ୟ ଯେ, ସେପ୍ଟେମ୍ବର ମାସରେ ଓଡ଼ିଶାରେ ଜିଓ ଯୋଡ଼ିଥିବା ନୂଆ ଗ୍ରାହକ ସଂଖ୍ୟା ଏହି ମାସରେ ସମସ୍ତ ଅପରେଟରଙ୍କ ଦ୍ୱାରା ରାଜ୍ୟରେ ଯୋଡ଼ି ହୋଇଥିବା ମୋଟ ନୂତନ ମୋବାଇଲ୍ ଗ୍ରାହକ ସଂଖ୍ୟା ତୁଳନାରେ ଅଧିକ ରହିଛି । ଜିଓର ଉତ୍କୃଷ୍ଟ ନେଟୱାର୍କ ଅନୁଭୂତି ଏବଂ ଡିଜିଟାଲ୍ ଇକୋସିଷ୍ଟମ ପ୍ରତି ଗ୍ରାହକଙ୍କ ଦୃଢ଼ ବିଶ୍ୱାସର ପ୍ରମାଣ ସ୍ୱରୂପ ଏହା ସେପ୍ଟେମ୍ବର ମାସରେ ନିକଟତମ ପ୍ରତିଦ୍ୱନ୍ଦ୍ୱୀ ଅପରେଟର ତୁଳନାରେ ୨୪ ଗୁଣ ଅଧିକ ନୂତନ ଗ୍ରାହକ ଯୋଡ଼ିଛି।

ଏଥିସହିତ, ଓଡ଼ିଶାରେ ଜିଓ ନେଟୱାର୍କରେ ମୋଟ ମୋବାଇଲ୍ ଗ୍ରାହକଙ୍କ ସଂଖ୍ୟା ଏକ କୋଟି ୬୭ ଲକ୍ଷ ଅତିକ୍ରମ କରିଛି ଏବଂ ଏହା ଓଡିଶା ଟେଲିକମ ବଜାରରେ ୪୬.୮ ପ୍ରତିଶତ ଗ୍ରାହକ ବଜାର ଅଂଶ ହାସଲ କରିଛି। ଏହି ମାଇଲଖୁଣ୍ଟ ସାରା ରାଜ୍ୟରେ ଜିଓର ବ୍ୟାପକ ୪ଜି ଓ ୫ଜି କଭରେଜ ଏବଂ ବିଶେଷକରି ଓଡ଼ିଶାର ଗ୍ରାମୀଣ ଏବଂ ଦୂରଦୂରାନ୍ତ ଅଞ୍ଚଳରେ ହଜାର ହଜାର ୨ଜି ଗ୍ରାହକଙ୍କୁ ୪ଜି କୁ ଅପଗ୍ରେଡ୍ କରିବାରେ ସକ୍ଷମ କରିଥିବା ଅତି-ସୁଲଭ ଜିଓଭାରତ ୪ଜି ଫୋନ ଦ୍ୱାରା ସମ୍ଭବ ହୋଇଛି।

ଟ୍ରାଇ ପ୍ରଦତ୍ତ ତଥ୍ୟ ଅନୁଯାୟୀ, ସେପ୍ଟେମ୍ବର ମାସରେ ଓଡ଼ିଶାରେ ମୋଟ ମୋବାଇଲ୍ ଗ୍ରାହକଙ୍କ ସଂଖ୍ୟା ପ୍ରାୟ ଏକ ଲକ୍ଷ ୮୮ ହଜାର ବୃଦ୍ଧିପାଇ ୩୦ ସେପ୍ଟେମ୍ବର, ୨୦୨୫ ସୁଦ୍ଧା ୩ କୋଟି ୫୮ ଲକ୍ଷ ଅତିକ୍ରମ କରିଛି। ଜାତୀୟ ସ୍ତରରେ ମଧ୍ୟ ଜିଓ ସର୍ବାଗ୍ରେ ରହିବା ସହିତ ସେପ୍ଟେମ୍ବର ୨୦୨୫ ରେ ୩୨.୪୯ ଲକ୍ଷରୁ ଅଧିକ ନୂତନ ମୋବାଇଲ୍ ଗ୍ରାହକ ଯୋଡି ଭାରତର ସର୍ବବୃହତ ଏବଂ ଦ୍ରୁତତମ ଅଭିବୃଦ୍ଧିଶୀଳ ଡିଜିଟାଲ୍ ସେବା ପ୍ରଦାନକାରୀ ଭାବରେ ଏହାର ସ୍ଥିତିକୁ ଆହୁରି ମଜବୁତ କରିଛି। ସେହିଭଳି ସେପ୍ଟେମ୍ବର ୨୦୨୫ ସୁଦ୍ଧା ୩.୩୮ ଲକ୍ଷ ଜିଓଫାଇବର ଉପଭୋକ୍ତା, ୨.୪୩ ଲକ୍ଷ ୫ଜି ଏଫଡବ୍ଲୁଏ ବା ଜିଓଏୟାରଫାଇବର ଉପଭୋକ୍ତା ଏବଂ ୩୧,୦୦୦ରୁ ଅଧିକ ୟୁବିଆର ଏଫଡବ୍ଲୁଏ ଉପଭୋକ୍ତା ରହିଛନ୍ତି।