କମିଗଲା ସୁନା-ରୁପା ରେଟ୍, ଆଗକୁ ବଢିଯିବ...ଶୀଘ୍ର କିଣି ନିଅନ୍ତୁ

ମୁମ୍ବାଇ, ୧୦|୦୨ : ରେଟ୍ ବୃଦ୍ଧିରେ ରେକର୍ଡ କରିବା ପରେ ଏବେ ଚମକ ହରାଇଛନ୍ତି ସୁନା ଏବଂ ରୁପା । ଲଗାତାର କିଛି ଦିନ ବଢିବା ପରେ ଏବେ କମୁଛନ୍ତି ଦୁଇ ଦାମୀ ଧାତୁ । ସୋମବାର ଦାମରେ ସାମାନ୍ୟ ଉପର ତଳ ହେଲା ପରେ ମଙ୍ଗଳବାର ଦରରେ ଅହେତୁକ ହ୍ରାସ ପରିଲକ୍ଷିତ ହୋଇଛି ।

ମଙ୍ଗଳବାର କାରବାର ଆରମ୍ଭରେ ଏମସିଏକ୍ସ ବା ମଲ୍ଟି କମୋଡିଟି ଏକ୍ସଚେଞ୍ଜରେ ରୁପା କେଜି ପିଛା ୫୫୦୦ ଟଙ୍କା ହ୍ରାସ ପାଇଛି । ସେହିପରି ସୁନା ମଧ୍ୟ ୧୦ ଗ୍ରାମ୍ ପିଛା ୨ ହଜାର ଟଙ୍କା ଶସ୍ତା ହୋଇଛି । ରେକର୍ଡ ଦରରୁ ଦୁଇ ଧାତୁ ଏବେ ଖୁବ୍ ଶସ୍ତାରେ ପହଁଚିଯାଇଛନ୍ତି । ରୁପା ପ୍ରାୟ ଲକ୍ଷେ ୬୩ ହଜାର ଟଙ୍କା ହ୍ରାସ ପାଇଛି ।

​​​​​​​ଏହି ଖବରଟି ପଢନ୍ତୁ... ଏହି ରାଜ୍ୟରେ ବାର୍ଡ ଫ୍ଲୁ' ଆତଙ୍କ : ୧୫୦୦ କାଉ ମରିବା ପରେ ପ୍ରଶାସନ ଆକ୍ଟିଭ୍, ଲ୍ୟାବ୍ ରିପୋର୍ଟ ବଢାଇଲା ଚିନ୍ତା

ବଜେଟ୍ ପରେ ସୁନା ଏବଂ ରୁପାର ଦାମ୍ କ୍ରାଶ୍ କରିଯାଇଥିଲା । ପରେ ଏଥିରେ ସାମାନ୍ୟ ବୃଦ୍ଧି ପରିଲକ୍ଷିତ ହୋଇଥିଲା । ଗତ ଜାନୁଆରୀ ୨୯ରେ ରୁପା ପ୍ରଥମ ଥର ପାଇଁ ୪ ଲକ୍ଷ ଟଙ୍କା ଛୁଇଁଥିଲା । ଏପରିକି ୪ ଲକ୍ଷ ୨୦ ହଜାରରେ ପହଁଚି ଯାଇଥିଲା । ଏହାର ପରଦିନ ଅର୍ଥାତ ଜାନୁଆରୀ ୩୦ ତାରିଖରେ ହିଁ ଦାମ୍ କ୍ରାଶ୍ କରିଯାଇଥିଲା ।

ସୋମବାର ଏମସିଏକ୍ସରେ ରୁପା ୨ ଲକ୍ଷ ୬୨ ହଜାର ୬୨୦ ଟଙ୍କାରେ ବନ୍ଦ ହୋଇଥିଲା । ମଙ୍ଗଳବାର ଏହା ୨ ଲକ୍ଷ ୫୬ ହଜାରରେ ଟ୍ରେଡ୍ କରୁଛି । ଗୋଟିଏ ଝଟକାରେ ଦାମ୍ ପ୍ରାୟ ୫ ହଜାର ଟଙ୍କା କମିଯାଇଛି ।

ଚମକ ହରାଉଛି ସୁନା

ରୁପା ପରେ ସୁନା ଦାମରେ ମଧ୍ୟ ହ୍ରାସ ଦେଖିବାକୁ ମିଳିଛି । ସୋମବାର ଏମସିଏକ୍ସରେ ୧୦ ଗ୍ରାମ୍ ସୁନା ଲକ୍ଷେ ୫୮ ହଜାର ଥିଲା । ମଙ୍ଗଳବାର ଏହା ଲକ୍ଷେ ୫୬ ହଜାରକୁ ଖସି ଆସିଛି । ରୁପା ଭଳି ଗତ ଜାନୁଆରୀ ୨୦ରେ ସୁନା ଲକ୍ଷେ ୯୩ ହଜାରରେ ପହଁଚିଥିଲା । ଏହାପରେ ଦାମ୍ କ୍ରାଶ୍ କରିଯାଇଥିଲା । ସେବେଠୁ ଏବେସୁଦ୍ଧା ସୁନା ପ୍ରାୟ ୩୭ ହଜାର ଟଙ୍କା ଶସ୍ତା ହେଲାଣି ।