ୟଶଙ୍କ ଫିଲ୍ମ 'ଟକ୍ସିକ' ଟିଜରରେ ରୋମାନ୍ସ ସିନକୁ ନେଇ ବିବାଦ, ଅଭିନେତ୍ରୀଙ୍କ ଇନଷ୍ଟାଗ୍ରାମ ଆକାଉଣ୍ଟ ଡିଲିଟ୍

ମୁମ୍ୱାଇ ୧୫।୦୧: ୟଶଙ୍କ ଅଭିନୀତ ଫିଲ୍ମ 'ଟକ୍ସିକ'ର ଟିଜର ରିଲିଜ ହୋଇଯାଇଛି। ଯାହା ପରେ ଫିଲ୍ମକୁ ନେଇ ବଢିବାରେ ଲାଗିଛି ଅଡୁଆ । ଟିଜରରେ ଦେଖାଯାଇଥିବା ୟଶ ଏବଂ ବିଦେଶୀ ଅଭିନେତ୍ରୀଙ୍କ ମଧ୍ୟରେ ଥିବା ରୋମାଣ୍ଟିକ୍ ସିନ୍ ବିରୋଧ ପ୍ରଦର୍ଶନ କରିଛି । ଯାହା ଅଭିନେତ୍ରୀ ବିଟ୍ରିଜ୍ ତୌଫେନବାଚ୍ ଅଭିନୟ କରିଛନ୍ତି ।

ଏହି ସିନ୍ ପାଇଁ ବିବାଦ ସୃଷ୍ଟି ହୋଇଥିବା ବେଳେ ଆମ ଆଦମୀ ପାର୍ଟି ଏବଂ କର୍ଣ୍ଣାଟକ ରାଜ୍ୟ ମହିଳା କମିଶନ ଟିଜର ବିରୋଧରେ ଅଭିଯୋଗ ଦାଖଲ କରିଛନ୍ତି । କୁହାଯାଉଛି ଯେ ବିବାଦ ମଧ୍ୟରେ ଅଭିନେତ୍ରୀ ତାଙ୍କର ଇନଷ୍ଟାଗ୍ରାମ ଆକାଉଣ୍ଟକୁ ଡିଲିଟ୍ କରିଦେଇଛନ୍ତି ।ଜାନୁଆରୀ ୮ରେ ଟକ୍ସିକର ଆକ୍ସନ୍ ଟିଜର ରିଲିଜ୍ ହୋଇଥିଲା । ଏଥିରେ ଏକ କବରସ୍ଥାନ ନିକଟରେ ଏକ କାରରେ ୟଶ ଏବଂ ବିଟ୍ରିଜ୍ ତୌଫେନବାଚଙ୍କ ମଧ୍ୟରେ ଏକ ରୋମାଣ୍ଟିକ୍ ସିନ୍ ପ୍ରଦର୍ଶିତ ହୋଇଥିଲା । ଟିଜରଟି ୟଶଙ୍କ ପ୍ରଶଂସକଙ୍କଠାରୁ ବ୍ୟାପକ ପ୍ରେମ ପାଇଥିଲା, କିନ୍ତୁ ରୋମାଣ୍ଟିକ୍ ସିନ୍ ବିବାଦ ସୃଷ୍ଟି କରିଥିଲା । ହେଲେ ତାଙ୍କ ଚରିତ୍ର ଯୋଗୁଁ ଲୋକମାନେ ନତାଲି ବର୍ନଙ୍କୁ ବିଟ୍ରିଜ୍ ତୌଫେନବାଚ୍ ବୋଲି ଭୁଲ କରି ସୋସିଆଲ ମିଡିଆରେ ଭାଇରାଲ କରିଥିଲେ ।

ତେବେ ବର୍ତ୍ତମାନ ଏହି ରୋମାଣ୍ଟିକ ସିନ୍ ବିବାଦ ସୃଷ୍ଟି କରିଥିବାରୁ, ବିଟ୍ରିଜ୍ ତୌଫେନବାଚ୍ଙ୍କ ଇନ୍‌ଷ୍ଟାଗ୍ରାମ୍ ଆକାଉଣ୍ଟ ଆଉ ଉପଲବ୍ଧ ନାହିଁ । ବିଶ୍ଵାସ କରାଯାଉଛି ଯେ ବିଟ୍ରିଜ୍ ଟକ୍ସିକ୍ ଟିଜର୍ ବିବାଦ ପରେ ତାଙ୍କ ଇନଷ୍ଟାଗ୍ରାମ୍ ଆକାଉଣ୍ଟ୍ ଡିଲିଟ୍ କରିଦେଇଛନ୍ତି । ବିଟ୍ରିଜ୍‌ଙ୍କ ଇନଷ୍ଟାଗ୍ରାମ୍ ୧୮୦୦ ରୁ ଅଧିକ ଫଲୋଅର୍ସ ଥିଲେ, କିନ୍ତୁ ତାଙ୍କ ଆକାଉଣ୍ଟ୍ ବ୍ୟକ୍ତିଗତ ଥିଲା।