ପ୍ରଶାନ୍ତ ମହାସାଗରରେ ଆମେରିକାର ଏୟାରଷ୍ଟ୍ରାଇକ୍, ଭୟରେ ସବୁ ଦେଶ

ନ୍ୟୁୟର୍କ, ୧୭|୧୧: ପ୍ରଶାନ୍ତ ମହାସାଗରରେ ଆମେରିକାର ବଡ ଆକ୍ସନ । ନିଶା କାରବାର କରୁଥିବା ତସ୍କରୀଙ୍କୁ ସଫା କରିଦେଲା ନୌସେନା । ପ୍ରବଳ ବୋମା ମାଡ କରି ବୋଟକୁ କରିଦେଲା ଧ୍ୱଂସ । ରବିବାର ପୂର୍ବ ପ୍ରଶାନ୍ତ ମହାସାଗରରେ ୟୁଏସର ଆକ୍ସନକୁ ନେଇ ଏବେ ଜୋରଦାର ଚର୍ଚ୍ଚା ।

ରିପୋର୍ଟ ଅନୁସାରେ, ନୌସେନାକୁ ମହାସାଗରରେ ନିଶା କାରବାର ନେଇ ଗୁଇନ୍ଦା ରିପୋର୍ଟ ମିଳିଥିଲା । ଫଳରେ ସମସ୍ତ ଜାହାଜ ଉପରେ କଡା ନଜର ରଖାଯାଉଥିଲା । କିନ୍ତୁ ଗୋଟିଏ ଜାହାଜରେ ଚୋରା କାରବାର ଚାଲୁଥିବା ନେଇ ଜାଣିପାରିଥିଲା ନୌସେନା । ଯାହାକୁ ରୋକିବା ପାଇଁ ପ୍ରବଳ ଗୁଳି ଗୋଳା ମାଡ କରାଯାଇଥିଲା । ଏଥିରେ ତିନି ଜଣ ନିଶା ବେପାରୀ ପ୍ରାଣ ହରାଇଥିବା ସୂଚନା ମିଳିଛି । ଏହା ଆମେରିକାର ଗତ ୧୦ ବର୍ଷ ମଧ୍ୟରେ ପ୍ରଶାନ୍ତ ମହାସାଗରରେ ସବୁଠୁ ବଡ ଅପରେସନ ବୋଲି କୁହାଯାଉଛି । ଯାହାକୁ ନେଇ ବିବାଦ ମଧ୍ୟ ଉପୁଜିଛି ।

ଗତ ସେପ୍ଟେମ୍ବରରୁ ଏବେସୁଦ୍ଧା ସମୁଦ୍ରରେ ୨୧ଟି ନିଶା କାରବାରକୁ ରୋକିଛି ୟୁଏସ ନାଭି । ପେଣ୍ଟାଗନର କହିବାନୁସାରେ, ଅପରେସନରେ ଏବେସୁଦ୍ଧା ୮୩ ଜଣ ପ୍ରାଣ ହରାଇଛନ୍ତି । ଆମେରିକାର ସୁରକ୍ଷା ପାଇଁ ଅପରେସନ ଜରୁରୀ ଥିଲା । ଅନ୍ୟ ଜାହାଜର ସୁରକ୍ଷା ମଧ୍ୟ ଆମେରିକାର କର୍ତ୍ତବ୍ୟ । ତେବେ ବିଭିନ୍ନ ଅନ୍ତର୍ଜାତୀୟ ସଂସ୍ଥା ଆମେରିକାର ପଦକ୍ଷେପକୁ ବିରୋଧ କରିଛନ୍ତି । ଏହା ମାନବାଧିକାର ବିରୋଧୀ ଏବଂ ସମୁଦ୍ର ନିୟମର ଉଲ୍ଲଙ୍ଘନ ବୋଲି ଦାବି କରିଛନ୍ତି ।

ମାନବାଧିକାର ସଙ୍ଗଠନର କହିବାନୁସାରେ, କୌଣସି ସ୍ପଷ୍ଟତା ନଥିବା ସତ୍ତ୍ୱେ ଆମେରିକା ତିନି ଜଣଙ୍କୁ ହତ୍ୟା କରିଛି । କୌଣସି ପଦକ୍ଷେପ ନେବା ପୂର୍ବରୁ ନାୟିକ ସମୀକ୍ଷା ଆବଶ୍ୟକ ଥିଲା । ଅନ୍ୟ ଦିଗରେ ଓ୍ୱାସିଂଟନ ପକ୍ଷରୁ ଏହାରୁ ଖଣ୍ଡନ କରାଯାଇଛି । ଗୁଇନ୍ଦା ରିପୋର୍ଟ ଆଧାରରେ ସ୍ପଷ୍ଟ ସୂଚନା ମିଳିଥିଲା । ତେଣୁ ଅପରେସନ କରାଯାଇଥିବା ୟୁଏସ ସଫେଇ ଦେଇଛି ।