Varanasi: ରାଜାମୌଲିଙ୍କ ବାରାଣସୀର ଜିଡିଟାଲ୍ ରାଇଟ୍ସ ମୂଲ୍ୟ ଛୁଇଁପାରେ ୧୦୦୦ କୋଟି ଟଙ୍କା

ନୂଆଦିଲ୍ଲୀ: ରାଜାମୌଲିଙ୍କ ଆଗାମୀ ବଡ଼ ଫିଲ୍ମର ଟାଇଲଟ୍ ଘୋଷଣାକୁ ଏକ ମାସ ପୂରିନି, କିନ୍ତୁ ଏବେଠୁ ବାରାଣସୀ ଖୁବ ଚର୍ଚ୍ଚାରେ ଅଛି । ଏହି ଫିଲ୍ମ କେବଳ ନିର୍ଦ୍ଦେଶକଙ୍କ ବଡ଼ ପରିଚୟ ପାଇଁ ନୁହେଁ, ବରଂ ଏହାର କଳାକାଳଙ୍କୁ ନେଇ ମଧ୍ୟ ଲୋକଙ୍କ ମୁହଁରେ । ଫିଲ୍ମକୁ ରିଲିଜ୍ ହେବାକୁ ଆହୁରି ବର୍ଷେରୁ ଅଧିକ ସମୟ ବାକି ରହିଛି, ଏହା ସତ୍ତ୍ୱେ ଫିଲ୍ମକୁ ନେଇ ପ୍ରଶଂସକଙ୍କ ମଧ୍ୟରେ ଉତ୍ସାହ ଶୀର୍ଷରେ ରହିଛି । ଏହାରି ଭିତରେ ଏକ ବଡ଼ ଖବର ସାମନାକୁ ଆସୁଛି । ଦାବି କରାଯାଉଛି ଯେ ଅନେକ ଓଟିଟି ପ୍ଲାଟଫର୍ମ ଏହାର ଡିଜିଟାଲ୍ ରାଇଟ୍ସ ପାଇବା ପାଇଁ ଦୌଡ଼ରେ ସାମିଲ ହୋଇଛନ୍ତି ।

ହିନ୍ଦୁସ୍ତାନ ଟାଇମ୍ସ ଅନୁଯାୟୀ, " 'ବାରାଣସୀ' ଆନ୍ତର୍ଜାତୀୟ ଷ୍ଟ୍ରିମିଂ ବଜାରରେ ଭାରତର ସବୁଠାରୁ ହଟ୍ ପ୍ରୋପର୍ଟି ଅଟେ । ଏହି ଫିଲ୍ମଟି RRRର ଅଦ୍ଭୁତ ସଫଳତା ଏବଂ ଏହାର ଓସ୍କାର ବିଜୟ ପରେ ଆସୁଛି । ରାଜାମୌଲିଙ୍କ ପୂର୍ବ ଫିଲ୍ମ ବାହୁବଳୀ ୨, ବିଦେଶରେ ୬୨ ନିୟୁତ ଡଲାରରୁ ଅଧିକ ଆୟ କରିଥିଲା । ଏହା ହିଁ ରାଜାମୌଲିଙ୍କୁ ପାଶ୍ଚାତ୍ୟରେ ଏକ ପରିଚିତ ନାଁ କରାଇଛି । ସ୍ୱାଭାବିକ ଭାବରେ, ତାଙ୍କ ପରବର୍ତ୍ତୀ ଫିଲ୍ମର ଡିଜିଟାଲ୍ ଅଧିକାର ପାଇଁ ଏକ ନିଲାମ ଯୁଦ୍ଧ ପ୍ରାୟ ଆରମ୍ଭ ହୋଇସାରିଛି । ଷ୍ଟ୍ରିମିଂ ପ୍ଲାଟଫର୍ମଗୁଡ଼ିକ ଫିଲ୍ମର ଡିଜିଟାଲ୍ ଅଧିକାର ପାଇଁ ଏକ ବିପୁଳ ପରିମାଣର ଦେୟ ଦେବାକୁ ବିଚାର କରୁଛନ୍ତି, ଯାହା ଯେକୌଣସି ହଲିଉଡ୍ ଫିଲ୍ମ ସହିତ ସମାନ ହେବ । ଏହି ସଂଖ୍ୟା ୧୦୦୦ କୋଟି ଟଙ୍କା ପର୍ଯ୍ୟନ୍ତ ମଧ୍ୟ ଯାଇପାରେ ।"

ଯଦି ଏହି ଡିଲ୍ ଫାଇନାଲ୍ ହୁଏ ତେବେ ଏହା କୌଣସି ଭାରତୀୟ ସିନେମା ପାଇଁ ଡିଜିଟାଲ୍ ରାଇଟ୍ ଜରିଆରେ ମିଳିବାକୁ ଥିବା ପ୍ରି-ରିଲିଜ୍ ରେଭେନ୍ୟୁର ଏକ ନୂଆ ବେଞ୍ଚମାର୍କ ସ୍ଥାପନ କରିବ । ମ୍ୟୁଜିକ୍, ସାଟେଲାଇଟ୍ ଏବଂ ଥିଏଟ୍ରିକଲ୍ ଡିଷ୍ଟ୍ରିବ୍ୟୁସନ ଅଧିକାରକୁ ମିଶାଇ, ବାରାଣସୀ ପୂର୍ବରୁ ସବୁଠାରୁ ବଡ଼ ଭାରତୀୟ ଚଳଚ୍ଚିତ୍ର ମଧ୍ୟରୁ ଗୋଟିଏ ହେବା ପାଇଁ ବାଟରେ ଅଛି ।

ନଭେମ୍ବର ୧୫ରେ ରାମୋଜି ଫିଲ୍ମ ସିଟିରେ ଅନୁଷ୍ଠିତ ଗ୍ରାଣ୍ଡ ଗ୍ଲୋବ୍ ଟ୍ରଟର ଇଭେଣ୍ଟ ୫୦,୦୦୦ରୁ ଅଧିକ ଲୋକ ଉପସ୍ଥିତ ଥିଲେ । ଏହା ଭାରତୀୟ ମନୋରଞ୍ଜନ ଶିଳ୍ପର ସବୁଠାରୁ ବଡ଼ ଲାଇଭ୍ ଇଭେଣ୍ଟ ମଧ୍ୟରୁ ଗୋଟିଏ ଥିଲା । ୨୦୨୭ ଏହି ସିନେମା ବଡ଼ ପରଦାରେ ଆସିପାରେ ।