କୌଣସି ତଥ୍ୟ ନଥାଇ ମିଥ୍ୟା ଅଭିଯୋଗ ଆଣୁଛନ୍ତି, ସାମ୍ବଦିକ ସମ୍ମିଳନୀରେ ବର୍ଷିଲେ ପ୍ରୟାସକାନ୍ତି ସାମଲ

ଭଦ୍ରକ ୯।୧୨: କଂଗ୍ରେସ ନେତା ଅସିତ୍ ପଟ୍ଟନାୟକଙ୍କୁ କାଉଣ୍ଟର କଲେ ପ୍ରୟାସକାନ୍ତି ସାମଲ । ପ୍ରୟାସକାନ୍ତି ସାମଲ ସାମ୍ବାଦିକ ସମ୍ମିଳନୀ କରି କହିଛନ୍ତି, ଯେଉଁ ବରପଦା ଯାନ୍ତ୍ରିକ କଲେଜ କଥା ଅସିତ୍ ଭାଇ କହୁଛନ୍ତି ତାଙ୍କୁ କୋର୍ଟ ସମସ୍ତ କେଶ୍ରେ କ୍ଲିନ୍ ଚିଟ୍ ଦେଇଛନ୍ତି । ଅସିତଙ୍କୁ ଟାର୍ଗେଟ୍ କରି ଭଦ୍ରକରେ ହୋଇଥିବା ଅଶାନ୍ତ ସ୍ଥିତି ଓ ଅନ୍ୟ ଏକ ଘଟଣାକୁ ମଧ୍ୟ ସେ ଉଠାଇଛନ୍ତି । କୌଣସି ତଥ୍ୟ ନଥାଇ ଅସିତ ଭାଇ ମୋ ବିରୋଧରେ ଏବଂ ମୋ ଦଳର ନେତା ମନମୋହନ ସାମଲଙ୍କ ବିରୋଧରେ ମିଥ୍ୟା ଅଭିଯୋଗ ଆଣୁଛନ୍ତି । ଭଦ୍ରକବାସୀ ତାଙ୍କୁ ଭଦ୍ରକ ଆସିଲେ ପଚାରିବେ ବୋ ପ୍ରୟାସକାନ୍ତି କହିଛନ୍ତି । ପରିଶେଷରେ ଯଦି ତାଙ୍କ ନାମରେ ଇଡି ଦ୍ୱାରା କୌଣସି ବିରୋଧ ରାୟ ଆସେ ସେ ନିଜେ ସଭାପତିଙ୍କୁ ତାଙ୍କ ଦଳରୁ ବହିଷ୍କାର କରିବା ପାଇଁ ଅନୁରୋଧ କରିବେ ବୋଲି କହିଛନ୍ତି । ତେଣୁ ଏପରି ମିଥ୍ୟା ତଥ୍ୟ ନଦେବାକୁ ପ୍ରୟାସକାନ୍ତି କହିଛନ୍ତି ।

ଉଲ୍ଲେଖଯୋଗ୍ୟ ଯେ, ଭୁବନେଶ୍ୱର ସ୍ଥିତ କଂଗ୍ରେସ ଭବନରେ ଭଦ୍ରକ କଂଗ୍ରେସ ନେତା ଅସିତ୍ ପଟ୍ଟନାୟକ ବିଜେପିରେ ମିଶିଥିବା ପ୍ରଫୁଲ୍ଲ ସାମଲଙ୍କ ପୁଅ ପ୍ରୟାସକାନ୍ତି ସାମଲଙ୍କୁ ଟାର୍ଗେଟ୍ କରିଥିଲେ । ବିଜେପି ରାଜ୍ୟ ସଭାପତି ମନମୋହନ ସାମଲଙ୍କୁ କଡ଼ା ସମାଲୋଚନା କରିଥିଲେ । ଲୁଲୁ ସାମଲଙ୍କ ବିରୋଧରେ ଇଡି ଯାଞ୍ଚ ଚାଲିଥିବା ବେଳେ କିପରି ବିଜେପିରେ ମିଶାଇଲେ ସେ ନେଇ ସାମ୍ବାଦିକ ସମ୍ମିଳନୀରେ କହିଥିଲେ । ତେଣୁ ଏହି ଦିନକୁ କଂଗ୍ରେସ କଳା ଦିବସ ଭାବେ ପାଳନ କରିବ ବୋଲି ମଧ୍ୟ କହିଥିଲେ । ଏମିତିକି ରାଜ୍ୟ ସଭାପତିଙ୍କୁ ଲଜ୍ଜାହୀନ ବୋଲି ମଧ୍ୟ କହିଥିଲେ ଅସିତ୍ ।