LIVE TV
News7 Logo

ଦୀପରେ ଝଲସୁଛି ପ୍ରଭୁ ରାମଙ୍କ ନଗରୀ, ଅଯୋଧ୍ୟାରେ ଆରମ୍ଭ ହେଲା ଭବ୍ୟ ଦୀପୋତ୍ସବ

Published By: Prameya-News Bureau - Prameya-News Bureau | October 19, 2025 07:09 PM
NEWS7
locust-problem-for-india-from-pakistan-india-pakistan-faced-off

ଲକ୍ଷ୍ମୌ: ଦୀପରେ ଝଲସୁଛି ପ୍ରଭୁ ଶ୍ରୀରାମଙ୍କ ଅଯୋଧ୍ୟା ନଗରୀ । ଅଯୋଧ୍ୟାରେ ଆରମ୍ଭ ହୋଇଛି ଭବ୍ୟ ଦୀପୋତ୍ସବ। ଦୀପାବଳୀ ପୂର୍ବ ସନ୍ଧ୍ୟାରେ ଆୟୋଜିତ ଦୀପୋତ୍ସବରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ରାମ ମନ୍ଦିରରେ ଦୀପ ଜାଳି ଏହି ଭବ୍ୟ ଉତ୍ସବର ଉଦଘାଟନ କରିଛନ୍ତି।୨୦୧୭ ପରଠାରୁ କ୍ରମାଗତ ଭାବରେ ଅଯୋଧ୍ୟାରେ ଏହି ଭବ୍ୟ ଦୀପୋତ୍ସବ ପାଳନ ହୋଇଆସୁଛି।

ରବିବାର ମୁଖ୍ୟମନ୍ତ୍ରୀ ଯୋଗୀ ରାମକଥା ପାର୍କ ପହଞ୍ଚି ପ୍ରଥମେ ସେଠାରେ ପ୍ରଭୁ ଶ୍ରୀରାମଙ୍କ ରାଜ୍ୟାଭିଷେକ କରିଥିଲେ। ଏହା ପରେ ରାମ ମନ୍ଦିର ଯାଇ ପୂଜା- ଅର୍ଚ୍ଚନା କରିବା ସହ ଦୀପ ଜାଳି ଦୀପୋତ୍ସବର ଉଦଘାଟନ କରିଥିଲେ। ଯାହା ପରେ ୩୩୦୦ ସ୍ବେଚ୍ଛାସେବୀ ୫୬ଟି ଘାଟରେ ପ୍ରାୟ ୨୮ ଲକ୍ଷ ଦୀପ ପ୍ରଜ୍ବଳନ କରିଛନ୍ତି। ଏଥିପାଇଁ ୧୫ ମିନିଟ୍‌ ସମୟ ଲାଗିଥିଲା। ଏହା ପରେ ୨୧୦୦ରୁ ଅଧିକ ବିଦ୍ବାନ ମହାଆଳତୀ କରିଥିଲେ। ସନ୍ଧ୍ୟା ହେବା ପରେ ଡ୍ରୋନ ଶୋ ଏବଂ ଲେଜର ଶୋ ମଧ୍ୟ କରାଯାଇଥିଲା।

ଏହା ପରେ ସିଏମ ଯୋଗୀ ସରଜୂ ଘାଟରେ ପହଞ୍ଚି ଆଳତୀ ମଧ୍ୟ କରିଛନ୍ତି। ସୂଚନାଥାଉକି, ଗତ ବର୍ଷ ରେକର୍ଡ ସଂଖ୍ୟକ ୨୬ ଲକ୍ଷ ୧୧ ହଜାର ୧୦୧ ଦୀପ ପ୍ରଜ୍ବଳିତ ହୋଇଥିଲା। ଆଉ ଏଥର ୨୮ ଲକ୍ଷ ଦୀପ ସହ ଗିନିଜ ବୁକ୍‌ ଅଫ୍‌ ରେକର୍ଡରେ ଥିବା ନିଜର ପୁରୁଣା ରେକର୍ଡ ଭାଙ୍ଗିଛି ଅଯୋଧ୍ୟାର ଦୀପୋତ୍ସବ।