ବିବାହରେ ଇରାନୀ ନେତାଙ୍କ ଝିଅ ପିନ୍ଧିଲେ ନେକଲାଇନ୍ ଗାଉନ...ଭାଇରାଲ ଭିଡିଓରେ ଜୋରଦାର ପ୍ରତିକ୍ରିୟା

ନୂଆଦିଲ୍ଲୀ ୨୮/୧୧ : ଇରାନରେ ଭାଇରାଲ ହେଉଛି ଗୋଟିଏ ବ୍ୟକ୍ତିଗତ ବିବାହର ଭିଡିଓ । ଯାହାକୁ ନେଇ ସାରା ଇରାନରେ ଜୋରଦାର ଚର୍ଚ୍ଚା । କାରଣ ଭାଇରାଲ ଭିଡିଓରେ, ବିବାହରେ ଧନୀ ଓ ସାଧାରଣ ଲୋକଙ୍କ ମଧ୍ୟରେ ସ୍ପଷ୍ଟ ଥିବା ତାରତମ୍ୟକୁ ସ୍ପଷ୍ଟ କରୁଛି । ଇରାନ ଇଣ୍ଟରନ୍ୟାସନାଲ ଇଂରାଜୀ ଅନୁସାରେ, ଭିଡିଓଟି ଇରାନର ସର୍ବୋଚ୍ଚ ନେତା ଅଲି ଖାମେନିଙ୍କ ଘନିଷ୍ଠ ପରାମର୍ଶଦାତା ଅଲି ଶାମଖାନିଙ୍କ ଝିଅ ଫାତେମେହ ଶାମଖାନିଙ୍କ ବିବାହ ।

୨୦୨୪ ମଧ୍ୟଭାଗରେ ହୋଇଥିଲା ବିବାହ । ବିବାହ ତେହେରାନର ବିଳାସପୂର୍ଣ୍ଣ ଏସ୍ପିନାସ୍ ପ୍ୟାଲେସ୍ ହୋଟେଲରେ ହୋଇଥିଲା । ଯେଉଁଠାରେ କନ୍ୟା ଏକ ପାଶ୍ଚାତ୍ୟ ଶୈଳୀର ଗାଉନ୍ ପିନ୍ଧିଥିଲେ । ଫାତେମେହ ଏକ କମ୍-କଟ୍, ଷ୍ଟ୍ରେପ୍ଲେସ୍ ଗାଉନ୍ ଓବଂ ଏକ ଲମ୍ବା ଓଢ଼ଣା ପିନ୍ଧିଥିବା ଦେଖାଯାଇଛି । ସେ ମୁଣ୍ଡ ଘୋଡାଇବାକୁ ଅନ୍ୟ କୌଣସି ଜିନିଷ ବ୍ୟବହାର କରିନଥିଲେ । ଯାହା ସାଧାରଣତଃ ଇରାନରେ ମହିଳାମାନଙ୍କଠାରୁ ଆଶା କରାଯାଏ ।

ବିବାହରେ ଅନେକ ଅତିଥି ମଧ୍ୟ ପାଶ୍ଚାତ୍ୟ ପୋଷାକ ପିନ୍ଧି ଓ ମୁଣ୍ଡ ଘୋଡ଼ାଇ ନଥିବା ଦେଖିବାକୁ ମିଳିଛି । ନୀଳ ପୋଷାକ ପିନ୍ଧିଥିବା ଜଣେ ମହିଳା, ସମ୍ଭବତଃ ଯାହା ଲାଗୁଛନ୍ତି ସେ ତାଙ୍କ ମାଆ । ତେବେ ସେ ମଧ୍ୟ ବିବାହ ମଣ୍ଡପକୁ ଯାଇଛନ୍ତି ତା ପୁଣି ହିଜାବ ବିନା।ତେବେ ଏହି ବହୁ ପ୍ରତିକ୍ଷୀତ ବିବାହ ଭିଡିଓ ଭାଇରାଲ ପରେ ସବୁଠି ତେଜିଛି ବିବାଦ । ଲୋକେ ବି ଜୋରଦାର ପ୍ରତିକ୍ରିୟା ଦେବାରେ ଲାଗିପଡିଛନ୍ତି । କିଛି ଲୋକ କହିଛନ୍ତି ଇରାନ୍ରେ ଜଣେ ନବବଧୂକୁ ଏମିତି ପିନ୍ଧିବା କେତେଦୂର ଯୁକ୍ତିଯୁକ୍ତ ।

A video purportedly showing the wedding of the daughter of Ali Shamkhani, a top advisor to Iran's Supreme Leader, has sparked widespread reactions on social media.
Users are criticizing the Islamic Republic officials’ hypocrisy and double standards, pointing to the lavish nature… pic.twitter.com/Dk5y9Vvgqy

— Iran International English (@IranIntl_En) October 18, 2025

ଆଉ ଜଣେ ୟୁଜର ଲେଖିଛନ୍ତି, "ଏହା ଆଶ୍ଚର୍ଯ୍ୟଜନକ ଯେ ଇରାନରେ, ପାଶ୍ଚାତ୍ୟ ଦେଶମାନଙ୍କ ପାଇଁ ମଧ୍ୟ ଏପରି ପୋଷାକ କିପରି ପିନ୍ଧାଯାଇପାରେ । ଆଉ ଜଣେ କହିଛନ୍ତି "କୌଣସି ଆପତ୍ତି ନାହିଁ, କିନ୍ତୁ ତାଙ୍କୁ ଏପରି ପିନ୍ଧିବାକୁ କିପରି ଅନୁମତି ଦେଲା କିଏ ? ଆଉ ଜଣେ ୟୁଜର କହିଛନ୍ତି ମୁଖ୍ୟ କଥା ହେଉଛି ସେମାନେ ଏପରି କରି ସେ ଜନସାଧାରଣଙ୍କୁ ସମ୍ପୂର୍ଣ୍ଣ ବିମୁଖ କରାଉଛନ୍ତି । ଏହି ସମୟରେ, ଅନ୍ୟମାନେ ଦର୍ଶାଇଲେ ଯେ ମହିଳାମାନଙ୍କୁ ସେମାନଙ୍କ ସ୍ୱାମୀ ଓ ବାପାଙ୍କ ସମ୍ମୁଖରେ ଡ୍ରେସ କୋଡ୍ ପାଳନ କରିବାର ଆବଶ୍ୟକତା ନାହିଁ ।

ଭିଡିଓଟି ଦେଶକୁ ଶାସନ କରୁଥିବା ଲୋକଙ୍କ ଓ ସାଧାରଣ ଜନତାଙ୍କ ମଧ୍ୟରେ ଏକ ସ୍ପଷ୍ଟ ଓ ନୈତିକ ବିଭାଜନକୁ ପ୍ରକାଶ କରେ। ଏହା ବ୍ୟତୀତ, ସୋସିଆଲ ମିଡିଆରେ ଲୋକମାନେ ଏହି ବିଳାସପୂର୍ଣ୍ଣ ବିବାହକୁ ଅନେକ ସମାଲୋଚନା କରିଛନ୍ତି । ଶାମଖାନି ହେଉଛନ୍ତି ସରକାରଙ୍କ ରିଭୋଲ୍ୟୁସନରୀ ଗାର୍ଡର ପୂର୍ବତନ କମାଣ୍ଡର ଓ ଇରାନରେ ଜଣେ ଶକ୍ତିଶାଳୀ ପାଓ୍ୱାର ବ୍ରୋକର । ତାଙ୍କର ଖାମେନିଙ୍କ ସହିତ ସିଧାସଳଖ ସମ୍ପର୍କ ଅଛି । 

​​​​​ସେ ଇରାନର ନୈତିକତା ଆଇନ ବିରୋଧରେ ପ୍ରତିବାଦକୁ ଦମନ କରିବାରେ ମଧ୍ୟ ସାମିଲ ଥିଲେ । ଶାମଖାନି ପରିବାର ଏକ ବଡ଼ ଜାହାଜ ସାମ୍ରାଜ୍ୟକୁ ମଧ୍ୟ ନିୟନ୍ତ୍ରଣ କରନ୍ତି । ତାଙ୍କ ପୁଅ, ହୁସେନ ଶାମଖାନି, ଏକ ତୈଳ ସାମ୍ରାଜ୍ୟ ଚଳାନ୍ତି । ଯାହା ଇରାନ ଓ ରୁଷର ଅଶୋଧିତ ତୈଳ ରପ୍ତାନିର ଏକ ବଡ଼ ଅଂଶ ପାଇଁ ଦାୟୀ।