Jatra Controversy : ଆଜି ହୋଇପାରିବ ତ ଶେଷ ଦେଖା ? କମିଟି ପକ୍ଷରୁ ତୁଳସୀ ମାଲିକ ନାଣ୍ଡୁ ବାବୁ, କଳାକାର ସାଇ ଏବଂ ପାୟଲ ନାଁରେ ଏତଲା

ଭୁବନେଶ୍ବର ୭।୨: କେସ୍ ଦେଇ କେସ୍ ଖାଇଲେ ସାଇ-ପାୟଲ । ଖଣ୍ଡଗିରି ଥାନାର ଏତଲା ଦେଲା ହରେକୃଷ୍ଣ ମହତାବ ସାଂସ୍କୃତିକ ପରିଷଦ । ତୁଳସୀ ଗଣନାଟ୍ୟ ମାଲିକ ନାଣ୍ଡୁ ବାବୁ ଓରଫ ଅନନ୍ତ ନାରାୟଣ ଧଳ ଏବଂ ଅଭିନେତା ସାଇ ସତ୍ୟଜିତ୍, ଅଭିନେତ୍ରୀ ପାୟଲଙ୍କ ନାଁରେ ଏତଲା ଦେଲା କମିଟି । ଶୁକ୍ରବାର ରାତିରେ ନାଣ୍ଡୁ ବାବୁଙ୍କ ନାଁରେ ଏତଲା ହୋଇଥିବା ବେଳେ ଶନିବାର ସାଇ ସତ୍ୟଜିତ୍ ଏବଂ ପାୟଲଙ୍କ ନାଁରେ କେସ୍ କରିଛି କମିଟି ।

ଏ ଖବର ବି ପଢନ୍ତୁ:- ମୋତେ ହାରାସ୍ କରାଯାଉଥିଲା, ବାବୁ ପର୍ସନାଲ୍ କିଛି ନକଲେ ବି ଲୋକ ଲଗାଇ କରାଉଥିଲେ...

ତୁଳସୀ ଗଣନାଟ୍ୟର ଭିତିରିଆ କନ୍ଦଳ ଯୋଗୁଁ ମହତାବ କମିଟି ୩ ଦିନ ହେଲା ପ୍ରବଳ କ୍ଷତି ସହୁଛି । କାରଣ ସାଇ-ପାୟଲ ମଞ୍ଚକୁ ନ ଉଠିବା ଯୋଗୁଁ ଦର୍ଶକ ‘ଏଇ ବୋଧେ ଶେଷ ଦେଖା’ ନାଟକରୁ ମୁହଁ ଫେରେଇ ନେଉଛନ୍ତି ଯାତ୍ରା ଦର୍ଶକ । ତେଣୁ ଟିକେଟ୍ ବିକ୍ରି ବହୁ ମାତ୍ରାରେ କମିଛି । ପ୍ରଚାର ଗାଡ଼ି ମଧ୍ୟ ବୁଲୁନାହିଁ । କିନ୍ତୁ ଯାତ୍ରା ପାର୍ଟି ଓ ଯାତ୍ରା ପେଣ୍ଡାଲ ଭିତରେ ହେଉଥିବା ଚୁକ୍ତି ଅନୁଯାୟୀ ଚୁକ୍ତି ଅର୍ଥ ଦେବାକୁ ପଡ଼ିଥାଏ । ତେଣୁ ଲସ୍ ଲସ୍ ଡବଲ୍ ଲସ୍ ହେବା ପରେ ହରେକୃଷ୍ଣ ମହତାବ ସାଂସ୍କୃତିକ ପରିଷଦ ଖଣ୍ଡଗିରି ଥାନାରେ ଏତଲା ଦେଇଛି । ବିବାଦ ଭିତରେ ବହୁ ବିଳମ୍ବରେ ଟିକେଟ୍ କାଉଣ୍ଟର ଖୋଲିଥିଲା । ଏବେ ପ୍ରଶ୍ନ ଉଠିଛି ଯେ ଆଜିର ଶେଷ ନାଟକ ପ୍ରଦର୍ଶିତ ହେବ ନା ନାହିଁ ?

ଏ ଖବର ବି ପଢନ୍ତୁ:-  ଏଇ ବୋଧେ ଶେଷ ଦେଖା'... ମଞ୍ଚକୁ ଚଢିଲେନି ସାଇ ଓ ପାୟଲ

ଅନ୍ୟପଟେ ନାଟକ ପରିବେଷଣ ବେଳେ ସାପ ଧରି ଷ୍ଟେଜକୁ ଯାଇଥିଲେ ଅଭିନେତା ସାଇ ସତ୍ୟଜିତ୍ । କମିଟି ପକ୍ଷରୁ ସାପ ଧରି ଷ୍ଟେଜକୁ ନଯିବାକୁ ବାରଣ କରାଯାଇଥିଲା । ତେଣୁ କମିଟି ପକ୍ଷରୁ ପାତ୍ରପଡ଼ା ରେଞ୍ଜ ଅଫିସ୍‌ରେ ବି କେସ୍ ରୁଜୁ କରିଛି କମିଟି ।