‘ଅନ୍ୟ ପ୍ରାର୍ଥୀଙ୍କ ଅଭିଜ୍ଞତା ନାହିଁ, ଦୁଇ ଦଳର ପ୍ରାର୍ଥୀ ଆମଦାନୀ’

ନୂଆପଡ଼ା ୨୯।୧୦: ନୂଆପଡ଼ା ଉପନିର୍ବାଚନ ପାଇଁ ଚାଲିଛି ପ୍ରାର୍ଥୀଙ୍କ ମଧ୍ୟରେ ଅଙ୍କକଷା । କିଏ ଜିତିବ ନୂଆପଡ଼ା ବାଜି ? ଚାଲିଛି ପ୍ରାର୍ଥୀଙ୍କ ମଧ୍ୟରେ ପ୍ରତିଯୋଗିତା । ନୂଆପଡ଼ା ଉପନିର୍ବାଚନ ପାଇଁ ବିଜେଡି, ବିଜେପି ଏବଂ କଂଗ୍ରେସ  ତିନି ପ୍ରମୁଖ ରାଜନୈତିକ ଦଳ ପକ୍ଷରୁ ସଜବାଜ ଆରମ୍ଭ ହୋଇସାରିଲାଣି । ମୈଦାନରେ ପ୍ରଚାର ଜୋରଦାର କରିଛନ୍ତି ପ୍ରାର୍ଥୀ । ତେବେ ଏହି ସମୟରେ କଂଗ୍ରେସ ପ୍ରାର୍ଥୀ ଘାସିରାମ ମାଝୀ ନିଜକୁ କିଙ୍ଗ୍ ମେକର୍ ବୋଲି କହିଛନ୍ତି ।

ସେ କହିଛନ୍ତି, ମୁଁ ହେଉଛି ନୂଆପଡ଼ାର କିଙ୍ଗ୍ ମେକର୍ । ମୋର ୪୧ ବର୍ଷର ଅଭିଜ୍ଞତା ରହିଛି । ମୋ ସମୟର ନେତା ରାଜେନ୍ଦ୍ର ଢୋଲକିଆ ଓ ବସନ୍ତ ପଣ୍ଡା । ସେମାନେ ଜିତିଛନ୍ତି । ଅନ୍ୟ ପ୍ରାର୍ଥୀଙ୍କ ଅଭିଜ୍ଞତା ନାହିଁ । ଦୁଇ ଦଳର ପ୍ରାର୍ଥୀ ଆମଦାନୀ । ମୁଁ ଜଣେ ଶିକ୍ଷିତ ପ୍ରାର୍ଥୀ । ମୁଁ ସବୁଠାରୁ ଶ୍ରେଷ୍ଠ ପ୍ରାର୍ଥୀ । ମୁଁ ସବୁ ପରୀକ୍ଷାରେ ତାଙ୍କଠାରୁ ଆଗରେ । କିଙ୍ଗ୍ ମେକର୍‌ର ଅଧିକ ବୁଦ୍ଧି ଥାଏ ।

ସ୍ଵର୍ଗତ ଘାସିରାମ ମାଝୀ ମୋର ଗୁରୁ । ତାଙ୍କ ପୁଅ ଟିକେ ହୁସିଆର ନ ଥିଲେ। ତେଣୁ ସେ ମୋତେ ତାଙ୍କ ଦାୟାଦ କୁହନ୍ତି । ମୁଁ ହିଁ ଅରିଜିନାଲ ଘାସିରାମ । ମୁଁ ରାଜେନ୍ଦ୍ର ଢୋଲକିଆଙ୍କୁ ତିଆରି କରିଥିଲି । ବିହାରରୁ ଆସି ପ୍ରଶାନ୍ତ କିଶୋରଙ୍କ ଟିମ୍ ଆମ ପାଇଁ କାମ କରୁଛି । ଶାସକ ଦଳ ଉପନିର୍ବାଚନ ଜିତେ, ଏହା ଏଥର ଭୁଲ୍ ପ୍ରାମାଣିତ ହେବ ବୋଲି ଘସିରାମ ମାଝୀ କହିଛନ୍ତି ।