ନଭେମ୍ବରରେ ୧୨୩୨ ବିମାନ ଉଡ଼ାଣ ବାତିଲ କରିଛି ଇଣ୍ଡିଗୋ: ଜବାବ ମାଗିଲା ଡିଜିସିଏ

ନୂଆଦିଲ୍ଲୀ: ନଭେମ୍ବର ମାସରେ ଇଣ୍ଡିଗୋ ଏୟାରଲାଇନ୍ସ ୧୨୩୨ ବିମାନ ବାତିଲ ଉଡ଼ାଣ ବାତିଲ କରିଛି ଏବଂ ଉଡ଼ାଣରେ ବିଳମ୍ବ ହୋଇଛି। ବିମାନ କମ୍ପାନୀର ଏଭଳି ପ୍ରଦର୍ଶନ ପାଇଁ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଇଣ୍ଡିଗୋକୁ ପ୍ରଶ୍ନ କରିଛି। ଏଭଳି ପ୍ରଦର୍ଶନ ପାଇଁ ଡିଜିସିଏ ଏୟାରଲାଇନ୍ସର କାର୍ଯ୍ୟଦକ୍ଷତା ନେଇ ତଦନ୍ତ ଆରମ୍ଭ କରିଛି।

ଏନେଇ ଡିଜିସିଏ ପକ୍ଷରୁ ଜାରି ବିବୃତ୍ତିରେ କୁହାଯାଇଛି “ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ ବର୍ତ୍ତମାନ ପରିସ୍ଥିତିର ତଦନ୍ତ କରୁଛି। ଯାତ୍ରୀମାନଙ୍କ ଅସୁବିଧାକୁ କମ କରିବା ପାଇଁ ବାତିଲ ଏବଂ ଉଡ଼ାଣ ବିଳମ୍ବ ସମସ୍ୟାକୁ ହ୍ରାସ କରିବା ପାଇଁ କାମ କରାଯାଉଛି। ଏବଂ ବିମାନ କମ୍ପାନୀ ସହିତ ମିଶି ପଦକ୍ଷେପଗୁଡ଼ିକର ମୂଲ୍ୟାଙ୍କନ କରାଯାଉଛି।”

କର୍ମଚାରୀଙ୍କ ଅଭାବ, ବୈଷୟିକ ସମସ୍ୟା ଏବଂ ବିମାନବନ୍ଦର ଭିଡ଼ ଭଳି ବହୁବିଧ କାରଣ ଯୋଗୁ ତିନୋଟି ବିମାନବନ୍ଦରରେ ୮୫ଟି ଉଡ଼ାଣ ବାତିଲ ହେବା ପରେ ଡିଜିସିଏର ଏଭଳି ପଦକ୍ଷେପ ସାମ୍ନାକୁ ଆସିଛି। ବାତିଲ ତାଲିକାରେ ଦିଲ୍ଲୀ ବିମାନବନ୍ଦରରେ ୩୮ଟି, ମୁମ୍ବାଇ ବିମାନବନ୍ଦରରେ ୩୩ଟି ଏବଂ ଅହମ୍ମଦାବାଦ ବିମାନବନ୍ଦରରେ ୧୪ଟି ଉଡ଼ାଣ ସାମିଲ ଥିଲା।

ଏନେଇ ଇଣ୍ଡିଗୋ ପକ୍ଷରୁ ଜାରି କରାଯାଇଥିବା ଏକ ବିବୃତ୍ତିରେ, ଏୟାରଲାଇନ୍ସର ମୁଖପାତ୍ର କହିଛନ୍ତି ଯେ ଗତ କିଛି ଦିନ ମଧ୍ୟରେ ଟେକ୍ନଲୋଜୀ ସମସ୍ୟା, ବିମାନବନ୍ଦର ଭିଡ଼ ଏବଂ ପରିଚାଳନାଗତ ଆବଶ୍ୟକତା ସମେତ ବିଭିନ୍ନ କାରଣ ଯୋଗୁ ଇଣ୍ଡିଗୋର ଅନେକ "ଅପରିହାର୍ଯ୍ୟ ଉଡ଼ାଣ ବିଳମ୍ବ ଏବଂ କିଛି ବାତିଲ କରାଯାଇଛି।

ସେ ଆହୁର କହିଛନ୍ତି ଯେ ଆମର ଟିମ୍ ଯଥାଶୀଘ୍ର କାର୍ଯ୍ୟ ସ୍ୱାଭାବିକ କରିବା ପାଇଁ ନିଷ୍ଠାର ସହିତ କାର୍ଯ୍ୟ କରୁଛନ୍ତି। ଏହା ବ୍ୟତୀତ, ଆମେ ପ୍ରଭାବିତ ଗ୍ରାହକମାନଙ୍କୁ ବିକଳ୍ପ ବିମାନ ସେବା କିମ୍ବା ପ୍ରଯୁଜ୍ୟ ଅନୁସାରେ ଟଙ୍କା ଫେରସ୍ତ ପ୍ରଦାନ କରୁଛୁ। ଏହି ବାଧା ଯୋଗୁ ଆମର ମୂଲ୍ୟବାନ ଗ୍ରାହକମାନଙ୍କୁ ହୋଇଥିବା ଅସୁବିଧା ପାଇଁ ଆମେ ଦୁଃଖିତ।