ଜାଣନ୍ତୁ ଅଜିତ ପାୱାରଙ୍କ ଦୁଇ ପୁଅ ପାର୍ଥ ଓ ଜୟଙ୍କୁ, ରାଜନୀତି ସହ ସେମାନଙ୍କ ସମ୍ପର୍କ କିପରି?

ମୁମ୍ବାଇ ୨୮।୧: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କର ବୁଧବାର ବିମାନ ଦୁର୍ଘଟଣାରେ ପରଲୋକ ହୋଇଛି। ତାଙ୍କ ପରିବାରରେ ପତ୍ନୀ ସୁନେତ୍ରା ପାୱାର ଓ ତାଙ୍କର ଦୁଇ ପୁଅ ପାର୍ଥ ପାୱାର ଓ ଜୟ ପାୱାର ଅଛନ୍ତି। ଅଜିତ ପାୱାରଙ୍କ ଦୁଇ ପୁଅ ସମୟ ସମୟରେ ଚର୍ଚ୍ଚାକୁ ଆସିଥାନ୍ତି। ହେଲେ ସେମାନେ ଜୀବନରେ ଅଲଗା ଅଲଗା ରାସ୍ତା ଆପଣେଇଛନ୍ତି। ତେବେ ଆସନ୍ତୁ ଜାଣିବା ଅଜିତ ପାୱାରଙ୍କ ଦୁଇ ପୁଅଙ୍କ ସମ୍ପର୍କରେ, ସେମାନେ କରନ୍ତି କ’ଣ ଓ ରାଜନୀତି ସହ ସେମାନଙ୍କ ସମ୍ପର୍କ କିପରି?

ପାର୍ଥ ପାୱାର
ଅଜିତ ପାୱାରଙ୍କ ବଡ଼ ପୁଅ ହେଉଛନ୍ତି ପାର୍ଥ ପାୱାର। ୨୦୧୯ ଲୋକସଭା ନିର୍ବାଚନରେ ମାଭଲ ନିର୍ବାଚନମଣ୍ଡଳିରୁ ନିର୍ବାଚନ ଲଢି ନିଜ ରାଜନୈତିକ କ୍ୟାରିୟରର ସଂକ୍ଷିପ୍ତ ପ୍ରାରମ୍ଭ କରିଥିଲେ। ନିର୍ବାଚନରେ ପ୍ରାର୍ଥୀ ହୋଇ ପାର୍ଥ ବେଶ୍ ଚର୍ଚ୍ଚା ସାଉଁଣ୍ଟି ଥିଲେ ଓ ଏହିଭଳି ଭାବେ ମହାରାଷ୍ଟ୍ରରେ ପାୱାର ପରିବାରକୁ ଏକ ଦୀର୍ଘ ରାଜନୈତିକ ଉତ୍ତରାଧିକାରୀ ମିଳିଥିଲେ। ତେବେ ପାର୍ଥ ଏହି ନିର୍ବାଚନରେ ସୋଚନୀୟ ପରାଜୟ ସମ୍ମୁଖୀନ ହୋଇଥିଲେ। ଏଥି ସହିତ ତାଙ୍କର ରାଜନୈତିକ ଯାତ୍ରା ସମାପ୍ତ ହୋଇଯାଇଥିଲା।

ସେବେଠୁ ପାର୍ଥ ପାୱାର ସକ୍ରିୟ ରାଜନୈତିକ ଭୂମିକାରୁ ନିଜକୁ ଦୂରରେ ରଖିଛନ୍ତି। ସେ ନା ତ କୌଣସି ନିର୍ବାଚିତ ପଦପଦବୀରେ ସାମିଲ ହୋଇଛନ୍ତି ନା କୌଣସି ପାର୍ଟିରେ ଯୋଗ ଦେଇଛନ୍ତି। ତାଙ୍କର ସାର୍ବଜନିକ ଉପସ୍ଥିତି ବହୁତ କମ ଓ ନିର୍ବାଚନ ରାଜନୀତିକୁ ଫେରିବାର କୌଣସି ସଂକେତ ଦେଉଛନ୍ତି। ତେବେ ତାଙ୍କ ନାମ କେବେ କେବେ ସେହି ସବୁ ବ୍ୟବସାୟୀକ ସଂସ୍ଥାଙ୍କ ସହିତ ଚର୍ଚ୍ଚାକୁ ଆସୁଛି ଯେଉଁମାନେ ତଦନ୍ତ ପରିସରରେ ଅଛନ୍ତି। ପାର୍ଥଙ୍କ ବିରୋଧରେ କୌଣସି ବଡ଼ ଅପରାଧିକ ଅଭିଯୋଗ ନାହିଁ ଓ ସେ ତାଙ୍କର ରାଜନୈତିକ ଗତିବିଦ୍ଧିକୁ କମ୍ ରଖିଛନ୍ତି।

ଜୟ ପାୱାର
ଅଜିତ ପାୱାରଙ୍କ ସାନ ପୁଅ ଜୟ ପାୱାର ମଧ୍ୟ ନିର୍ବାଚନୀ ରାଜନୀତିରୁ ଦୂରରେ ଅଛନ୍ତି ଓ ଅପେକ୍ଷାକୃତ ବ୍ୟକ୍ତିଗତ ଜୀବନ ବିତାଉଛନ୍ତି। କୁହାଯାଉଛି ସେ ବ୍ୟବସାୟୀକ ଗତିବିଦ୍ଧି ସହିତ ଜଡିତ ଅଛନ୍ତି ଓ ତାଙ୍କ ସମୟ ମୁମ୍ବାଇ ଏବଂ ବାରାମତୀ ମଧ୍ୟରେ କଟୁଛି। ପାର୍ଥ ପାୱାରଙ୍କ ବିପରୀତ ସେ କେବେ ନିର୍ବାଚନ ଲଢି ନାହାନ୍ତି କି ଔପଚାରିକ ରୂପେ ରାଜନୀତିକୁ ପ୍ରବେଶ କରି ନାହାନ୍ତି। ତେବେ ଜୟ ପାୱାରଙ୍କୁ କେବେ କେବେ ନିର୍ବାଚନ ପ୍ରଚାରରେ ଓ ସାର୍ବଜନିକ କାର୍ଯ୍ୟକ୍ରମରେ ପରିବାର ସଦସ୍ୟଙ୍କୁ ସମର୍ଥନ କରୁଥିବା ଦେଖାଯାଇଛି। ହେଲେ ସେ ଲଗାତାର ରାଜନୈତିକ ଗତିବିଦ୍ଧିରୁ ନିଜକୁ ଦୂରରେ ରଖିଛନ୍ତି।

ଯଦିଓ ବାରାମତୀରେ ପାୱାର ପରିବାରର ମଜଭୁତ ଜନାଧାର କାରଣରୁ ଦୁଇ ଭାଇଙ୍କ ରାଜନୈତିକ ସମ୍ଭାବନାକୁ ନେଇ ଅଙ୍କ କଷା ଯାଏ ହେଲେ ଏ ନେଇ ଏ ପର୍ଯ୍ୟନ୍ତ ଏ ଦିଗରେ ଦୁଇ ଭାଇ କୌଣସି ପଦକ୍ଷେପ ନେଇ ନାହାନ୍ତି କି ଏ ନେଇ କୌଣସି ଘୋଷଣା ହୋଇ ନାହିଁ। ପାର୍ଥ ଓ ଜୟ ପାୱାର ମହାରାଷ୍ଟ୍ରର ସବୁଠୁ ପ୍ରଭାବଶାଳୀ ରାଜନୈତିକ ପରିବାରର ସଦସ୍ୟ। ତାଙ୍କ ପିତା ଅଜିତ ପାୱାର ଅନେକ ଥର ବାରାମତୀରୁ ବିଧାୟକ ନିର୍ବାଚିତ ହୋଇଛନ୍ତି ଓ ରାଜ୍ୟ ରାଜନୀତିରେ ପ୍ରଭାବଶାଳୀ ବ୍ୟକ୍ତି ହୋଇ ରହିଥିଲେ।