ଜାତୀୟ କାର୍ଟିଙ୍ଗ୍ ରେସ, ଇତିହାସ ରଚିଲେ ୯ ବର୍ଷୀୟା ଆର୍ଶୀ

ନୂଆଦିଲ୍ଲୀ, ୧୨|୧୧: ଜାତୀୟ କାର୍ଟିଙ୍ଗ୍ ଚାମ୍ପିଅନସିପରେ ୯ ବର୍ଷୀୟ ଝିଅର ବାଜିମାତ । ଫରିଦାବାଦର ୯ ବର୍ଷୀୟ ଛାତ୍ରୀ ଆର୍ଶୀ ଗୁପ୍ତା ଏହି କୀର୍ତ୍ତିମାନ ପ୍ରତିଷ୍ଠା କରିଛନ୍ତି । ଏହି ଚାମ୍ପିଅନସିପ୍ ଜିତିବାରେ ସେ ପ୍ରଥମ ଭାରତୀୟ ମହିଳା ହୋଇପାରିଛନ୍ତି । ସବୁଠାରୁ ବଡ କଥା ହେଉଛି ଯେ, କୌଣସି ମହିଳାଙ୍କୁ ନୁହେଁ ବରଂ ପୁରୁଷ-ମହିଳା ଭାଗ ନେଉଥିବା ଇଭେଣ୍ଟରେ ସେ ଏହି କାରନାମା କରିଛନ୍ତି ।

ଫରିଦାବାଦ ନିବାସୀ ଆର୍ଶୀ ମାଇକ୍ରୋ ମ୍ୟାକ୍ସ କାଟାଗୋରୀରେ ଟ୍ରଫି ହାତେଇଛନ୍ତି । ଏହାସହ ଇତିହାସ ମଧ୍ୟ ରଚିଛନ୍ତି । ଏହି ମାଇଲଷ୍ଟୋନ୍ ସେ ବାଙ୍ଗାଲୋରରେ ଚାଲିଥିବା ଏଫଏମଏସସିଆଇ ଜାତୀୟ କାର୍ଟିଙ୍ଗ୍ ଚାମ୍ପିଅନସିପରେ ହାସଲ କରିଛନ୍ତି ।

୨୦୧୬ ଅକ୍ଟୋବର ୧୮ରେ ଜନ୍ମ ହୋଇଥିବା ଆର୍ଶୀ ଦିଲ୍ଲୀ ପବ୍ଲିକ ସ୍କୁଲରେ ପାଠ ପଢନ୍ତି । କାର୍ଟିଙ୍ଗ୍ ପ୍ରତିଯୋଗୀତାରେ ସେ ଲଗାତର ଦୁଇ ବର୍ଷ ଧରି ଭାଗ ନେଉଛନ୍ତି । ୨୦୨୪ରୁ ତାଙ୍କର କାର୍ଟିଙ୍ଗ୍ ଯାତ୍ରା ଆରମ୍ଭ ହୋଇଥିଲା । ଚଳିତ ବର୍ଷ ଅଗଷ୍ଟ ମାସରେ ସେ ଅନ୍ତର୍ଜାତୀୟ କାର୍ଟିଙ୍ଗ୍ ଏରିନାରେ ୩ ନମ୍ବର ରାଉଣ୍ଡରେ ବିଜୟ ଲାଭ କରିଥିଲେ । ଏହା ବ୍ୟତୀତ କୋଏମ୍ବାଟୁରରେ ମଧ୍ୟ ବିଜୟ ଲାଭ କରିଥିଲେ ।

ସୀଚନାଯୋଗ୍ୟ, କାର୍ଟିଙ୍ଗ୍ ହେଉଛି ଏକ ମୋଟୋସ୍ପୋର୍ଟସ ରେସ୍ । ଏହା କିନ୍ତୁ ଫର୍ମୁଲା ଓ୍ୱାନ ଭଳି ବଡ କାରରେ ନୁହେଁ ବରଂ ୪ ଚକା ବିଶିଷ୍ଟ ଅପେକ୍ଷାକୃତ ଛୋଟ ଏବଂ ଖୋଲା କାରରେ ରେସ୍ କରାଯାଏ ।