୨୦୨୨ ଖଲଣା ହତ୍ୟାକାଣ୍ଡର ରାୟ ପ୍ରକାଶ, ମୁଖ୍ୟ ଅଭିଯୁକ୍ତକୁ ଆଜୀବନ ଆଜୀବନ କାରାଦଣ୍ଡ

ଆନନ୍ଦପୁର ୨୩।୧୨: ବହୁ ଚର୍ଚ୍ଚିତ ୨୦୨୨ ମସିହା ଖଲଣା ଗାଁ ସୁନନ୍ଦ ସେଠୀ ହତ୍ୟାକାଣ୍ଡର ରାୟ ପ୍ରକାଶ ପାଇଛି । ଅଭିଯୁକ୍ତ ଅକ୍ଷୟ ଘୋଷକୁ ଆଜୀବନ କାରାଦଣ୍ଡ । ଅଭିଯୁକ୍ତକୁ ଦଣ୍ଡିତ କରିଛନ୍ତି ଆନନ୍ଦପୁର ଅତିରିକ୍ତ ଜିଲ୍ଲା ଓ ଦୌରା ଜଜ୍ କୋର୍ଟ ।

ସୂଚନାଯୋଗ୍ୟ ଯେ, ପୂର୍ବ ଶତ୍ରୁତାକୁ କେନ୍ଦ୍ରକରି ୨୦୨୨ ମସିହା ଜୁଲାଇ ମାସ ୧୪ ତାରିଖରେ ଘଟିଥିବା ଏଭଳି ହତ୍ୟାକାଣ୍ଡ । ଏହି ହତ୍ୟା ଘଟଣାରେ ମୋଟ୍ ୮ଜଣଙ୍କ ନାମରେ ମାମଲା ରୁଜୁ ହୋଇଥିଲା । ତଥ୍ୟ ପ୍ରମାଣ ଅଭାବରୁ ଅନ୍ୟମାନଙ୍କୁ ନିର୍ଦ୍ଦୋଷରେ ଖଲାସ କରିଛନ୍ତି କୋର୍ଟ । ତେବେ ଆଜିର ରାୟକୁ ସମ୍ମାନ ଦେବା ସହ ପୋଲିସଙ୍କ ଅସହଯୋଗ ଯୋଗୁଁ ଅନ୍ୟମାନ ଖସିଯାଇଥିବା ଅଭିଯୋଗ କରିଛନ୍ତି ମୃତକଙ୍କ ଭାଇ ମନ୍ମଥ ସେଠୀ । ଆଗକୁ ଏନେଇ ସେ ଉଚ୍ଚ ନ୍ୟାୟାଳୟର ଦ୍ବାରସ୍ଥ ହେବେ କହିଛନ୍ତି ।