ଦିପୁଙ୍କ ହତ୍ୟା ଥିଲା ଭୟଙ୍କର, ମାଡ ମାରି ଘୋଷାରି ନେଉଥିଲେ ରାକ୍ଷାସମାନେ : ପ୍ରତ୍ୟକ୍ଷଦର୍ଶୀ କହିଲେ ଛାତିଥରା କାହାଣୀ

ନୂଆଦିଲ୍ଲୀ, ୨୮/୧୨: ଜଳୁଛି ବାଂଲାଦେଶ । ସବୁଠୁ ଅଧିକ ପ୍ରଭାବିତ ହେଉଛନ୍ତି ସେଠାରେ ରହୁଥିବା ହିନ୍ଦୁ । ହିନ୍ଦୁମାନଙ୍କ ଘର ଜାଣି ଦିଆଯାଉଛି । ହତ୍ୟା କରାଯାଉଛି । ଦିପୁ ଚନ୍ଦ୍ର ଦାସଙ୍କ ହତ୍ୟା ପରେ ସେଠାରେ ସଂଖ୍ୟାଲଘୁମାନେ ଭୟଭୀତ ଅବସ୍ଥାରେ ଅଛନ୍ତି । ବିଚ୍ ରାସ୍ତାରେ ଭୀଡ ହିଂସାର ଶିକାର ହୋଇଥିଲେ ହିନ୍ଦୁ । ନେହୁରା ହୋଇଥିଲେ ବି ତାଙ୍କୁ ଛାଡିନଥିଲେ ହିଂସାକାରୀ । ଶେଷରେ ତାଙ୍କୁ ସେମାନେ ଗଛରେ ବାନ୍ଧି ପିଟିପିଟି ମାରିଦେଇଥିଲେ । ତେବେ ତାଙ୍କର ମୃତ୍ୟୁ କେତେ ଭୟଙ୍କର ଥିଲା ତାହା ବର୍ଣ୍ଣନା କରିଛନ୍ତି କିଛି ପ୍ରତ୍ୟକ୍ଷଦର୍ଶୀ ।

ପ୍ରତ୍ୟାକ୍ଷଦର୍ଶୀଙ୍କ କହିବାନୁସାରେ, ଦିପୁ ଖାଲି ହିନ୍ଦୁ ନଥିଲେ ବୋଲି ହତ୍ୟା ହୋଇନି । ତାଙ୍କ ସଫଳତାକୁ ସେଠାରେ ଅନେ ସହିପାରୁ ନଥିଲେ । ସଫଳତା ଦେଖି କିଛି ମୁସଲିମ କର୍ମଚାରୀ ଇର୍ଷାନ୍ୱିତ ହେଉଥିଲେ । ତେଣୁ ସେମାନେ ଗୁଜବ ସୃଷ୍ଟି କରିଥିଲେ । ଯାହାର ପରିଣାମ ଦିପୁଙ୍କୁ ଭୋଗିବାକୁ ପଡିଲା ।

ସେ ଆହୁରି କହିଛନ୍ତି ଯେ, ଦିପୁଙ୍କୁ ପ୍ରଥମେ ଏଚଆର ଅଫିସକୁ ଡକାଯାଇଥିଲା । ସେଠାରେ ତାଙ୍କୁ ଚାକିରି ଛାଡିବାକୁ ଚାପ ପଡିଥିଲା । ଫାକ୍ଟ୍ରି ବାହାରେ ଅନ୍ୟ କିଛି କର୍ମଚାରୀ ଥିଲେ । ଚାକିରି ଛାଡିବା ପରେ ଦିପୁଙ୍କୁ ଅନ୍ୟ କର୍ମଚାରୀ ନେଇ ଆସିଥିଲେ। ଏହାର କିଛି ମିନିଟ ପରେ ଅନ୍ୟ କର୍ମଚାରୀ ଦିପୁଙ୍କୁ ଧରି ବାହାରେ ଥିବା ଉତ୍ୟକ୍ତ ଲୋକଙ୍କ ପାଖକୁ ଠେଲିଦେଇଥିଲେ ।

ବାହାରେ ଅପେକ୍ଷା କରିଥିବା ଅନେକ ହିଂସାକାରୀ ଦିପୁଙ୍କୁ ପାଇବା ପରେ ପ୍ରବଳ ମାଡ ମାରିଥିଲେ । ଠେଙ୍ଗାରେ ତାଙ୍କୁ ମାଡ ମରାଯାଇଥିଲା । ତାଙ୍କ ଶରୀରକୁ ପ୍ରବଳ ରକ୍ତ ବାହାରୁଥିଲା । ଫାକ୍ଟ୍ରିର ଗେଟ୍ ସାମ୍ନାରେ ଏତେ ସବୁ ଘଟି ଚାଲିଥିଲା । ଏତିକିରେ ଦଙ୍ଗାକାରୀ ଅଟକି ନଥିଲେ । ସେମାନେ ରାକ୍ଷାସଙ୍କ ଭଳି ଦୀପଙ୍କୁ ଶରୀରକୁ ୧ କିମି ଯାଏଁ ଘୋଷାରି ନେଇଥିଲେ । ମାଡ ମାରୁଥିବା ସମସ୍ତେ ମୁସଲିମ ଥିଲେ । ସେଠାରେ ଦିପୁଙ୍କ କିଛି ବନ୍ଧୁ ଥିଲେ ବି ନିରବ ରହିବାକୁ ବାଧ୍ୟ ହୋଇଥିଲେ । ମାଡ ମାରିବା ସମୟରେ ଆକ୍ରମଣକାରୀ ରାକ୍ଷାସ ଭଳି ବ୍ୟବହାର କରୁଥିଲେ ।

ସୂଚନାଯୋଗ୍ୟ, ଦୀପୁଙ୍କ ଘଟଣା ପରେ ଅନେକ ଦେଶ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ । ଭାରତ ମଧ୍ୟ ଘଟଣାକୁ ନିନ୍ଦା କରି ୟୁନୁସ ସରକାରଙ୍କୁ ଟାର୍ଗେଟ୍ କରିଥିଲା । ସ୍ଥାନୀୟ କିଛି ହିନ୍ଦୁ ମଧ୍ୟ ୟୁନୁସ ସରକାରଙ୍କ ଉପରେ ପୁରା ଅସନ୍ତୁଷ୍ଟ ଅଛନ୍ତି । ସେମାନେ ଆଓ୍ୱାମି ଲିଗର ସମର୍ଥକ ନୁହେଁ ବରଂ ହିନ୍ଦୁ ବୋଲି ଆକ୍ରମଣ ହେଉଛି । ହିନ୍ଦୁଙ୍କୁ ବାଂଲାଦେଶରେ ବଞ୍ଚିବାକୁ ଦିଆଯାଉ ନାହିଁ ବୋଲି ସେମାନେ କହିଛନ୍ତି ।