ଆଉ ହେବନି ବାଲି ଘାଟ ନିଲାମ, ନିର୍ଦ୍ଧାରିତ ଦରଠାରୁ ଅଧିକ ଟଙ୍କାରେ ବାଲି ବିକ୍ରି କଲେ କାର୍ଯ୍ୟାନୁଷ୍ଠାନ : ମନ୍ତ୍ରୀ ସୂରେଶ ପୂଜାରୀ

ଭୁବନେଶ୍ୱର : ରାଜ୍ୟରେ ଆଉ ହେବନି ବାଲିଘାଟ ନିଲାମ, ସୂଚନା ଦେଲେ ରାଜସ୍ବମନ୍ତ୍ରୀ ସୁରେଶ ପୂଜାରୀ। ଆଗକୁ ବାଲିର ଏମଏସପି ନିର୍ଦ୍ଧାରଣ କଲା ପରେ ବାଲିଘାଟ ନିଲାମ୍ ବନ୍ଦ କରାଯିବ। ନିର୍ଦ୍ଧାରିତ ଦରଠାରୁ ଅଧିକ ଟଙ୍କାରେ ବାଲି ବିକ୍ରି କଲେ କାର୍ଯ୍ୟାନୁଷ୍ଠାନ ହେବ ବୋଲି କହିଛନ୍ତି ରାଜସ୍ବମନ୍ତ୍ରୀ ସୂରେଶ ପୂଜାରୀ । ଏପରିକି ଗୃହ ଯୋଜନାରେ ଘର ତିଆରି ପାଇଁ ମାଗଣାରେ ବାଲି ଯୋଗାଇ ଦେବା ସହ ହିତାଧିକାରୀଙ୍କୁ ଏମଏସପି ଛାଡ୍ କରାଯିବ ।

ବର୍ତ୍ତମାନ ପରିପ୍ରେକ୍ଷୀରେ ବାଲିଘାଟ ଠିକାରେ ନେଉଥିବା ବ୍ୟକ୍ତି ଅଧିକ ଟଙ୍କାରେ ଠିକା ନେଉଥିବାରୁ ବାଲି ମଧ୍ୟ ଅଧିକ ଟଙ୍କାରେ ବିକ୍ରି କରୁଛନ୍ତି। ଫଳରେ ଏଥିରେ ମଧ୍ୟ ରୋକ୍ ଲାଗିବ। ଏହାସହ ଚୋରାଚାଲାଣ ରୋକିବା ପାଇଁ ଜଙ୍ଗଲ ବିଭାଗଠାରୁ ଆରମ୍ଭ କରି ଅତିରିକ୍ତ ତହସଲିଦାର, ଏବଂ ଉର୍ଦ୍ଧ୍ବ ରାଙ୍କ ଅଧିକାରୀଙ୍କୁ ଏହି ଦାୟିତ୍ୱ ଦିଆଯାଇଛି ବୋଲି ମନ୍ତ୍ରୀ ସୁରେଶ ପୂଜାରୀ କହିଛନ୍ତି ।