ଫେଣ୍ଟାନିଲ୍ ବୋମାଠୁ ବି ମାରାତ୍ମକ, ନିଶାକୁ ଅତି ଘାତକ ଅସ୍ତ୍ର କହିଲେ ଡୋନାଲ୍ଡ ଟ୍ରମ୍ପ୍

ନୂଆଦିଲ୍ଲୀ, ୧୬/୧୨:ଫେଣ୍ଟାନିଲ୍ ଖୁବ୍ ମାରାତ୍ମକ । ଏହା ବୋମାଠୁ ବି ଭୟଙ୍କର । ଯାହା ଶହଶହ ଜୀବନ ନେବାରେ କ୍ଷମତା ରଖିଥିବା କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ତାଙ୍କ ସରକାର ଦେଶରେ ନିଶା କାରବାର ରୋକିବାକୁ ପ୍ରୟାସ କରୁଛନ୍ତି । ଏହାକୁ ନ ରୋକାଗଲେ ଜାତୀୟ ସୁରକ୍ଷା ପ୍ରତି ବିପଦ ସୃଷ୍ଟି ହେବ ବୋଲି ୟୁଏସ ପ୍ରେସିଡେଣ୍ଟ୍ କହିଛନ୍ତି ।

ଟ୍ରମ୍ପ୍ କହିଛନ୍ତି ଯେ, ଫେଣ୍ଟାନିଲ୍ ବୋମାଠାରୁ ମଧ୍ୟ ଅଧିକ ମାରାତ୍ମକ । ଏହାକୁ ନିଶା ଭାବେ ଅନେକ ବ୍ୟବହାର କରିଥାନ୍ତି । ବୋମା ଯାହା କରିପାରିବନି ତାହା ଫେଣ୍ଚାନିଲ୍ କରିପାରେ । ଏହା ଦ୍ୱାରା ବର୍ଷକୁ୨ରୁ୩ଲକ୍ଷ ଲୋକ ପ୍ରାଣ ହରାଉଛନ୍ତି ।

ତେବେ ଆମେରିକା ସରକାର ଫେଣ୍ଟାନିଲକୁ ଅତି ମାରାତ୍ମକ ତାଲିକାରେ ସାମିଲ କରିଛନ୍ତି । ଏହାର ଉତ୍ପାଦନ ଏବଂ ବିତରଣ ୟୁଏସର ଜାତୀୟ ସୁରକ୍ଷା ପାଇଁ ବିପଦ ଅଟେ । ଦେଶର ସୀମାରେ ଅପ୍ରୀତିକର ପରିସ୍ଥିତି ସୃଷ୍ଟି ପାଇଁ ଏହାକୁ ବ୍ୟବହାର କରାଯାଇପାରିବ । ଏପରିକି କେମିକାଲ ଓ୍ୱିପନ୍ ବା ରସାୟନିକ ଅସ୍ତ୍ର ଭାବେ କେହି କେହି ଫେଣ୍ଟାନିଲକୁ ବ୍ୟବହାର କରିପାରନ୍ତି ।

ସତରେ କଣ ବୋମାଠୁ ଭୟଙ୍କର ଫେଣ୍ଟାନିଲ୍

ତଥ୍ୟ ଅନୁସାରେ, ଟ୍ରମ୍ପ ଯାହା କହିଛନ୍ତି ତାହା ସମ୍ପୂର୍ଣ୍ଣ ଠିକ୍ ନୁହେଁ । ୟୁଏସ ସେଣ୍ଟର୍ ଅଫ୍ ଡିଜିଜ କହିଛି ଯେ,୨୦୨୪ରେ ନିଶା ସେବନ ଦ୍ୱାରା୮୦ହଜାର ଜଣ ପ୍ରାଣ ହରାଇଛନ୍ତି । ଏହାମଧ୍ୟରୁ ୪୮ହଜାର କେବଳ ଫେଣ୍ଟାନିଲ୍ ସେବନ ଦ୍ୱାରା ଜୀବନ ହାରିଛନ୍ତି ।

ଆମେରିକାର ଆକ୍ସନ୍

ଗତ ସେପ୍ଟେମ୍ବରରୁ ଆମେରିକା ସରକାର ନିଶା କାରବାର ରୋକିବାକୁ ଜୋରଦାର ଅଭିଯାନ ଆରମ୍ଭ କରିଛନ୍ତି। କାରବିୟାନ ସାଗରରେ୨୦ଟି ଜାହାଜ ଉପରେ ୟୁଏସ ସେନା ଏୟାରଷ୍ଚ୍ରାଇକ୍ କରି ୯୦ଜଣ ସନ୍ଦିଗ୍ଧ ନିଶା କାରବାରୀଙ୍କୁ ନିପାତ କରିଛି । ଯାହା୨୫ହଜାର ଆମେରିକୀୟଙ୍କ ଜୀବନ ରକ୍ଷା କରିଥିବା ଟ୍ରମ୍ପ୍ କହିଛନ୍ତି ।

ପେନ୍ କିଲର ଭାବେ ବ୍ୟବହାର

ଫେଣ୍ଟାନିଲକୁ ପେନ୍ କିଲର ଭାବେ ବ୍ୟବହାର କରାଯାଏ । ଏହା କଷ୍ଟକୁ ପ୍ରଶମିତ କରିପାରେ । କିନ୍ତୁ ଅତ୍ୟଧିକ ବ୍ୟବହାର ନିଶା ରୂପେ କାମ କରିଥାଏ ।