ସେନା ବିଷୟରେ ଅଧିକ ଚିନ୍ତା କର ନାହିଁ : ମହମ୍ମଦ ୟୁନୁସଙ୍କୁ ଖାଲିଦା ଜିୟାଙ୍କ ପରାମର୍ଶ

ନୂଆଦିଲ୍ଲୀ – ବାଂଲାଦେଶ ନ୍ୟାସନାଲିଷ୍ଟ ପାର୍ଟି (ବିଏନପି) ମହମ୍ମଦ ୟୁନୁସଙ୍କ ଅନ୍ତରୀଣ ସରକାରକୁ ସେନା ସହ କୌଣସି ବି ପ୍ରକାରର ଉତ୍ତେଜନା ଠାରୁ ଦୂରେଇ ରହିବାକୁ ଚେତାବନୀ ଦେଇଛନ୍ତି। ପୂର୍ବତନ ପ୍ରଧାନମନ୍ତ୍ରୀ ଖାଲିଦା ଜିୟାଙ୍କ ପାର୍ଟି ସେନା ଅଧିକାରୀଙ୍କ ବିରୋଧରେ ନାଗରିକ ଟ୍ରିବ୍ୟୁନାଲରେ ଚାଲିଥିବା ଆଇନଗତ କାର୍ଯ୍ୟାନୁଷ୍ଠାନ ଉପରେ ଏହି ଟିପ୍ପଣୀ କରିଛନ୍ତି। ଏହି ମୋକଦମା ଅନ୍ତରୀଣ ସରକାର ଓ ସେନା ମଧ୍ୟରେ ମତଭେଦ ବୃଦ୍ଧିର କାରଣ ପାଲଟିଛି। ପାର୍ଟି ଅନୁସାରେ ୟୁନୁସ ସରକାରଙ୍କୁ ସଶସ୍ତ୍ର ବାହିନୀଙ୍କ ସହ ଦୃଢ ଓ ସକାରାତ୍ମକ ସଂପର୍କ ବଜାୟ ରଖିବା ବହୁତ ଜରୁରୀ।

ଏହି ଚେତାବନୀ ଢାକାରେ ୟୁନୁସଙ୍କ ଦ୍ୱାରା ରାଜନୀତିକ ଦଳଙ୍କ ସହ ଡକାଯାଇ ଥିବା ଏକ ଜରୁରୀକାଳୀ ବୈଠକ ବେଳେ ଦିଆ ଯାଇଛି। ବୈଠକର ଉଦ୍ଦେଶ୍ୟ ସେନା କର୍ମୀଙ୍କ ଉପରେ ମୋକଦମା ଚଲାଇବାକୁ ସରକାରଙ୍କ ନିଷ୍ପତ୍ତିକୁ ନେଇ ହେଉଥିବା ଚାପ ଓ ବିବାଦର ସମାଧାନ କରିବାକୁ ଥିଲା। ବିଏନପି କହିଛନ୍ତି ଯେ, ଦେଶକୁ ସନ୍ତୁଳିତ ଅବସ୍ଥାରେ ରହିବା ଜରୁରୀ। ଆମକୁ କୌଣସି ରିସ୍କ ନେବା ଉଚିତ୍‌ ନୁହେଁ, କାରଣ ଆମେ ଏହାର ବୋଝ ଉଠାଇ ପାରିବା ନାହିଁ। ଏହାସହ ପାର୍ଟି ଆସନ୍ତା ବର୍ଷ ଫେବ୍ରୁଆରୀରେ ପ୍ରସ୍ତାବିତ ସାଧାରଣ ନିର୍ବାଚନ ପୂର୍ବରୁ ଏକତା ଓ ସ୍ଥିରତା ଜାରି ରଖିବାର ଆବଶ୍ୟକତା ଉପରେ ଜୋର ଦେଇଛି।

ଉଲ୍ଲେଖନୀୟ ଯେ, ଗତ ସପ୍ତାହରେ ବାଂଲାଦେଶର ଅନ୍ତରାଷ୍ଟ୍ରୀୟ ଅପରାଧ ନ୍ୟାୟାଧିକରଣ (ଆଇସିଟି-ବିଡି) ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ସମେତ ୧୬ ଜଣ ସକ୍ରିୟ ସେନା ଅଧିକାରୀ ଓ ଆଉ ୧୪ ଜଣ ଲୋକଙ୍କ ବିରୋଧରେ ଗିରଫଦାରୀ ୱାରେଣ୍ଟ ଜାରି କରିଛନ୍ତି। ଏହା ଉପରେ ପୂର୍ବ ଶାସନକାଳରେ ରାଜନୀତିକ ବିରୋଧୀଙ୍କୁ  ବଳପୂର୍ବକ ନିଖୋଜ, ଅପହରଣ କରିବା ଓ ନିର୍ଯାତନା ଦେବାର ଅଭିଯୋଗ ଲଗାଯାଇଛି। ୱାରେଣ୍ଟ ଜାରି ହେବା ପରେ ସେନା ସୂଚନା ଦେଇଛି ଯେ, ୧୬ରୁ ୧୫ ଜଣ ଅଧିକାରୀ ସେନା ହେପାଜତରେ ଅଛନ୍ତି , ଅନ୍ୟପଟେ ଜଣେ ମେଜର ଜନେରୋଲ ଫେରାର ହୋଇଯାଇଛନ୍ତି।

ସେନାର କହିବା ହେଲା କି, ସେମାନଙ୍କୁ ୱାରେଣ୍ଟର ଅଫିସିଆଲି କପି ମିଳି ନାହିଁ , ଯେଉଁଥିରେ ଏହି ପ୍ରଶ୍ନ ଉଠୁଛି ଯେ, ଏହି ଅଧିକାରୀଙ୍କୁ ଉପରେ କଣ ନାଗରିକ କୋର୍ଟରେ ମୋକଦମା ଚାଲିବ ବା ସେନା କୋର୍ଟ ମାର୍ଶଲ ଅନୁସାରେ ଚାଲିବ। ଏହାପରେ ସରକାର ଢାକା କ୍ୟାଣ୍ଟନମେଣ୍ଟ ଭିତରେ ଏକ ବିଲ୍ଡିଂକୁ ଅସ୍ଥାୟୀ ଜେଲ୍‌ ଭାବେ ଘୋଷିତ କରିଛନ୍ତି , ଯେଉଁଥିରେ ଲୋକଙ୍କ ଅସନ୍ତୋଷ ଆହୁରି ତୀବ୍ର ହୋଇଯାଇଛି।

କହି ରଖୁଛୁ କି , ଏହି ବୈଠକ ଜୁଲାଇ ଚାର୍ଟରକୁ ନେଇ ରାଜନୀତିକ ଦଳ ଗୁଡ଼ିକ ମଧ୍ୟରେ ଉତ୍ପନ୍ନ ମତଭେଦର କାରଣରୁ ଆୟୋଜିତ କରାଯାଇ ଥିଲା। ଏହି ଚାର୍ଟର ୟୁନୁସ ସରକାରଙ୍କ ଦ୍ୱାରା ଜାରି ଏକ କାଗଜପତ୍ର, ଯେଉଁଥିରେ ବିଭିନ୍ନ ଅଞ୍ଚଳରେ ସୁଧାର ଗୁଡ଼ିକର ରୂପରେଖ ପ୍ରସ୍ତୁତ କରାଯାଇଛି। ବୈଠକରେ  ଜମାତ-ଏ-ଇସଲାମୀ, ଛାତ୍ର-ନେତୃତ୍ୱର ନ୍ୟାସନାଲ ସିଟିଜନ ପାର୍ଟି (ଏନସିପି) ଏବଂ ବାଂଲାଦେଶ କମ୍ୟୁନିଷ୍ଟ ପାର୍ଟି (ସିପିବି)ଭଳି ଅନେକ ରାଜନୈତିକ ସଙ୍ଗଠନ ଗୁଡ଼ିକ ଭାଗ ନେଇଥିଲେ।