‘ଅପରେସନ ସିନ୍ଦୂର ଉପରେ ନିଜ ବୟାନ ପାଇଁ କ୍ଷମା ମାଗିବି ନାହିଁ’, ଥରୁର କହିଲେ-ପାର୍ଟି ଅଭିମୁଖ୍ୟ ଛାଡ଼ିନି

ନୂଆଦିଲ୍ଲୀ: କଂଗ୍ରେସ ଏବଂ ସାଂସଦ ଶଶି ଥରୁରଙ୍କ ମଧ୍ୟରେ ମତଭେଦ ଜଳ ଜଳ ହୋଇ ଦେଖାଯାଉଛି । ଏହାରି ଭିତରେ କଂଗ୍ରେସ ସାଂସଦ ଶଶି ଥରୁର ଶନିବାର କହିଛନ୍ତି ଯେ ସଂସଦରେ କେବେ ବି ପାର୍ଟିର ଆଭିମୁଖ୍ୟକୁ ଉଲ୍ଲଂଘନ କରି ନାହିଁ । ସେ ଜୋର ଦେଇ କହିଛନ୍ତି ଯେ ନୀତିଗତ ଭାବେ ସେ ଏକମାତ୍ର ସାର୍ବଜନୀନ ଅସହମତି ଅପରେସନ ସିନ୍ଦୂରକୁ ନେଇ ଥିଲା । ଥରୁର କେରଳ ଲିଟରେଚର ଫେଷ୍ଟିଭାଲରେ ଆୟୋଜିତ ଏକ ଅଧିବେଶନରେ ପ୍ରଶ୍ନର ଜବାବରେ ଏହା କହିଛନ୍ତି । ସେ କହିଛନ୍ତି, ଏହି ପ୍ରସଙ୍ଗରେ ସେ କଠୋର ଅଭିମୁଖ୍ୟ ଗ୍ରହଣ କରିଥିଲେ ଓ ଏବେବି ବିନା କୌଣସି ପ୍ରଶ୍ଚ୍ୟାତାପରେ ଏହି ଅଭିମୁଖ୍ୟରେ ସ୍ଥିର ରହିଛନ୍ତି ।

କଂଗ୍ରେସ ସାଂସଦଙ୍କ ଏହି ବୟାନ ଏପରି ସମୟରେ ଅଛି, ଯେତେବେଳେ ପାର୍ଟି ଶୀର୍ଷ ନେତୃତ୍ୱଙ୍କ ସହ ତାଙ୍କ ମତଭେଦକୁ ନେଇ ଅନେକ ଚର୍ଚ୍ଚା କରାଯାଉଛି । ନିକଟରେ କୋଚିରେ ହୋଇଥିବା ଏକ କାର୍ଯ୍ୟକ୍ରମରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ପକ୍ଷରୁ ତାଙ୍କୁ ପର୍ଯ୍ୟାପ୍ତ ଗୁରୁତ୍ୱ ନଦିଆଯିବା କାରଣରୁ ସେ ସ୍ଥାନୀୟ ନେତୃତ୍ୱଙ୍କ ଉପରେ ଅସନ୍ତୋଷ ଅଛନ୍ତି ।

ଶଶି ଥରୁର କହିଛନ୍ତି, ଜଣେ ପର୍ଯ୍ୟବେକ୍ଷକ ଓ ଲେଖକ ବାବେ ସେ ପହଲଗାମ ଘଟଣା ପରେ ଖବରକାଗଜରେ ଆଲେଖ୍ୟ ଲେଖିଥିଲେ । ସେ ଆଲେଖ୍ୟରେ କହିଥିଲେ ଯେ ବିନା ଦଣ୍ଡରେ ଏହି ମାମଲାକୁ ଛଡ଼ାଯିବା ଠିକ ନୁହେଁ ଏବଂ କଠୋର କାର୍ଯ୍ୟାନୁଷ୍ଠାନ ହେବା ଦରକାର ।

ପାକିସ୍ତାନ ଉପରେ ସୈନ୍ୟ କାର୍ଯ୍ୟାନୁଷ୍ଠାନକୁ ନେଇ କଣ କହିଲେ ?

ଶଶି ଥରୁର କହିଛନ୍ତି, ଭାରତର ମୁଖ୍ୟ ଫୋକସ୍ ବିକାଶ ଉପରେ ଅଛି ଓ ପାକିସ୍ତାନ ସହ ଦୀର୍ଘ ସମୟ ଯାଏ ସଂଘର୍ଷରେ ନଫସିବା ଦରକାର । ଯଦି କୌଣସି ପଲଟା କାର୍ଯ୍ୟାନୁଷ୍ଠାନ କରାଯିବ, ତେବେ କେବଳ ଆତଙ୍କବାଦୀ ଠିକଣା ଯାଏ ସୀମିତ ରହିବା ଦରକାର । ଥରୁରଙ୍କ ଅନୁସାରେ, ତାଙ୍କ ସୁପାରିଶ ଅନୁସାରେ ଭାରତ ସରକାର ପଦକ୍ଷେପ ନେଇଥିବାରୁ ସେ ମଧ୍ୟ ଆଶ୍ଚର୍ଯ୍ୟ ହୋଇଥିଲେ ।

ସେ କହିଛନ୍ତି ଯେ ଜବାହରଲାଲ ନେହରୁ ସେହି ପ୍ରସିଦ୍ଧ ପ୍ରଶ୍ନ ଉଠାଇଥିଲେ-ଯଦି ଭାରତ ମରିଯିବ, ତେବେ କିଏ ବଞ୍ଚିବ ? ଥରୁର କହିଛନ୍ତି, ଯେବେ ଭାରତର ସମ୍ମାନ ବାଜିରେ ଲାଗିଥିବ, ଯେବେ ଭାରତର ସୁରକ୍ଷା ଓ ଦୁନିଆରେ ତାହା ଉପରେ ପ୍ରଶ୍ନ ଉଠାଯିବ, ସେତେବେଳେ ଭାରତ ସର୍ବପ୍ରଥମେ ଆସେ । ସେ ଏହା ମଧ୍ୟ କହିଛନ୍ତି ଯେ ବିକଶିତ ଭାରତର ନିର୍ମାଣର ପ୍ରକ୍ରିୟାରେ ରାଜନୀତିକ ଦଳ ମଧ୍ୟରେ ମତଭେଦ ରହିପାରେ, କିନ୍ତୁ ଯେତେବେଳେ ରାଷ୍ଟ୍ରୀୟ ହିତ କଥା ଆସେ, ସେତେବେଳେ ଭାରତକୁ ସର୍ବାଗ୍ରେ ରଖାଯିବା ଦରକାର ।