AI ଦୁନିଆରେ ବଡ଼ ହଇଚଇ, OpenAIର ମାର୍କେଟ୍ ଭାଲ୍ୟୁ ହେଲା ୪୨ ଲକ୍ଷ କୋଟି ଟଙ୍କା, ମାଇକ୍ରୋସଫ୍ଟ ସହ ନୂଆ ଡିଲ୍

ନୂଆଦିଲ୍ଲୀ: ମାଇକ୍ରୋସଫ୍ଟ ଏବଂ ଓପନ୍ଏଆଇ ମଧ୍ୟରେ ଏକ ବଡ଼ ବୁଝାମଣା ହୋଇଛି । ଏହି ଡିଲ୍ ସହ OpenAIର ଭେଲ୍ୟୁଏସନ ପ୍ରାୟ ୫୦୦ ବିଲିୟନ ଡଲାର (ପ୍ରାୟ ୪୨ ଲକ୍ଷ କୋଟି ଟଙ୍କା) ହୋଇଯାଇଛି । ଏହି ଚୁକ୍ତି OpenAIକୁ ନିଜର କମ୍ପାନିକୁ ପୁନର୍ଗଠିତ କରିବାକୁ ଏବଂ ଅଧିକ ଅଭିବୃଦ୍ଧି ପାଇଁ ଫଣ୍ଡିଂ ସଂଗ୍ରହ କରିବାକୁ ଅନୁମତି ଦେବ । ଉଲ୍ଲେଖଯୋଗ୍ୟ, ୨୦୧୯ରେ ଓପନଏଆଇ ଏବଂ ମାଇକ୍ରୋସଫ୍ଟ ମଧ୍ୟରେ ଏକ ଚୁକ୍ତି କରିଥିଲେ । ଏହି ଚୁକ୍ତିର ମୁଖ୍ୟ କଥା ଥିଲା ଯେ ମାଇକ୍ରୋସଫ୍ଟ, OpenAIକୁ ଏହାର କ୍ଲାଉଡ୍ ସେବା ଯୋଗାଇବ, ଯାହା OpenAIର ହାତ ବାନ୍ଧି ଦେଇଥିଲା ଏବଂ ଅଧିକ ପୁଞ୍ଜି ସଂଗ୍ରହ କରିବାରେ ବାଧକ ଥିଲା ।

ଚାଟଜିପିଟିର ଲୋକପ୍ରିୟତା ବୃଦ୍ଧି ପାଇବା ସହିତ ଏବଂ ଏହାର ଉପଭୋକ୍ତା ସଂଖ୍ୟା ଲକ୍ଷ ଲକ୍ଷରେ ପହଞ୍ଚିଛି । ଏହି କାରଣରୁ କମ୍ପାନିର ପାଣ୍ଠି ଏବଂ କ୍ଲାଉଡ୍ ଆବଶ୍ୟକତା ମଧ୍ୟ ଦ୍ରୁତ ଗତିରେ ବୃଦ୍ଧି ପାଇଛି । କିନ୍ତୁ, ପୂର୍ବ ଚୁକ୍ତିନାମା ଯୋଗୁଁ OpenAI ବାହ୍ୟ ନିବେଶକଙ୍କଠାରୁ ସହଜରେ ପାଣ୍ଠି ସଂଗ୍ରହ କରିପାରିଲା ନାହିଁ । ବର୍ତ୍ତମାନ, ଏହି ଚୁକ୍ତିନାମା ସହିତ OpenAI ପାଇଁ ପାଣ୍ଠି ସଂଗ୍ରହ କରିବା ସହଜ ହେବ ।

ଏଲନ୍ ମସ୍କ ଲଗାତାର ଭାବରେ OpenAIକୁ ଏକ ଅଣଲାଭକାରୀ କମ୍ପାନି ବୋଲି ଅଭିଯୋଗ କରିଆସୁଛନ୍ତି । ଏଲନ୍ ମସ୍କ OpenAIର ପ୍ରତିଷ୍ଠାତା ସଦସ୍ୟମାନଙ୍କ ମଧ୍ୟରୁ ଜଣେ ଥିଲେ, କିନ୍ତୁ ପରେ ସେ ତାଙ୍କର ସେୟାର ବିକ୍ରି କରି କମ୍ପାନିରୁ ବାହାରି ଆସିଥିଲେ । OpenAI ଏବେ ଏକ ପବ୍ଲିକ୍ ବେନିଫିଟ୍ କର୍ପୋରେସନ (PBC) ଭାବରେ ନିଜକୁ ପୁନର୍ଗଠିତ କରୁଛି । ଏହାର ଅର୍ଥ ହେଉଛି କମ୍ପାନି ଏହାର ମିଶନ ଏବଂ ଲାଭକୁ ସନ୍ତୁଳିତ କରିବାକୁ ଚେଷ୍ଟା କରିବ ।

ଏହି ନୂଆ ଚୁକ୍ତି ସତ୍ତ୍ୱେ ମାଇକ୍ରୋସଫ୍ଟ OpenAIର ସର୍ବବୃହତ ନିବେଶକ ରହିବ, କାରଣ ଏହା OpenAI ଗ୍ରୁପ୍ ପିବିସିରେ ୨୭% ଅଂଶଧନ ରଖିଛି । ଏହାର ମୂଲ୍ୟ ପ୍ରାୟ ୧୩୫ ବିଲିୟନ ଡଲାରରେ ପହଞ୍ଚିପାରେ । ଆଶ୍ଚର୍ଯ୍ୟଜନକ ଭାବରେ ଓପନଏଆଇର ନିୟନ୍ତ୍ରଣ ଅଂଶଧନ ଏବେ ବି ଏହାର ଫାଉଣ୍ଡେସନ ପାଖରେ ଅଛି । ନୂତନ ଡିଲ୍ ପରେ ମାଇକ୍ରୋସଫ୍ଟର ଅଂଶଧନ ୨.୫% ବୃଦ୍ଧି ପାଇଛି ।

​​​​​​​​​​​​​​ଏହି ଚୁକ୍ତିରେ ଆଉ ଏକ ବଡ଼ କଥା ହେଉଛି ଓପନଏଆଇ ଏବେ ଏହାର AI ମଡେଲଗୁଡ଼ିକୁ ଚଲାଇବା ପାଇଁ ମାଇକ୍ରୋସଫ୍ଟର Azure କ୍ଲାଉଡ୍ ପ୍ଲାଟଫର୍ମର ଅଧିକ ବ୍ୟବହାର କରିବ । ଦୁଇ କମ୍ପାନି କୋଟି କୋଟି ଡଲାରର ଏକ କ୍ଲାଉଡ୍ ଚୁକ୍ତି ସ୍ୱାକ୍ଷର କରିଛନ୍ତି । ମାଇକ୍ରୋସଫ୍ଟ ଘୋଷଣା କରିଛି ଯେ OpenAI ଏବେ ଏହାର Azure କ୍ଲାଉଡରୁ ୨୫୦ ବିଲିୟନ ଡଲାର ମୂଲ୍ୟର ସେବା କ୍ରୟ କରିବ ।