ଠାକୁରମୁଣ୍ଡାରେ କୋକୁଆ ଭୟ, ବୁଲୁଛି ମହାବାଳ ବାଘ !

କରଞ୍ଜିଆ ୨୬।୧୦ : ସାବଧାନ… ବୁଲୁଛି ମହବାଳ । ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ରେଞ୍ଜ ଅଞ୍ଚଳରେ ଏକ ମହାବାଳ ବାଘ ବୁଲୁଥିବାର ଦେଖିବାକୁ ମିଳିଛି । ଏହି ବାଘ ବୁଲୁଥିବାର ଭୟଭୀତ ଅବସ୍ଥାରେ ଦୁଇ ପଞ୍ଚାୟତର ଅଧିବାସୀ ।

ଖବର ଅନୁଯାୟୀ, ଠାକୁରମୁଣ୍ଡା ରେଞ୍ଜ କାଳିଆଜିଆଣୀ ଗାଁ ନିକଟ ସଂରକ୍ଷିତ ଜଙ୍ଗଲରେ ଏକ ମହାବଳ ବାଘ ବୁଲୁଥିବାର ଦେଖିବାକୁ ପାଇଥିଲେ ଗ୍ରାମବାସୀ । ମହାବଳ ବାଘ ଆସିଥିବାର ଖବର ପ୍ରଚାର ହେବା ପରେ ହାତୀଗୋଡା ଓ ସାଲେଇବେଡା ପଞ୍ଚାୟତର ଆଖ ପାଖ ଗ୍ରାମ ଗୁଡିକରେ ଭୟର ବାତାବରଣ ଖେଳିଯାଇଛି। ବନବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି ବାଘର ପାଦ ଚିହ୍ନ ଦେଖିବା ସହ ବାଘର ଗତିବିଧି ଉପରେ ନଜର ରଖିବା ପାଇଁ ଜଙ୍ଗଲରେ ଟ୍ରାପ କ୍ୟାମେରା ଲଗାଯାଇଛି । ପାଦ ଚିହ୍ନ ମହାବଳ ବାଘର ବୋଲି କରଞ୍ଜିଆ DFO ବୈଦ୍ୟନାଥ ମାଝୀ ସୂଚନା ଦେଇଛନ୍ତି।