ଏକ୍‌ ବିବାହ ୟେସା ଭି: ବିବାହ ଉତ୍ସବରେ ଖାଇବା ସହ ମିଳିଲା ଏମିତି କିଛି...ଲୋକେ କହିଲେ 'ରୟାଲ ଟ୍ରିଟ୍'

ନୂଆଦିଲ୍ଲୀ ୧୨/୦୨: ବିଡି..ସିଗାରେଟ୍ । ସ୍ୱାସ୍ଥ୍ୟ ପକ୍ଷେ ହାନିକାରକ । ଯିଏ ଟାଣୁଛି ତା ପକ୍ଷେ ଯାହା, ଯିଏ ସେ ଧୂଆଁ ସଂସ୍ପର୍ଶରେ ଆସୁଛି ତାହା ପକ୍ଷେ ବି ସେୟା । ତଥାପି ଅନେକ ସେ ନିଶା କବଳରୁ ପାରନ୍ତିନି ବର୍ତ୍ତି । ଏବେ ଅନେକ ଖୁଲମ୍ ଖୁଲା ଟାଣିବାକୁ ପସନ୍ଦ କରନ୍ତି ବିଡି, ସିଗାରେଟ୍ ଭଳି ନିଶା । ଆଉ ଯଦି ବିବାହ ଭୋଜିରେ ପ୍ରିୟ ଜିନିଷ ମିଳିଗଲା, ତାହାଲେ ଖୁସି ଡବଲ । ଯିଏ ଟାଣେ ସେ ନେବ । ଅନେକ ଅଛନ୍ତି ନ ଟାଣିଲେ ବି ଫ୍ରି ମିଳୁଥିବାରୁ ଇଚ୍ଛା କରିବେ ନିଶ୍ଚୟ ।

ସୋସିଆଲ ମିଡିଆରେ ଭାଇରାଲ ହେଉଛି ଏମିତି ଗୋଟିଏ ଭିଡିଓ । ତା ପୁଣି ଗୋଟିଏ ଭୋଜିର । ଏମିତି ସେମିତି ନୁହେଁ ଗୋଟିଏ ରୟାଲ ଓ୍ୱେଡିଂର । ଆସନ୍ତୁ ଜାଣିବା ପୁରା ଘଟଣା ।କହିବାକୁ ଗଲେ ବିବାହ ଭୋଜି ଅନେକଙ୍କ ପସନ୍ଦ । ଖାସ୍ କରି ଭିନ୍ନ ଭିନ୍ନ ରକମର ଖାଦ୍ୟ ଖାଇବା ଅନେକଙ୍କ ଫେଭରିଟ୍ । ଖାସ୍ କରି ଷ୍ଟାର୍ଟର । ବିବାହରେ ଅତିଥିମାନଙ୍କୁ ଷ୍ଟାର୍ଟର, ଜୁସ୍ କିମ୍ବା ମକଟେଲ୍ ପରିବେଷଣ କରାଯାଏ। କିନ୍ତୁ, ଏହା ଏମିତି ବିବାହ, ଯେଉଁଠି ବଣ୍ଟାଯାଇଥିଲା ସିଗାରେଟ୍, ବିଡି ଓ ଗୁଟ୍‌ଖା ପ୍ୟାକେଟ ।

 

 

 

 

View this post on Instagram

 

 

 

 

 

 

 

 

 

 

 

A post shared by CA_Vanshika_Curates (@ca_vanshika_curates)

ୱେଟରମାନେ ଥାଳିରେ ସୁନ୍ଦର କରି ସଜାଇ ଆଣ ଦେଇଥିଲେ ଅତିଥିଙ୍କୁ । ତା ପୁଣି ଯିଏ ଯେତେ ଚାହିଁବ । ଅତିଥିମାନେ ଯେପରି ପସନ୍ଦ କରିବେ ସେମିତି ସେମାନଙ୍କର ପସନ୍ଦର ବାଛିଥିଲେ । ତେବେ ଭାଇରାଲ ହୋଇଥିବା ଏହି ଭିଡିଓକୁ ୩.୭ ଲକ୍ଷରୁ ଅଧିକ ଲୋକେ ଦେଖିସାରିଲେଣି ।ଭାଇରାଲ ଭିଡିଓଟି ଇନଷ୍ଟାଗ୍ରାମରେ ବଂଶିକା ନାମକ ଜଣେ ୟୁଜର ସେୟାର କରିଛନ୍ତି । ମୋଟ୍ ଭାବେ କହିବାକୁ ଗଲେ ଭିଡିଓଟି ବୋଧ୍‌ହୁଏ ହରିୟାଣା କିମ୍ୱା ଆଖପାଖ ଅଞ୍ଚଳର । ଭିଡିଓରେ, ଜଣେ ୱେଟର ତମାଖୁ ଉତ୍ପାଦର ଏକ ବଡ଼ ଟ୍ରେ ସହିତ ଠିଆ ହୋଇଛନ୍ତି । ଲୋକମାନେ ବି ତାଙ୍କ ଚାରିପାଖରେ ଏକାଠି ହୋଇ ସିଗାରେଟ୍ ଓ ଗୁଟଖାକୁ ଥାଳିରେ ନେଇ ଟାଣୁଛନ୍ତି ।

ଭିଡିଓ ସୁଟିଂ କରୁଥିବା ମହିଳା ମଧ୍ୟ ଆଶ୍ଚର୍ଯ୍ୟ ହୋଇ ଛିଡା ହୋଇଥିବା ପରି ଦେଖିବାକୁ ମିଳିଛି । ଭିଡିଓ ଭାଇରାଲ ପରେ ଲୋକେ ଭିନ୍ନ ଭିନ୍ନ ମତାମତ ଦେଉଛନ୍ତି । କେତେକ ଆଶ୍ଚର୍ଯ୍ୟ ହେଉଛନ୍ତି ଭିଡିଓ ଦେଖି । ଆଉ କିଛି କହୁଛନ୍ତି ଯେ ଗାଁ ବିବାହରେ ଏପରି କିଛି ନୂଆ ନୁହେଁ । କାରଣ ଏଠାକାର ଅତିଥୀଙ୍କୁ ତମାଖୁ ଭଳି ଜିନିଷ ଦେବା କୁଆଡେ ନୂଆ ନୁହେଁ । ଆତିଥ୍ୟର ଏକ ଅଂଶ ଭାବରେ ଏଠାରେ ବିବେଚନା କରାଯାଏ।

ଅନେକ ୟୁଜର ଥଟ୍ଟା କରି ଲେଖିଛନ୍ତି, ବଜେଟ୍ ପରେ ସିଗାରେଟ୍ ମହଙ୍ଗା ହୋଇଯାଇଛି । ତେଣୁ ବିବାହରେ ମାଗଣା ସିଗାରେଟ୍ ପାଇବା "ରାଜକୀୟ ଉପହାର" ଠାରୁ କମ୍ ନୁହେଁ। ନୂତନ ଟିକସ ଦେଖିବା ପରେ, ମୋର କୌଣସି ସନ୍ଦେହ ନାହିଁ । ଆଉ କେହି ଲେଖିଛନ୍ତି ମୁଁ ୧୦-୧୨ ବର୍ଷ ପୂର୍ବେ ଏକ ବିବାହରେ ଏପରି ଦେଖିଥିଲି । ସେହିଭଳି ଅନ୍ୟ ଜଣେ ଲେଖିଛନ୍ତି ଏହା ନିଶ୍ଚିତ ରାଜମିସ୍ତ୍ରୀଙ୍କ ବିବାହ ବୋଧହୁଏ । ଆହୁରି ବି ପୁରୁଣା ସ୍ମୃତି ତାଜା ହୋଇଗଲା ବୋଲି କଣେମ୍ଟରେ ଲେଖିଛନ୍ତି ।