ଭାଙ୍ଗିଗଲା କି ଜେଡି ଭାନ୍ସ-ଉଷାଙ୍କ ସମ୍ପର୍କ? ଆମେରିକୀୟ ଉପରାଷ୍ଟ୍ରପତିଙ୍କ ହାତରୁ ଗାୟବ ମ୍ୟାରେଜ୍ ରିଙ୍ଗ..

ନୂଆଦିଲ୍ଲୀ ୨୨/୧୧: ଆମେରିକାର ଚର୍ଚ୍ଚିତ ରୈଜନୈତିକ ଯୋଡି ଉପରାଷ୍ଟ୍ରପତି ଜେଡି ଭାନ୍ସ ତାଙ୍କ ପତ୍ନୀ ଉଷା ଭାନ୍ସ । ନିକଟରେ ସେ ଥିଲେ ଖବରର ଶିରୋନାମାରେ । ଲାଗୁଛି ଉଭୟ ପତି ପତ୍ନୀଙ୍କ ଭିତରେ କିଛି ଠିକ୍ ଚାଲିନି । ଉଭୟ ମଧ୍ୟରେ ହେବାକୁ ଯାଉଛି ଛାଡ଼ପତ୍ର । ଏକଥା ଏବେ ସାର୍ବଜନୀନ ଚର୍ଚ୍ଚା ହେଉଛି । ପୂର୍ବରୁ ଜେଡି ଭାନ୍ସ ତାଙ୍କ ପତ୍ନୀଙ୍କୁ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାକୁ ଚାହୁଁଥିଲେ । ଏହା ପରେ ସେ ତାଙ୍କ ବକ୍ତବ୍ୟ ଉପରେ ମଧ୍ୟ ସ୍ପଷ୍ଟୀକରଣ ଦେଇଥିଲେ ।

କିନ୍ତୁ, ଏବେ ଉଷା ଭାନ୍ସଙ୍କ ଏକ ସାର୍ବଜନୀନ ଉପସ୍ଥିତି ହଇଚଇ ସୃଷ୍ଟି କରିଛି। ଆମେରିକାର ଦ୍ୱିତୀୟ ମହିଳା ଉଷା ଭାନ୍ସ ସମ୍ପ୍ରତି ପ୍ରଥମ ମହିଳା ମେଲାନିଆ ଟ୍ରମ୍ପଙ୍କ ସହ ଏକ ସାର୍ବଜନୀନ କାର୍ଯ୍ୟକ୍ରମରେ ଦେଖାଦେଇଥିଲେ। ଏହି ସମୟରେ ଉଷା ଭାନ୍ସ ବିବାହ ମୁଦି ପିନ୍ଧି ନଥିଲେ। ବୁଧବାର ଦିନ, ଉଷା ଭାନ୍ସ-ମେଲାନିଆ ଟ୍ରମ୍ପ ଉତ୍ତର କାରୋଲିନାର କ୍ୟାମ୍ପ ଲେଜୁନ୍-ନୌସେନା ଏୟାର ଷ୍ଟେସନ୍ ନ୍ୟୁ ରିଭର ପରିଦର୍ଶନ କରିଥିଲେ।ହ୍ୱାଇଟ୍ ହାଉସ୍ କହିଛି ଯେ ସେଠାରେ ସେ ଉଭୟ ସାମରିକ ଘାଟିର ଛାତ୍ର, ଶିକ୍ଷକ, ସାମରିକ ପରିବାର ଓ ସୈନିକଙ୍କ ସହ ସାକ୍ଷାତ କରିଥିଲେ ।

ଏହି ଘଟଣାର ଅନେକ ଫଟୋ ସୋସିଆଲ ମିଡିଆରେ ସେୟାର କରାଯାଇଥିଲା । ଉଷା ଭାନ୍ସଙ୍କ ହାତରେ ମୁଦି ଦେଖାଯାଉନଥିଲା।ଏହି ଫଟୋଗୁଡ଼ିକ ଅନେକ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା । ଅନେକ ଲୋକ ଲକ୍ଷ୍ୟ କରିଥିଲେ ଯେ ଉଷା ଭାନ୍ସଙ୍କ ବିବାହ ମୁଦି ହାତରେ ନାହିଁ । ରାଜନୈତିକ ରଣନୀତିଜ୍ଞ ଆଡାମ ପାର୍ଖୋମେଙ୍କୋ କହିଛନ୍ତି, "ଆକର୍ଷଣୀୟ ଭାବରେ, ଉଷା ଭାନ୍ସ ଗତକାଲି କ୍ୟାମ୍ପ ଲେଜୁନରେ ତାଙ୍କ ବିବାହ ମୁଦି ବିନା ଦେଖାଦେଇଥିଲେ। ଅନ୍ୟ ଜଣେ ବ୍ୟକ୍ତି ଲେଖିଛନ୍ତି, ଏହା ଆମେ ଭାବିଥିବା ଅପେକ୍ଷା ଦ୍ରୁତ ଗତିରେ ଘଟୁଛି ।

ଉଷା ଓ ଜେ.ଡି. ଭାନ୍ସଙ୍କ ସମ୍ପର୍କ ସମ୍ପ୍ରତି ପ୍ରଶ୍ନବାଚୀ ସୃଷ୍ଟି କରିଥିଲା । କାରଣ କିଛିଦିନ ତଳେ ଉପରାଷ୍ଟ୍ରପତି ତାଙ୍କ ପତ୍ନୀଙ୍କ ଖ୍ରୀଷ୍ଟିଆନ ଧର୍ମ ଗ୍ରହଣ କରିବାର ଇଚ୍ଛା ପ୍ରକାଶ କରୁଥିଲେ। ଉଷା ଭାନ୍ସ ହିନ୍ଦୁ ଧର୍ମ ପାଳନ କରନ୍ତି । ଉପରାଷ୍ଟ୍ରପତି ପରେ ସ୍ପଷ୍ଟ କରିଥିଲେ ଯେ ତାଙ୍କର କହିବାର କୌଣସି ଅର୍ଥ ନଥିଲା ଯେ ସେ ତାଙ୍କ ପତ୍ନୀଙ୍କୁ ଖ୍ରୀଷ୍ଟିଆନ ହେବାକୁ ଚାହାଁନ୍ତି।

ଅକ୍ଟୋବରରେ ମିସିସିପି ବିଶ୍ୱବିଦ୍ୟାଳୟରେ ଅନୁଷ୍ଠିତ ଟର୍ଣ୍ଣିଂ ପଏଣ୍ଟ ଆମେରିକା କାର୍ଯ୍ୟକ୍ରମ ସମୟରେ ଜେ.ଡି. ଭାନ୍ସ ତାଙ୍କ ପତ୍ନୀଙ୍କ ବିଷୟରେ ଏହି ମନ୍ତବ୍ୟ ଦେଇଥିଲେ। ଏହି କାର୍ଯ୍ୟକ୍ରମରେ, ଉପରାଷ୍ଟ୍ରପତି ଏବଂ TPUSA ମୁଖ୍ୟ ଅଧିକାରୀ ଚାର୍ଲି କିର୍କଙ୍କ ସ୍ତ୍ରୀ ଏରିକାଙ୍କ ମଧ୍ୟରେ ଆଲିଙ୍ଗନର ଫଟୋ ମଧ୍ୟ ସୋସିଆଲ ମିଡିଆରେ ଭାଇରାଲ ହୋଇଥିଲା।