ସିଡନୀରେ କୋହଲି ଧରିଲେ ବିରାଟ କ୍ୟାଚ୍, ଭାଇରାଲ ହେଲା କୋହଲିଙ୍କ ଫିଲ୍ଡିଂ...

ନୂଆଦିଲ୍ଲୀ ୨୫/୧୦: ଶନିବାର ସିଡନୀ କ୍ରିକେଟ୍ ଗ୍ରାଉଣ୍ଡରେ ଖେଳାଯାଉଛି ଭାରତ-ଅଷ୍ଟ୍ରେଲିଆ ମଧ୍ୟରେ ତୃତୀୟ ଏକଦିବସୀୟ ମ୍ୟାଚ୍ । ଯେଉଁ ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା କଙ୍ଗାରୁ ବାହିନୀ । ପ୍ରଥମରୁ ଦେଖିବାକୁ ମିଳିଥିଲା ଭାରତୀୟ ଖେଳାଳିଙ୍କ ଦବ୍‌ଦବା । ତେବେ ଏହି ମ୍ୟାଚ୍‌ରେ ବିରାଟ କୋହଲିଙ୍କ ଜବରଦସ୍ତ କମ୍‌ବ୍ୟାକ୍ ନଜର ଆସିଛି ।  

ପୁଣିଥରେ ନିଜର ଫିଲ୍ଡିଂକୁ ପ୍ରମାଣିତ କରିଛନ୍ତି ଯେ ସେ ଟିମ୍ ଇଣ୍ଡିଆର ସବୁଠାରୁ ଫିଟେଷ୍ଟ ଖେଳାଳିଙ୍କ ମଧ୍ୟରୁ ଜଣେ । ଅଷ୍ଟ୍ରେଲିଆ ଇନିଂସର ୨୩ତମ ଓଭରରେ, ୱାଶିଂଟନ ସୁନ୍ଦରଙ୍କ ବଲରେ ମାଥ୍ୟୁ ସର୍ଟ ସର୍ଟ ମିଡ୍-ୱିକେଟ ଆଡକୁ ଏକ ଶକ୍ତିଶାଳୀ ସଟ୍ ଖେଳିଥିଲେ । କିନ୍ତୁ କୋହଲି, ଏହି ସଟ୍‌କୁ ଅଟକାଇଥିଲେ । ଖାଲି ଅଟକାଇନଥିଲେ ତ ବିଜୁଳି ଭଳି ଚପଳତା ପ୍ରଦର୍ଶନ କରି, ବଲକୁ ଉଡି ଧରି ଏକ ଅବିଶ୍ୱସନୀୟ କ୍ୟାଚ୍ ଧରିଥିଲେ।

What a special catch that is from Virat Kohli ✨

Follow #AUSvIND: https://t.co/YH5IbBTdsc pic.twitter.com/EcAya9tviT

— cricket.com.au (@cricketcomau) October 25, 2025

ବଲ୍ ଏତେ ଦ୍ରୁତ ଗତିରେ ଆସିଥିଲା ​​ଯେ କୋହଲିଙ୍କ ରିଆକ୍ସନ ପାଇଁ କେବଳ ଗୋଟିଏ ସେକେଣ୍ଡ ଥିଲା । ସେ ତାଙ୍କ ମୁଣ୍ଡକୁ ରାସ୍ତାରୁ ହଟାଇ ତୁରନ୍ତ କ୍ୟାଚ୍ ସୁରକ୍ଷିତ କରିବା ପାଇଁ ଉପରକୁ ଡେଇଁ ପଡ଼ିଲେ । କୋହଲି ନିଜେ କ୍ଷଣିକ ପାଇଁ ସ୍ତବ୍ଧ ହୋଇପଡିଥିଲେ । ଯେପରି ସେ ନିଜେ ଧରିଥିବା କ୍ୟାଚ୍ ତାଙ୍କୁ ଅବିଶ୍ୱାସ ଲାଗିଥିଲା। ସଂଗେ ସଂଗେ ଷ୍ଟାଡିୟମରେ ଥିବା ହଜାର ହଜାର ଦର୍ଶକ ତାଙ୍କ କ୍ଷେତ୍ରରକ୍ଷଣ ଦେଖି ଉତ୍ସାହିତ ହୋଇଥିଲେ । "କୋହଲି, କୋହଲି ନାରାରେ କମ୍ପିଥିଲା ପୁରା ମୈଦାନ । ସାରା ପଡ଼ିଆରେ ଏହି ସ୍ୱର ପ୍ରତିଧ୍ୱନିତ ହୋଇଥିଲା। 

ସେପଟେ ତାଙ୍କର ଚମତ୍କାର ପ୍ରୟାସ ପରେ ପାଖକୁ ଚାଲିଆସିଥିଲେ ସାଥୀ ଖେଳାଳି । ତାଙ୍କୁ ଚିଅର ଅପ୍ କରିବା ସହ ସେଲିବ୍ରେସନ କରିବାକୁ ବାଧ୍ୟ କରିଥିଲା । ଏହି ୱିକେଟ୍ ସୁନ୍ଦର ଏବଂ ଅକ୍ଷର ପଟେଲଙ୍କ କଡ଼ା ବୋଲିଂର ଫଳାଫଳ ଥିଲା । କାରଣ ସେମାନେ ନିରନ୍ତର ଚାପ ବଜାୟ ରଖିଥିଲେ । ସେତିକିରେ ସରନିଥିଲା କୋହଲିଙ୍କ ପ୍ରୟାସ । ପରବର୍ତ୍ତୀ ଓଭରରେ, ବି ସେ ଚମତ୍କାର ପ୍ରୟାସ କରିଥିଲେ । କଭର ନିକଟରେ ଏକ ହାଇ-ଷ୍ଟ୍ରଙ୍ଗ ଡ୍ରାଇଭ୍ ଅଟକାଇ ଦର୍ଶକଙ୍କ ପ୍ରଶଂସା କରିଥିଲେ। 

ଏହି ମ୍ୟାଚ୍ ସହିତ କୋହଲି ଏକଦିସବୁଠୁ ଆଗରେ ଅଛନ୍ତି କେବଳ ମାହେଲା ଜୟବର୍ଦ୍ଧନେ । ଯିଏକି ଧରିଛନ୍ତି ୨୧୮ କ୍ୟାଚ୍ । କୋହଲିଙ୍କ ଫିଲ୍ଡିଂ ସମଗ୍ର ଦଳରେ ଏକ ନୂତନ ଶକ୍ତି ସଞ୍ଚାର କରିଛି । ଅଧିନାୟକ ରୋହିତ ଶର୍ମା ନିଜେ ୩୦-ୟାର୍ଡ ସର୍କଲରେ ଡାଇଭିଙ୍ଗ୍ କରୁଥିବାର ଦେଖାଯାଇଥିଲା । ଯାହା ଭାରତୀୟ ଖେଳାଳିଙ୍କ ମନୋବଳକୁ ବୃଦ୍ଧି କରିଥିଲା।