‘ନୂଆପଡ଼ା ଉପନିର୍ବାଚନରେ ବହୁତ ଆଗରେ ଅଛୁ : ବିଜେପି ଏବେ ବାଘ, ଆଉ କେହି ଅଟକାଇ ପାରିବେ ନାହିଁ’

ଭୁବନେଶ୍ବର ୨୨।୧୦: ନିର୍ବାଚନ ପୂର୍ବରୁ ବିଜେଡି ଓ କଂଗ୍ରେସ ଭାଡ଼ି ଖାଲି ହୋଇଯିବ । ଏଭଳି କହିଛନ୍ତି ବିଜେପି ସାଂସଦ ରବୀନ୍ଦ୍ର ନାରାୟଣ ବେହେରା । ସେ କହିଛନ୍ତି, ଆମେ ଉପନିର୍ବାଚନରେ ବହୁତ ଆଗରେ ଅଛୁ । ବିକଶିତ ନୂଆପଡ଼ା ଗଠନ ପାଇଁ ବିରୋଧୀ ଦଳର ଅନେକ ନେତା ବିଜେପିକୁ ଲମ୍ଫ ଦେଉଛନ୍ତି । ବିଜେପିର ବଡ଼ ମାହୋଲ ଅଛି । ନବୀନ ପଟ୍ଟନାୟକ ଆସିଲେ ମଧ୍ୟ ବିଜେଡି ଦ୍ବିତୀୟ କିମ୍ବା ତୃତୀୟରେ ରହିବ । ଆମର ବିଜୟ ନିଶ୍ଚିତ ହେବ । ବିଜେଡ଼ିର ଭାଡ଼ି ଖାଲି ହୋଇଗଲାଣି । କଂଗ୍ରେସର କିଛି ଅଛନ୍ତି, ସେ ମଧ୍ୟ ଖାଲି ହୋଇଯିବ । ଉଭୟ ଦଳର ଭାଡ଼ି ଖାଲି ହେବ । ବିଜେପି ଏବେ ବାଘ । ବାଘ ଯେତେବେଳେ ଆଗକୁ ଲମ୍ଫ ମାରେ ଆଉ ପଛକୁ ଫେରେ ନାହିଁ । ବିଜେପିକୁ ଆଉ ଅଟକାଇ ପାରିବେ ନାହିଁ ବୋଲି ରବୀନ୍ଦ୍ର ନାରାୟଣ ବେହେରା କହିଛନ୍ତି ।