ଏପଟେ ଯୁଦ୍ଧ, ସେପଟେ ହ୍ୱାଇଟ୍ ହାଉସରେ ପୂଜାର୍ଚ୍ଚନା, କାହିଁକି ଟ୍ରମ୍ପ ନେଲେ ଚରମ ନିଷ୍ପତ୍ତି....

ନୂଆଦିଲ୍ଲୀ ୦୬/୦୩: ଚାଲିଛି ଇରାନ-ଇସ୍ରାଏଲ ଯୁଦ୍ଧ । ଇସ୍ରାଏଲ୍ ଓ ଆମେରିକା କଡ଼ା ଜବାବ ଦେଉଛି ଇରାନ୍ । କେହି କାହାକୁ ଛାଡିବାକୁ ନାରାଜ । ଏହାର ଭିତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପୂଜାର୍ଚ୍ଚନା ଭିଡିଓ ବେଶ୍ ଭାଇରାଲ୍। ଖ୍ରୀଷ୍ଟିଆନ ସମ୍ପଦାୟରେ ଅନୁସାରେ ଥିଲା ତାଙ୍କର ଏହି ଖାସ୍ ପୂଜାର୍ଚ୍ଚନା । ଭିଡିଓଟି ସୋସିଆଲ ମିଡିଆରେ ବି ବେଶ୍ ଭାଇରାଲ ହେବାରେ ଲାଗିଛି ।

ପ୍ରଥମ ଥର ପାଇଁ ଟ୍ରମ୍ପଙ୍କୁ ହ୍ୱାଇଟ୍ ହାଉସର ଓଭାଲ୍ ଅଫିସରେ ସାର୍ବଜନୀନ ଭାବରେ ପ୍ରାର୍ଥନା କରୁଥିବାର ଦେଖାଯାଇଛି । ଟ୍ରମ୍ପ ଜାତିର ସୁରକ୍ଷା ପାଇଁ ଏହି ପ୍ରାର୍ଥନା କରିଥିଲେ । ଟ୍ରମ୍ପଙ୍କ ହ୍ୱାଇଟ୍ ହାଉସ୍ ସହାୟକ ଡାନ୍ ସ୍କାଭିନୋ ଭିଡିଓଟି ସେୟାର କରି ଲେଖିଛନ୍ତି । ପରମେଶ୍ୱର ଆମେରିକାକୁ ଆଶୀର୍ବାଦ କରନ୍ତୁ।ଆମେରିକୀୟ ଗଣମାଧ୍ୟମ ଅନୁସାରେ, ଡୋନାଲ୍ଡ ଟ୍ରମ୍ପ ଆମେରିକାର ସମସ୍ତ ପାଷ୍ଟରଙ୍କୁ ପୂଜା ପାଇଁ ଓଭାଲ୍ ଅଫିସକୁ ନିମନ୍ତ୍ରଣ କରିଥିଲେ । ତା'ପରେ ଟ୍ରମ୍ପ ଓଭାଲ୍ ଅଫିସରେ ତାଙ୍କ ଆସନରେ ବସିଥିଲେ ।

ପରେ ପ୍ରାର୍ଥନା ପ୍ରକ୍ରିୟା ଆରମ୍ଭ ହୋଇଥିଲା।ଟ୍ରମ୍ଫଙ୍କ ପ୍ରାର୍ଥନା ସମୟରେ ଜଣେ ପାଷ୍ଟର ଭାଷଣ ଦେଇଥିଲେ । ପାଷ୍ଟର କହିଥିଲେ, "ମୁଁ ପ୍ରାର୍ଥନା କରୁଛି ଯେ ଆପଣ ସେମାନଙ୍କୁ ଆଶୀର୍ବାଦ କରନ୍ତୁ ଏବଂ ସେମାନଙ୍କୁ ସୁରକ୍ଷା ଦିଅନ୍ତୁ। ମୁଁ ପ୍ରାର୍ଥନା କରୁଛି ଯେ ଆପଣ ଆମର ସୈନିକ ଏବଂ ଆମର ସଶସ୍ତ୍ର ବାହିନୀରେ ସେବା କରୁଥିବା ସମସ୍ତ ପୁରୁଷ ଏବଂ ମହିଳାଙ୍କୁ ଆଶୀର୍ବାଦ କରନ୍ତୁ। ହେ ପରମେଶ୍ୱର, ଆମେ ପ୍ରାର୍ଥନା କରୁଛୁ ଯେ ଆପଣ ଆମ ରାଷ୍ଟ୍ରପତିଙ୍କୁ ଆମ ଜାତିର ନେତୃତ୍ୱ ନେବା ପାଇଁ ଆବଶ୍ୟକ ଶକ୍ତି ପ୍ରଦାନ କରନ୍ତୁ ।

Happening Now in the Oval Office at the @WhiteHouse.

God Bless the USA!

🙏❤️🇺🇸🦅 pic.twitter.com/Ebi7DnAnhK

— Dan Scavino (@Scavino47) March 5, 2026

୨୦୨୧ରେ, ଆମେରିକା ଆଫଗାନିସ୍ତାନରୁ ତାର ସୈନ୍ୟ ପ୍ରତ୍ୟାହାର କରିବାକୁ ନିଷ୍ପତ୍ତି ନେଇଥିଲା । ସେବେଠାରୁ, ଆମେରିକା ସିଧାସଳଖ ଯୁଦ୍ଧକ୍ଷେତ୍ରରେ ପ୍ରବେଶ କରିନାହିଁ। ଏବେ, ୨୦୨୬ରେ, ଇରାନ ସହିତ ଏହାର ଯୁଦ୍ଧ ଆରମ୍ଭ ହୋଇଛି । ଆମେରିକା ନିଜେ ଏହି ଯୁଦ୍ଧରେ ପ୍ରବେଶ କରିଛି।ଇରାନ ଯୁଦ୍ଧରେ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ଛଅ ଜଣ ଆମେରିକୀୟ ସୈନିକଙ୍କ ମୃତ୍ୟୁ ହୋଇଛି।

ଆକ୍ସିଓସ୍ ସର୍ଭେ ଅନୁଯାୟୀ, ୫୦ପ୍ରତିଶତରୁ ଅଧିକ ଆମେରିକୀୟ ଏହି ଯୁଦ୍ଧକୁ ବିରୋଧ କରନ୍ତି।ଅନ୍ୟପକ୍ଷରେ, ମଧ୍ୟପ୍ରାଚ୍ୟରେ ମୁସଲିମ ଦେଶମାନଙ୍କ ଦ୍ୱାରା ମଧ୍ୟ ଟ୍ରମ୍ପଙ୍କ ଉପରେ ଚାପ ପଡ଼ିଛି। ଆସୋସିଏଟେଡ୍ ପ୍ରେସ୍ ଅନୁଯାୟୀ, ଦୁଇଟି ଉପସାଗରୀୟ ଦେଶ ଟ୍ରମ୍ପଙ୍କ ପ୍ରତି ଅସନ୍ତୋଷ ପ୍ରକାଶ କରିଛନ୍ତି। ଇରାନ-ଆମେରିକା ଯୁଦ୍ଧରେ ତେହେରାନ ୧୨ଟି ଆରବ ଦେଶ ଉପରେ ଆକ୍ରମଣ କରିଛି।

also read...

ଅସଲି ଭାବି ହେଲିକପ୍ଟର ଛବିରେ ମିସାଇଲ୍ ଆଟାକ୍ କଲା ଇସ୍ରାଏଲ ! ଭୁଆଁ ବୁଲାଇଦେଲା ଇରାନ...ଦେଖନ୍ତୁ ଭିଡିଓ