ରୋମାଞ୍ଚକର ମ୍ୟାଚ୍‌ରେ ଭାରତର ପରାଜୟ, ସିରିଜ୍ ହାତେଇଲା ଅଷ୍ଟ୍ରେଲିଆ

ଆଡିଲେଡ: ରୋମାଞ୍ଚକର ଓ ସଂଘର୍ଷପୂର୍ଣ୍ଣ ମୁକାବିଲାରେ ବାଜି ମାରିଲା ଅଷ୍ଟ୍ରେଲିଆ। ଆଡିଲେଡର ଓଭାଲ ଗ୍ରାଉଣ୍ଡରେ ଖେଳା ଯାଇଥିବା ଦ୍ଵିତୀୟ ଦିନିକିଆରେ ଶେଷ ପର୍ଯ୍ୟନ୍ତ ସଂଘର୍ଷ କରି ହାରିଲା ଭାରତ। ବୃଥା ହେଲା ରୋହିତ ଓ ଆୟରଙ୍କ ଅର୍ଦ୍ଧଶତକ। ଆଉ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ହାତେଇବା ସହ ୨-୦ରେ ଅଗ୍ରଣୀ ହାସଲ କରିଛି କଙ୍ଗାରୁ ଦଳ। ଭାରତ ଦ୍ଵାରା ଧାର୍ଯ୍ୟ ୨୬୫ ରନର ବିଜୟ ଲକ୍ଷ୍ୟକୁ ଅଷ୍ଟ୍ରେଲିଆ ୪୬.୩ ଓଭରରେ ୮ ଓ୍ଵିକେଟ୍ ହରାଇ ହାସଲ କରି ନେଇଛି। ମାଥ୍ୟୁ ସର୍ଟ ୭୪ ରନ କରିଥିବେ କୁପର କନୋଲି ଅପରାଜିତ ୬୧ ରନ କରି ନିଜ ଦଳକୁ ଜିତାଇଛନ୍ତି। ପ୍ରଥମେ ବ୍ୟାଟିଂ କରି ଭାରତ ରୋହିତ ଶର୍ମାଙ୍କ ୭୩ ରନ, ଶ୍ରେୟସ ଆୟରଙ୍କ ୬୬ ରନ ଓ ଅକ୍ଷର ପଟେଲଙ୍କ ୪୪ ରନ ବଳରେ ୯ ଓ୍ଵିକେଟ୍ ହରାଇ ୨୬୪ ରନ କରିଥିଲା। ଆସନ୍ତା ୨୫ରେ ସିରିଜର ଅନ୍ତିମ ଦିନିକିଆ ଖେଳାଯିବ। ତେବେ ଅଧିନାୟକ ଭାବେ ଶୁଭମନ ଗିଲ୍ ପ୍ରଥମ ଦିନିକିଆ ସିରିଜ୍ ହାରିଛନ୍ତି।