ଅମ୍ପାୟାରଙ୍କୁ ଦୁର୍ବ୍ୟବହାର କଲେ ପାକିସ୍ତାନୀ ଖେଳାଳି, ହାତ ଦେଖାଇ କଟାକ୍ଷ କଲେ ସାହିନ୍

ଇସଲାମାବାଦ, ୩୦/୧୧: ପଡିଆରେ ବଦମାସୀ କଲେ ପାକିସ୍ତାନୀ ପ୍ଲେୟାର । ପୂର୍ବରୁ ଅନେକ ବିବାଦରେ ସାମିଲ ଥିବା ପାକିସ୍ତାନୀ ଟିମ୍ ଆଉ ଏଖ ବିବାଦରେ ଫସିଛି । କୌଣସି ଖେଳାଳି ନୁହେଁ ବରଂ ଅମ୍ପାୟାରଙ୍କୁ ଦଳ କଟାକ୍ଷ କରିଛି । ଏହାସହ ଦୁର୍ବ୍ୟବହାର ପ୍ରଦର୍ଶନ କରିଛି । ଶ୍ରୀଲଙ୍କା ବିପକ୍ଷ ମୁକାବିଲାରେ ଏହି ଘଟଣା ସାମ୍ନାକୁ ଆସିଛି ।

ସୂଚନାନୁସାରେ, ମୁକାବିଲାର ୧୯ ତମ ଓଭରରେ ବିବଦୀୟ ଘଟଣା ଘଟିଥିଲା । ବ୍ୟାଟିଂ ପାଇଁ ସଙ୍ଘର୍ଷ କରୁଥିବା ଶ୍ରୀଲଙ୍କା ପାଇଁ କ୍ରିଜେରେ ଥିଲେ ଦାସୁନ ଶନକା । ବ୍ୟାଟିଂ ବେଳେ ସେ ଏକ ସ୍ଲୋ ବଲକୁ ବଡ ସର୍ଟ ମାରିବା ପାଇଁ ପ୍ରୟାସ କରିଥିଲେ । କିନ୍ତୁ ବଲଟି ସିଧା ଫକର ଜମାନଙ୍କ ହାତକୁ ଯାଇଥିଲା । ଖାଲି ଆଖିରେ ଏହା କ୍ୟାଚ୍ ଜଣାପଡୁଥିଲା । ଫିଲ୍ଡ ଅମ୍ପାୟାର ମଧ୍ୟ ଏହାକୁ ଆଉଟ ଦେଇଥିଲେ । କିନ୍ତୁ ଥାର୍ଡ ଅମ୍ପାୟାର ଫିଲ୍ମ ଅମ୍ପାୟାରଙ୍କ ନିଷ୍ପତ୍ତିକୁ ବଦଳାଇ ନଟଆଉଟ୍ ଦେଇଥିଲେ । କ୍ୟାଚ୍ ପୂର୍ବରୁ ବଲ ଭୁମିକୁ ସ୍ପର୍ଶ କରିଥିବା ତୃତୀୟ ଅମ୍ପାୟାର କହିଥିଲେ ।

ଯାହାକୁ ନେଇ ରାଗିଯାଇଥିଲେ ପାକିସ୍ତାନୀ ଖେଳାଳି । ଏହାର ଠିକ ପରବର୍ତ୍ତୀ ବଲରେ ବୋଲିଂ କରୁଥିବା ସାହିନ ଆଫ୍ରିଦି ଶନକାଙ୍କୁ ବୋଲ୍ଡ କରିଥିଲେ । ଯାହା ପରେ ସେ ଅମ୍ପାୟାର ବସୁଥିବା ଦିଗକୁ ଅନାଇଥିଲେ । ହାତ ଉଠାଇ ଦୁର୍ବ୍ୟବହାର କରିଥିଲେ । ଏହା ପୂର୍ବ ବଲର ନିଷ୍ପତ୍ତିର ଜବାବ ବୋଲି ଇଶାରା କରିଥିଲେ ସାହିନ୍ । ଫକର୍ ଜମାନ ମଧ୍ୟ ଟିଭି ଅମ୍ପାୟାରଙ୍କୁ କିଛି ଇଶାରା କରିଥିଲେ ।

ଓଭରରେ ସାହିନ ମହେଶ ତିକ୍ଷସିନାଙ୍କୁ ମଧ୍ୟ କ୍ୟାଚ୍ ଆଉଟ୍ କରିଥିଲେ । ଫଳରେ ବଳ ୧୧୪ରେ ଅଲଆଉଟ୍ ହୋଇଯାଇଥିଲା ଶ୍ରୀଲଙ୍କା । ଯାହାକୁ ୧୮.୪ ଓଭରରେ ୪ ଓ୍ୱିକେଟ୍ ହରାଇ ପାକିସ୍ତାନ ହାସଲ କରିନେଇଥିଲା ।