ଧରାହେଲେ ୫ ଲୁଟେରା, ଆରଟିଓ କର୍ମଚାରୀ ପରିଚୟ ଦେଇ ତୀର୍ଥଯାତ୍ରୀ ବସ୍‌ରୁ ଆଦାୟ କରୁଥିଲେ ଚାନ୍ଦା

ଜଳେଶ୍ବର ୧୪।୯: ଆରଟିଓ ଅଫିସର କର୍ମଚାରୀ ପରିଚୟ ଦେଇ ତୀର୍ଥଯାତ୍ରୀ ବସରୁ ଚାନ୍ଦା ଆଦାୟ ଉଦ୍ୟମ କରୁଥିବା ବେଳେ ୫ ଲୁଟେରାଙ୍କୁ କାବୁ କଲା ଜଳେଶ୍ବର ପୋଲିସ ।

{"id":157366}

ସୂଚନାଯୋଗ୍ୟ ଯେ, ୬୦ ନମ୍ବର ଜାତୀୟ ରାଜପଥ ଲକ୍ଷ୍ମଣନାଥ ନିକଟରେ କିଛି ଦୁର୍ବୃତ୍ତ ଝାଡଖଣ୍ଡରୁ ତୀର୍ଥଯାତ୍ରୀ ନେଇ ପୁରୀ ଆସୁଥିବା ବସଟିକୁ ଅଟକାଇଥିଲେ । ସେମାନେ ନିଜକୁ ଆରଟିଓ ଅଫିସର କର୍ମଚାରୀ କହି ବସରୁ ଚାନ୍ଦା ଆଦାୟ ଉଦ୍ୟମ କରିଥିଲେ । ତେବେ ଏମାନଙ୍କୁ ନକଲି ଆରଟିଓ ବୋଲି ସନ୍ଦେହ କରିଥିଲେ ବସ୍ ଯାତ୍ରୀ । ଏହାକୁ ନେଇ ଉଭୟ ମୁହାଁମୁହିଁ ହୋଇଥିଲେ। ଚାନ୍ଦା ଆଦାୟକୁ ଯାତ୍ରୀମାନେ ବିରୋଧ କରିବା ସହ ପୋଲିସକୁ ଖବର ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ୫ ଜଣଙ୍କୁ ଅଟକ ରଖିଛି ।