ଉତ୍ତରାଖଣ୍ଡର ଆଲମୋଡାରେ ଭୟଙ୍କର ଦୁର୍ଘଟଣା, ଖାଇକୁ ଖସିପଡ଼ିଲା ବସ୍, ୬ରୁ ଅଧିକ ମୃତ

ଡେରାଡୁନ: ଉତ୍ତରାଖଣ୍ଡର ଆଲମୋଡାରେ ବଡ଼ ଧରଣର ଦୁର୍ଘଟଣା। ବସଟି ଖାଇକୁ ଖସି ପଡ଼ିବାରୁ ୬ରୁ ଅଧିକ ଯାତ୍ରୀଙ୍କ ମୃତ୍ୟୁ ହୋଇଛି। ଅନେକ ଯାତ୍ରୀ ଆହତ ହୋଇଛନ୍ତି। ଦୁର୍ଘଟଣା ସମ୍ପର୍କରେ ସୂଚନା ପାଇବା ପରେ ପ୍ରଶାସନିକ ଅଧିକାରୀ ଏବଂ SDRF ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।

ବସଟି ସକାଳ ପ୍ରାୟ ୬ଟାରେ ଦ୍ୱାରହାଟରୁ ଛାଡିଥିଲା। ବସଟି ରାମନଗର ଯାଉଥିଲା କିନ୍ତୁ ଭିକିୟାସେନ-ବିନାୟକ ରୋଡର ଶିଳାପାଣି ନିକଟରେ ନିୟନ୍ତ୍ରଣ ହରାଇ ଗଭୀର ଖାତକୁ ଖସି ପଡ଼ିଥିଲା। ବର୍ତ୍ତମାନର ସୂଚନା ଅନୁଯାୟୀ ବସରେ ୧୨ ଜଣ ଯାତ୍ରୀ ଥିଲେ। ଦୁର୍ଘଟଣାରେ ୭ ଜଣଙ୍କର ମୃତ୍ୟୁ ହୋଇଛି। ଅନେକ ଲୋକ ଗୁରୁତର ଆହତ ହୋଇଛନ୍ତି ଏବଂ ସେମାନଙ୍କୁ ଭିକିୟାସେନର ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।

ଦୁର୍ଘଟଣା ଖବର ପାଇବା ପରେ, ପୋଲିସ ଏବଂ ପ୍ରଶାସନ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି। SDRF ଦଳ ମଧ୍ୟ ଘଟଣାସ୍ଥଳରେ ପହଞ୍ଚି ଲୋକଙ୍କୁ ଉଦ୍ଧାର କରିବା ଆରମ୍ଭ କରିଛି। ଉଦ୍ଧାର କାର୍ଯ୍ୟ ଏବେ ବି ଜାରି ରହିଛି। ବସ୍ ଭିତରେ କିଛି ଲୋକ ଏବେବି ଫସି ରହିଥିବାର ସମ୍ଭାବନା ରହିଛି।

ଜିଲ୍ଲା ପ୍ରଶାସନର ଅଧିକାରୀମାନେ ମଧ୍ୟ ଘଟଣାସ୍ଥଳକୁ ଯାଇଛନ୍ତି। ଘଟଣାସ୍ଥଳ ଜିଲ୍ଲା ମୁଖ୍ୟାଳୟରୁ ପ୍ରାୟ ୧୦୦ କିଲୋମିଟର ଦୂରରେ ଅବସ୍ଥିତ। ବିପର୍ଯ୍ୟୟ ଅଧିକାରୀ ବିନୀତ ପାଲ କହିଛନ୍ତି ଯେ ଆହତମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦିଆଯାଉଛି। ରିପୋର୍ଟ ଅନୁସାରେ, ଡ୍ରାଇଭର ଏବଂ କଣ୍ଡକ୍ଟର ବର୍ତ୍ତମାନ ସ୍ୱାସ୍ଥ୍ୟାବସ୍ଥାରେ ଅଛନ୍ତି। ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି।