ଖରାପ ପାଗ ଯୋଗୁ Air India ଓ Indigo ଜାରି କଲେ ଚେତାବନୀ, ଚେନ୍ନାଇରୁ ୫୪ ଉଡାଣ ବାତିଲ

ଚେନ୍ନାଇ ୨୯।୧୧: ଘୂର୍ଣ୍ଣିବାତ୍ୟା ‘ଡିଟୱା’ ଯୋଗୁ ଦକ୍ଷିଣ ଭାରତରେ ଅନେକ ରାଜ୍ୟର ପାଗ ବଦଳି ଯାଇଛି। ମୁଶଳଧାର ବର୍ଷା ଆଶଙ୍କାକୁ ଦେଖି ପାଣିପାଗ ବିଜ୍ଞାନ ବିଭାଗ(ଆଇଏମଡି) ତାମିଲନାଡୁ ଓ ପୁଡୁଚେରୀ ନିମନ୍ତେ ଶନିବାର ଓ ରବିବାର ଭୀଷଣ ବର୍ଷା ପାଇଁ ରେଡ ଆଲର୍ଟ ଜାରି କରିଛନ୍ତି। ଏଣୁ ପ୍ରଶାସନ ଉପକୂଳ ଏବଂ ସମ୍ବେଦନଶୀଳ ଅଞ୍ଚଳ ଲାଗି ସତର୍କତା ବଢାଇ ଦେଇଛନ୍ତି। କାରଣ ବାତ୍ୟା ଯୋଗୁ ଭୀଷଣ ପବନ ଓ ସମୁଦ୍ରରେ ଜୁଆର ଉଭୟ ବିପଦ ଉପୁଜିପାରେ। ଏଣୁ ଏୟାର ଇଣ୍ଡିଆ ଶନିବାର ଯାତ୍ରୀଙ୍କ ନିମନ୍ତେ ଆଡଭାଇଜରୀ ଜାରି କରିଛି।

#TravelAdvisory

Heavy rain and strong winds resulting from Cyclone Ditwah may impact our flights operating to and from Chennai and some other cities in the southern India.

You are requested to check the status of your flights here https://t.co/5vemTROi62 before proceeding to…

— Air India (@airindia) November 29, 2025

ଏୟାର ଲାଇନ୍ସ କହିଛି ଯେ ବାତ୍ୟା ଯୋଗୁ ଚେନ୍ନାଇ ସମେତ ଦକ୍ଷିଣ ଭାରତର କିଛି ସହରରୁ ଯିବାଆସିବା କରୁଥିବା ଉଡାଣ ଉପରେ ପ୍ରଭାବ ପଡିପାରେ। ଏଣୁ ଏୟାର ଇଣ୍ଡିଆ ଯାତ୍ରୀଙ୍କୁ ଏୟାରପୋର୍ଟ ବାହାରିବା ପୂର୍ବରୁ ନିଜ ଫ୍ଲାଇଟର ଷ୍ଟାଟସ୍ ନିଶ୍ଚିତ ଯାଞ୍ଚ କରି ନିଅନ୍ତୁ ବୋଲି ପରାମର୍ଶ ଦେଇଛି। ଯାତ୍ରୀ ଅନଲାଇନରୁ ମଧ୍ୟ ଏହି ସୂଚନା ପାଇ ପାରିବେ ଅଥବା ଏୟାର ଇଣ୍ଡିଆର ୨୪X୭ କଲସେଣ୍ଟର ୦୧୧-୬୯୩୨୯ ୩୩୩/୦୧୧-୬୯୩୨ ୯୯୯୯ରେ ସମ୍ପର୍କ କରିପାରିବେ ବୋଲି କହିଛି। ତେବେ ଏୟାର ଲାଇନ୍ ଏ ପର୍ଯ୍ୟନ୍ତ କୌଣସି ଫ୍ଲାଇଟ୍ ରଦ୍ଦ କରାଯିବା ନେଇ ଅଧିକାରୀକ ବୟାନ ଜାରି କରି ନାହିଁ। ହେଲେ ସାଇକ୍ଲୋନର ଗତିବିଦ୍ଧି ଉପରେ ନଜର ରଖିବା ଲାଗି ନିବେଦନ କରିଛି।

ସେହିପରି ଇଣ୍ଡିଗୋ ଏୟାରଲାନ୍ସ ମଧ୍ୟ ଏକ ଟ୍ରାଭେଲ ଆଡଭାଇଜରୀ ଜାରି କରିଛି। ଏଥିରେ ସାଇକ୍ଲୋନ ଡିଟୱା ଦକ୍ଷିଣ ଭାରତ ଓ ଶ୍ରୀଲଙ୍କାର କେତେକ ଗନ୍ତବ୍ୟରେ ବାଧା ସୃଷ୍ଟି ହୋଇପାରେ ବୋଲି କହିଛି। ଏୟାରଲାଇନ କହିଛି ଯେ ବାତ୍ୟା ପଶ୍ଚିମକୁ ବଢୁଥିବା ରୁ ବର୍ଷା ଓ ବାୟୁର ପ୍ୟାଟର୍ଣ୍ଣରେ ତୀବ୍ର ପରିବର୍ତ୍ତନ ଆସିଛି। ଏଣୁ କଲମ୍ବୋ, ଜାଫନା, ପୁଡୁଚେରୀ, ଥୁଥୁକୁଡୀ, ତିରୁଚିରାପଲ୍ଲୀ, ଚେନ୍ନାଇ ଓ ମଦୁରାଇ ଯିବା ଆସିବା କରୁଥିବା ଉଡାଣ ପ୍ରଭାବିତ ହୋଇ ପାରେ।

Travel Advisory | Cyclone Ditwah

As Cyclone Ditwah continues to move westwards, its associated rainfall and wind patterns are now affecting parts of Sri Lanka and Tamil Nadu. As a result, flights to and from #Colombo, #Jaffna, #Pondicherry, #Tuticorin, #Trichy, #Chennai and…

— IndiGo (@IndiGo6E) November 29, 2025

ଏଥିରେ ଚେନ୍ନାଇ ଏୟାରପୋର୍ଟ ଅଧିକାରୀମାନେ କହିଛନ୍ତି ଯେ ଖରାପ ପାଗ ଓ ସୁରକ୍ଷା କାରଣରୁ ତାମିଲନାଡୁର କେତେକ ଜିଲ୍ଲାକୁ ମୋଟ ୫୪ଟି ଉଡାଣ ରଦ୍ଦ କରିଦିଆଯାଇଛି। ଭୀଷଣ ବର୍ଷା ଓ ପବନର ବେଗ ବଢିବା ଆଶଙ୍କାରେ ଚେନ୍ନାଇରୁ ଥୁଥୁକୁଡି, ମଦୁରାଇ ଓ ତ୍ରିଚୀ ଯିବାକୁ ଥିବା ୧୬ ଉଡାଣ ରଦ୍ଦ କରାଯାଇଛି। ସେହି ସବୁ ସହରରୁ ଚେନ୍ନାଇ ଆସୁଥିବା ଉଡାଣକୁ ମଧ୍ୟ ଅଟକାଇ ଦିଆଯାଇଛି। ଏହା ଛଡା ମଦୁରାଇ, ତ୍ରିଚୀ ଓ ପୁଡୁଚେରୀରୁ ବେଙ୍ଗାଲୁରୁ ଏବଂ ହାଇଦ୍ରାବାଦକୁ ୨୨ଟି ଉଡାଣ ବାତିଲ କରାଯାଇଛି। ପ୍ରଶାସନ ସ୍ଥିତି ଉପରେ ଲଗାତାର ନଜର ରଖିଥିବା ଓ ଯାତ୍ରୀ ଏୟାରପୋର୍ଟ ଆସିବା ପୂର୍ବରୁ ନବୀନତମ ଅପଡେଟସ୍ ନିଶ୍ଚୟ ଯାଞ୍ଚ କରନ୍ତୁ ବୋଲି କୁହାଯାଇଛି।